شاركونا بدارميات الى ولادة الرسول (ص)

[رياض الرسل]

السلام عليكم

اساتذتي الشعراء الكبار والافاضل

لقرب حلول ولادة الرسول الاعظم
محمد بن عبد الله (ص)

نحب ان تشاركونا بدارميات عن
ولاده الرسول فقط

ونريد مشاركتم وابداعاتكم معنا


نوصل نريد الصوت لرض المدينه
صلـوا عـلى المخـتـار طه نبـيـنــه


انتظر مشاركتكم احبتي


خادمكم
رياض الرسل

[احمد عباس]

نوصل نريد الصوت ونسمع الكونين
صلوا على المختار والد السبطين

[رياض الرسل]

السلام عليكم

احمد عباس


مرورك ومشاركتك اكثر من رائعه
الله لايحرمنا منك ابد
دمت بكل خير وبركه يارب

وبأنتظار المزيد من المشاركات

رياض الرسل

[ابو ظاهر البركي !]

ياشيعي لو صليت عالنبي المختار
صك للشفاعه تنول من علي الكرار


تاج راسي استاذي ابو عباس

رزقنا الله واياكم شفاعة محمد وال محمد



خادمكم
ابو ظاهر البركي

[رياض الرسل]

السلام عليكم

الشاعر الغالي
ابو ظاهر البركي

مشاركه اكثر من رائعه
الله يتقبلها منك يارب
تشرفت بيك حبيبي



وهذه مشاركتي المتواضعه


من نور ابو الزهراء هاي الولاده
وكلمن يهني اليوم نال السعــاده


خادمكم
رياض الرسل

[قاسم حتروش]

بمولد نبينه اليوم عمّت الفرحه
وتنوّرت كل دار من طلع صبحه
********
صلوا على المختار سيد البريه
وهنوا لعلي الكرار وبنته الزجيه


عاشت أيدك أبو عباس على هذا الموضوع
حشرك الله مع محمد وال محمد

[البدري14]

من طه صك مختوم بيه الشفاعة
والوصي مصدق بيه برفعة ذراعه

[البدري14]

صلوا على المختار والد الزهره
اليدعي حبه شلون ينكر العتره

[البدري14]

يا طه ذيج الناس باعت الخوة
تدري الوصي بلياك رابع تسوه

[البدري14]

اخواني كاتب الموضوع سيدنا العزيز رياض الرسل ابو عباس
والاخوة احمد عباس وقاسم حتروش والمبدع ابوظاهر
وجميع الاخوة اقبل ايديكم التي خطت هذه الاحرف
النيرة
خادمكم ابو تركي البدري
موفقين

[ابو ظاهر البركي !]

يامن تحب ياسين خير البريه
صل عليه مرتين واخذ الهديه




خادمكم
ابو ظاهر البركي

[البدري14]

يا من تحب ياسين وبنته الزجيه
صلي على المختار صبح ومسيه

[رياض الرسل]

يـامـن تحـب ياسيـن صليله عـشـره
حتى بسجلها اليوم اتسجلك الزهره

******************


شرف كبير مرورك اساتذتي الشعراء الكبار
و ما انا سوى اقل خادم بينكم احبتي الكرام

والتمس دعائكم


خادمكم
رياض الرسل
ابو عباس

[البدري14]

يعلم عليم الحال بكنهة محمد
وبس علي بنفس الحال مثله يتشهد

[ابو ظاهر البركي !]

