قصيده جديده جديده الى الاربعين / ادخل هنا للبركه

[رياض الرسل]

ردت تناشد عـالگبـر يحسيـن وينـك
زينب واجتي تزورك بيوم اربعينك
وينك يضي العيـن
جاوب يخويه حسين
زينب واجتي تزورك بيوم اربعينك

***************

زينب تـزورك ردت بــدمعـت يـسـرهــا
جابت اطفـالك تنحب وجـابـت صبـرهـا
يـم گـبـرك اتمنـت يـبـو اليـمه گـبـرهــا
بعـدك يـنـور العـيـن مــارادت عـمـرهـا
عالگبر تسأل ويـــن
جاوب يخويه حسين
زينب واجتي تزورك بيوم اربعينك

******************

جابت صبرهـا و ردت من الشام هـيـه
ويــاهــا اطـفـالـك واجت للغـاضـريــه
عافـتـك فـوگ اعله الثره جـثـه رميـه
و ردت تـون من اليسر ونــه شجـيــه
والگبر دربه منـيــن
جاوب يخويه حسين
زينب واجتي تزورك بيوم اربعينك

***************


عرفت گبر لحسين من شمت اترابـه
وهنا وگع لحسين واتسلبت اثـيـابـه
ماتنطفي تضل للابـد جمرة مصابــه
وشلون اخويه اگـدر اتحمل غـيـابـه
فـرگـنه احنه البـيــن
جاوب يخويه حسين
زينب واجتي تزورك بيوم اربعينك

*****************

راحت تـدور بالگـبـور اعـلـه الكفلـهـــا
وتذكرت عباس من دگ صــدره الهــــا
نومتك خويه بالگـبـر لا مـو مـحـلهــــا

عالگبر گعـدت زينب الدمعـه تـهـلـهـــا
بس تهمل العـيـنـيـن
جاوب يخويه حسين
زينب واجتي تزورك بيوم اربعينك

****************

والشافـتـه زينب يخـويه ايشيب الراس
وعـلـيـه من اتيسرت تـتـفــرج الـنــاس
وسمعت نادوني يخويه ذوله الارجاس
زينب عجـيـبـه اميسره وابـلايه عباس
لرض الوطن ماشين
جاوب يخويه حسين
زينب واجتي تزورك بيوم اربعينك

****************

خادمكم
رياض الرسل

[أم كميل الكلابيه]

اللهم صل على محمد وآل محمد وعجل فرجهم الشريف
المستهل رائع والقصيده أروع .. احسنت ياشاعرنا رياض الرسل
مأجور على كل كلمه يخطها قلمكَ الولائي
تحياتي الأخويه

[رياض الرسل]

السلام عليكم

الاخت الفاضله
والشاعره الحسينيه

ام كميل الكلابيه

كل الشكر والتقدير لك مني
على مرورك المشرف هذا
والله لايحرمنا منك ابد

دمت لنا


اخوك
رياض الرسل