سجود الشمس

[ابو ظاهر البركي !]

سجود الشمس



هي هاي الشمس سجدت للحسين

والاشعه اتيممت بترابه

هي من سجدت اليوسف من زمان

حسين واكف يمه هي تهابه

هي يوميه تجي الطف كربلاء

توكف استعداد يم محرابه

وتبقه تبجي عليه لحد وقت الاصيل

تذوب كلها وتختفي يم بابه

وتبقه طول الليل تمسح بالعتاب

ويطلع الضو بمسحها عتابه

تاخذ الضوء وتجي يم الضريح

وكبل ماتوصل تمر باصحابه

تاخذ الاصحاب مشيه عللحسين

تريد تصعد هي اجت طلابه

وكبل ماتصعد اجاها من اليمين

نور يسطع للكمر يايابه

كالت شجاب الكمر يم الضريح

انه عفته هناك يمي اشجابه

ومادرت يوميه هو بكربلاء

ساجد العباس من احبابه

هو طينه امين اجا هذا السطوع

من كمر هاشم اخذ جلبابه









خادم اهل البيت

ابو ظاهر البركي

النجف الاشرف

[في الروحْ تَسكنْ]

ويبقى سجودْ الشمس للحسينْ أبديا ... دام نبضك .. قصيدة رائعة .

[سفينة البحار]

اجدت واحسنت
زادك الله القا بحب الحسين

[رياض الرسل]

السلام عليكم

الشاعر الغالي والمخلص
ابو ظاهر البركي


قصيده اكثر من رائعه وفيها صور رائعه كروعتك حبيبي

والله يوفقك لكل خير
واسال الله ان يحفظك للجميع


خادمك
رياض الرسل