كلما تصلي اهواي تدخل الجنه
ولو جبل شلنه اذنوب يشفعلنه



خادمكم
ابو ظاهر

[ابوتكتم الخير]

السلام عليكم أحبتي متصفحي الأنا
وسلمت يمينك أبو عباس (دعني ألقبك )
ولك ما تحب
يامن تحب ياسين وبنته إووصيه
صلي على المختار كل ليلة ميه

[البدري14]

بمشارك الشعار ومدحنــــا طه
بلكي الزجية هناك نحضى برضاها

[البدري14]

صلوا على الممدوح من فوك الافلاك
ما يستمر هالدين يالوصـي لولاك

[ابوتكتم الخير]

بــ (17 ) بسبعطعش ربيع إنولد أحمد
ونار المجوس اليوم من نوره تخمد

[ابوتكتم الخير]

صلي على المختار كل رمشه للعين
يجازيك أبو الحسنين وكفلك حسين

[رياض الرسل]

اشرق على الكوان نورك يطه
ونار المجوس اليوم يخمد ضياها

******************


نتشرف بجميع الشعراء الافاضل
ومزيد من المشاركات
الى رسول الله ( ص )


خادمكم
رياض الرسل

[ابوتكتم الخير]

صلي صلي .. صلي صلي إبلا ملل
وإخذ صك غفران من خير العمل

[البدري14]

سيد قريش اليوم هل عنده العيد
بت وهب فرحت بيه تدريبه صنديد

[قاسم حتروش]

صلي على المختار وأبعث تهاني
بجاه الوصي الكرار تنول الأماني

[البدري14]

الله اليدير الكون ويعرف ناسه
صادق وامين الكوم بيه الفراسه
------
يا سيد البطحاء نوّر حفيدك
بالشرك يتهموك جانوا عبيدك
------
من الحقد والحسرات عميانه العيون
هل نوره سيد قريش واشرق على الكون

[ابوتكتم الخير]

دوم إقره القرآن وصلي على أحمد
وإشكر وإحمد دوم الأرسل محمد

[ابو محمد]

السلام عليكم احبتي الكرام
نهنئكم بهذا اليوم يوم تتويج الامام الحجه المنتظر بالامامه على الامه
صلى الله عليه وعجل فرجه

عالمصطفى والآل صلي يشيعي
لو بيها حتفك هاي عندك طبيعي

[ابوتكتم الخير]

عالمصطفى صليت والجعفر أهدي
بالبيعه هذا اليوم نبارك المهدي

كل الشكر لأبو محمد على هذه التهنئه
وكل عام وأنت بخير

[البدري14]

تنحى يا عم ان الامر ليس لك
-----
هلا بالقال يا عمي تنحى
هلت غرته وانفلق صبحه

[قوافي الأيثار]

حب النبي المختار زهرة حياتي -- باسمه وجميع الآل ارفع صلاتي

[ابوتكتم الخير]

حب النبي والآل يجري إبدمي
وكل دكه بالدلال إتصلي بسمي

[ابوتكتم الخير]

صلي صلي عل النبي وأبني الغرف
إلك بالجنات وتنال الشرف

نفتقد إثنين من الأخوة الأعظاء
(الأخ أبو ذر السماوي ..... والأخت إم كميل الكلابيه )
لعلهم بخير
نسأل الله أن يحفظ الجميع

[ابو ظاهر البركي !]

الصله علمختار وانتهل منه
صدكني والعباس يدخل الجنه



ابو ظاهر البركي

[ابو ظاهر البركي !]

الكل يعلي الصوت لأجل الزجيه
وايصلي علمختار خير البريه


خادمكم
ابو ظاهر البركي

[ابو ظاهر البركي !]

لاتسجد ولتصوم يالماتصلي
عللخاتم المختار العقل كلي



ابو ظاهر البركي

[ابو ظاهر البركي !]

رب العرش من فوك صلى على طه
وحتى الملايك دوم صلت تراهه


ابو ظاهر البركي

[ابو محمد]

صلي على المختار واله الميامين
والعن يزيد وياك واله الملاعين

[قاسم حتروش]

مولدك هذا اليوم عالدنيا أقبل
والكل موالي صار مدرسة ومنهل

[ابو ظاهر البركي !]

