مجموعة من قصائدي الحسينية

[علي زيدان]

بسم الله الرحمن الرحيم


والصلاة والسلام على خاتم الأنبياء والمرسلين وعلى ال بيته الطيبين الطاهرين



السلام عليكم ورحمة الله وبركاته


هذه مجموعة من قصائدي الحسينية وبالمرفقات ملف Word جاهز للطباعة لكل قصيدة


وللأستفسار عن طور كل قصيدة يرجى الاتصال على 07707076592


خادم أهل البيت (ع) علي زيدان الفريجي



القصيدة 1



اليوم مشاية طلعنة


الگبرك الطاهر گصدنة


* * * *


اليوم مشاية اجينه


أنزور گبرك يا ولينه


ونقسم بطاهه نبينه


وفاطمة وحيدر علينه


ما نرد من المنعنه


* * * *


يا ابن حامي الحمية


ما تخوفنه المنية


احنه جينة بصافي نية


ونقسم برب ألبريه


ما نغير من طبعنه


* * * *


انته هيبتنة ونشوفك


كعبه والوادم تطوفك


عل عرش كتبو حروفك


وهذا يا شيعي اليعوفك


وانته بالمحشر املنه


* * * *


انته أوسع كل سفينة


وبيك كل احنه نجينه


سنة وي شيعة اجينه


شلنه رايات بئدينه


حبك ودربك جمعنه


* * * *


يلي عطر الكون شمك


گلبي بلشريان ضمك


افتح گلوب التخدمك


تلگه يا مولاي اسمك


ويفتخر بسمك گلبنه


* * * *



القصيدة 2



أسئل وافهم معنى حســــــين


مو بــس تجري دمـوع العين


أسئل ماريدك تتردد ما ريدك عالـحك تتبعد


أسئل ليش حسين استشهد حتى اتجاهد الجل الدين



تدري حسين استشهد ليش حتى الناس بعز تعيش


واحنه نجازي حسين ابيش ومثل حسين انجيب منين





الطم لا تلطم ما گلك لكن من تلطم يشفعلك


وذنوبك باجر تشهدلك كون تقللهن هم زين





تلطم وذنوبك تزداد يغسلهن ترجع تنعاد


لو نطي حسين شماراد لا تصدك نوفيله الدين




اگعد وي نفسك وذكر وتخيل من غار العسكر


تلگه الشيعي شگد مقصر لكن ما يحجي بوجهين





صح حسين هواي تعذب وانسبت وتئذت زينب


المفروض نجازف نتعب واحنه بحبهم منتصرين



القصيدة 3


يا شهر ما أريد جيتـك يا شهر


عذبت كلب العقيلة بالنحر


* * * * * *


يا شهر ما أريد جيتك من تجي


من تمر عالناس يزداد البجي


يا شهر وياك ما ينفع حجي


عذبت كلب العقيلة أم الخدر


* * * * * *


يا شهر عاشور عذبت الكلب


مو سهل متن الفواطم ينضرب


انته يا عاشور عالوادم صعب


لا تظن نرتاح بيك ونبتشر


* * * * * *


من تهل عالناس يا شهر المحن


تأخذ الأفراح وتجيب الحزن


ونذكر الحرة العقيلة من تون


ونذكر سكينة ورقية والنهر


* * * * * *



ونذكر حسين ومصايب كربلة


ونذكر العباس راعي المرجلة


ونذكر اسوة الشمر بالعايلة


ونذكر الرأس الوكع بيد الكفر


* * * * * *


ونذكر السجاد جرح الما شفة


ونذكر الأكبر شبيه المصطفى


ونذكر أنصار الحمل أعظم صفة


ونذكر هموم ومصايب من تمر


* * * * * *


لا تظن كلبي تبطل ونته


ويا محب تكدر تنشف دمعته


وجاسم العريس بالدم حنته


وزفته جفوف المنية للكبر


* * * * * *


شحجي يا عاشور عالصار وجرة


والطفل عطشان حزو منحرة


ذبحو المختار بيه وحيدرة


بالطفل حزو نحرهم يا شهر


* * * * * *


القصيدة 4



يا زهرة الزجية عليج البريــة


تجــدد حزنهة هاي المســيه


لمصابـج بجينة يبضعـة نبـينا


يزهرة الزجية


* * * * * * * *


أنجرح گلب الزجية والجرح ما طاب


حمل لوعة ابنهه والضلع منصاب


إذا هين ضلعهه المنكسر بالباب


فگد محسن مصيبة لو جبل جا ذاب




