علي تجهله الصحابه للشاعر سيد كريم السعبري

[كريم السعبري]

كلت اكتب قصيده لعلي الكرار
واذكر من ملاحمهه لعضمته
لكيته صرح والله يفوق الجبال
رجعت فرحان من تاريخه شفته
اربات النبي ومنه تعلم طيب
ومن اخلاقه واحسانه وحكمته
ابو الحسنين تشهدله الميادين
من خاوه النبي وافاه بخوته
يحس باالمصطفى لوجان محتار
مطيع ايصيروينفذامرته
وياهو لفاركه بحساب شهرين
وصل يمه ولانزلت دمعته
وياهو اللي يزوره ويجي مشتاق
يسجدله ويقبلهه لعتبته
وياهو اللي يموت بكبره يرتاح
اذامويم علي وكون بتربته
تموت الناس بالذل فوك الفراش
وعلي استشهد بمحرابه وكعته
رسول الله والله هواي خانوه
ونشهدلك علي مايوم خنته
شكثر للدين باعوه مناجل مال
ولجل دينك يعمرك والله بعته
اصفه من صفات الماي والله
مومثل الجماعه ووئد بته
نحبه حب ابد ماحبه انسان
نذوب نذوب كل احنه بمحبته
مو بالورق رسمك والتصاوير
رسمك بالكلب مولاي شلته
اشوف الناس وي غيرك يميلون
اضن حجيي صدك كلمن وملته
وميزانك عدل ندري اصفى ميزان
وترجح بين كل الخلك كفته
ياهو اللي اوصفه سهل مولاي
بس شخصك الابدن ما عرفته
شخصيتك صحابه الهه ويجهلون
واضل عجزان شخصك لووصفته