ياشيعه جانه ربيع مولد نبينه
وتتبشر الكونين من هل علينه



ابو ظاهر البركي

[البدري14]

اكبل علينه العيد والفرح شايع
والخالف المختار والكعبة ضايع

[البدري14]

بيده رفع يمناه كال انته بعدي
بالبخبخ وجذاب يعرف المهدي

[ابوتكتم الخير]

للهادي ابو الزهراء ولأهله صليت
موش بطمع ياناس هيج آنه هنيت

[ابوتكتم الخير]

عيف الفخر والزود وصلي على أحمد
إحسبها رد معروف لا أجر لا ود

[ابوتكتم الخير]

صلي على أحمد دوم وأذكر الآل
من غير ذكر الآل متساوي مثقال

[ابوتكتم الخير]

شما صله وشما صام اليكره الآل ...........
أحلفله بالعباس ماتسوه إريال ...( سعودي )

[البدري14]

ذاك الريال الزين حسبه من الفلوس
الما يعترف بالآل بنار الله منكوس

[البدري14]

بيهم نصى الطوفان همه السفينه
الما شايف اهل البيت من عمت عينه

[ابوتكتم الخير]

بنار الله منكوسين الما يصلون
إبيا كتر يا صاح الي يعادون
رد

[ابوتكتم الخير]

بيها إركبت آلاف من جدنه آدم
ربان بيها حسين يلم شيعته لم
تحياتي للبدري

[البدري14]

عزيزي ابو تكتم
-----
تدري شيشيل شراع هاي السفينه
بالحشر موجودين طه وعلينه
-----
يالزهره تلتفتين شرادتج كولي
بجنة الفردوس وشيعتي حولي
-----
يام الحسن مقبول كل طلب منج
قاموا عزاء لحسين شيعتج عنج
----
تحياتي ابو تكتم

[ابوتكتم الخير]

عزيزي ابو تكتم
-----
تدري شيشيل شراع هاي السفينه
بالحشر موجودين طه وعلينه
-----
يالزهره تلتفتين شرادتج كولي
بجنة الفردوس وشيعتي حولي
-----
يام الحسن مقبول كل طلب منج
قاموا عزاء لحسين شيعتج عنج
----
تحياتي ابو تكتم

الحبيب الغالي البدري 14
صح لسنك على هذا الدارمي العذب
ولك مني
ادري شيشيل الشراع وادري بيه كل الوفه
لاجن أحجي مع الناصب وأنته سيد المعرفه
******
يالزهره شتحملين بيديج الأثنين
كاس الوفه لعباس وأحمل الجفين
********
يالشيعي لا لتخاف هول القيامه
الزهره تتلكاك إم الأمامه
تحياتي المعطره
بالصلاة على محمد وآل محمد

[ابوتكتم الخير]

النبي مارايد صلاه وأجرننطيه
لاجن الله الرادنه نصلي عليه

[ابو محمد]

السلام عليكم ورحمة الله وبركاته
اللهم صل على محمد وال محمد الطيبين الطاهرين
ابارك لكم اخوتي جميعا هذا اليوم يوم ولادة الرسول العظيم
محمد بن عبد الله صلوات الله وسلامه عليه وعلى اله الطيبين المعصومين
وكل عام وانتم بخير

****************************

ماينقبل للصــــــام عمره وتنسّك
الا اعله اهل البيت صلى وتمسّك

[كريم السعبري]

السلام عليكم
==========
وامتله بضيه الكون واتشرفت بيه
سبع الطباق اليوم لطه وتهنيه

[ابوتكتم الخير]

السلام عليكم ورحمة الله وبركاته
اللهم صل على محمد وال محمد الطيبين الطاهرين
ابارك لكم اخوتي جميعا هذا اليوم يوم ولادة الرسول العظيم
محمد بن عبد الله صلوات الله وسلامه عليه وعلى اله الطيبين المعصومين
وكل عام وانتم بخير

****************************

ماينقبل للصــــــام عمره وتنسّك
الا اعله اهل البيت صلى وتمسّك
وعليك السلام ابومحمد الغالي وكل عام وأنته بألف خير
أعتذرعن وصولي المتأخر
أحببت أن أقرأ لك وأرد عليك
فأعتذر مرة أخرى ولك مني

ماينقبلك دوم كلشي التسويه
بس النبي المختار من إتصلي إعليه
تقبل دعائي