يا زهرة المصايب عليــكم عجايب


الجبل لـو تمره جا هسه ذايـب


ويحير بونينــة يبضعـة نبينــا


* * * * * * * *


يفاطم علجرالج صب دمعهة العين


لان اللي جرالج ذكرانة وين


تذكرنه المصيبة المرت على حسين


الحزن زينب خذانه وگطعت الجفين




لـون علجرالج ويذكرني حـالج


يذكـرنه بيمن بلوعــة عيالج


ونجر ونه أجينا يبضعة نبيــنا


* * * * * * * *


انه من اذكر مصابج گلبي يتفطر


واجر ونه حزينة وأبقى أتحسر


لأن الجرالج على الخلك ما مر


عساه ضلعج سليم وضلعي المكسر




أريـد الليالـي تعذبلي حالــي


لأن الجرالـج ابـد ما جرالـي


يزهره الحزينة يبضعة نبينــا


* * * * * * * *


ويذكرنه يفاطم ضلعج المهشوم


يذكرنه بمصيبة أبنج المسموم


هذاك اللي تسمم والگلب مالوم


واذا نذكر مصابج وابنج المظلوم




يتغير وضعنـه ونحير بدمعنـه


مصابه ومصابج وحقـج فجعنـه


يظل جمـرة بينا يبضـعة نبينــا


* * * * * * * *


يفاطم ما دريتي بحالة الكرار


تذكر بالجرالج دفنه المختار


يصب دمعه عليكم والگلب محتار


احن لوعة مصابة عده هذا الصار




تعـذب عذابـج وينـوح لمصابج


يزهره الـدفنتج بيا حـالة جابـج


يفرحـه علينـه يبضعـة نبيــنا



القصيدة 5



سمعو يلشمات لتلوموني


لو علي الكرار نور عيوني


أي وحــــك اللــــه


من الطفولة أهواه


وعن محبته والله متمنعوني


* * * * *


سمعو يلشمات بس حيدر صدك


صار روحي وناظري وكلبي اليدك


ويسرتي ويمناي


خل تلـوم اعـداي


أنا عاشك حيدره يسموني


* * * * *


بيه هذا اللوم ما ينفع ترى


انتم تلومون عاشك حيدره


يعني هذا اللوم


ما يأثــــر دوم


أنا قمبر وانتم تعرفوني


* * * * *


هذا أبو الحسنين روحي البل جسد


لا زليخه بعيد ما توصل ابد


من وزن الشوك


هيه تصعد فوك


وأنا يمه شحال لو بعدوني


* * * * *


أنا عاشك من كبل هذا الأمام


وأنا جنت زغير ما عرف الكلام


صحت يا بو حسين


انته نــــور العــيـن


واهلي داخو حيل من سمعوني


* * * * *


أنا من احتار واندب يا علي


افرح وارتاح والهم ينجلي


وانتم تلومون


بيه ما تدرون


من اعوفه يعني اعوف أعيوني





(( بقية القصائد بالمرفقات ))


اعتذر لضيق الوقت


الملف الاول يحتوي على 9 قصائد


الملف الثاني يحتوي على 12 قصيدة

[ابوتكتم الخير]

الشاعر
علي زيدان
في البدء أهلا وسهلا بك في هذا المنتدى الحسيني
وقرأت هذه القصائد الولائية
الرائعة والجميلة
اسأل الله ان يجعلها في ميزان حسناتك
لك مني الود
ابو تكتم الخير

[فنون الليل]

اللهم صلِ على محمد وعلى آل محمد الطيبين الطاهرين وعجل فرجهم


بارك الله بك

موفق

[علي زيدان]

شكرأ لمروركم الكريم
شرفني حضوكم

ودي وتحياتي لكم

[رياض الرسل]

السلام عليكم

علي زيدان
الشاعر الغالي

اولا نتشرف بك بيننا واشكرك على انضامك الى هذا الصرح المبارك
وقصائدك اكثر من رائعه وجميله
واسأل الله قبولها منك بحق الزهراء

لكن بودي ان اعلمك بشي
لايجوز وضع رقم موبايلك هنا مع القصائد
لأسباب كثيرا بأمكان مراسلتك برساله خاصه وهذا الشي مسموح به هنا

والاغرب من ذلك
انا اكثر من ثلاث ايام اتصل على موبايلك وعلى نفس الرقم الموضوع مع القصائد
فلم ترد لا اعرف لماذا

ارجو ان تتقبل كلامي مع فائق التقدير والاحترام حبيبي الغالي

خادمك
رياض الرسل
مشرف القسم