"خـلهم يفجرونه" بقلم الشاعر حسين الساعدي

[كــرار العراقــي]

وِشما يفجرونه--وِشما يذبحونه
عن درب ابو السجاد-عجزوا يمنعونه

-----

هذا ابن هند ايريد ياخذ ثاره
من الحُسين ابقتل كل زواره
يفتي ابقتلنه الاعور وانصاره
خابت فتاويهم
دجاله ندريهم
عن درب ابو السجاد-عجزوا يمنعونه

-----

شُوف الموالي بيده قَدم روحه
طول العمر لحسين ما كَف نوحه
ناذر يحني الدرب من اجروحه
بَارواح منذوره
نوصله ونزوره
عن درب ابو السجاد-عجزوا يمنعونه

-----

اشكَد حاولوا حكام ما كطعوهه
روح اسأل التاريخ والعادوهه
هاي الزيارة الشيعه ما عافوهه
للموت نتعنه
حُبه سرى ابدمنه
عن درب ابو السجاد-عجزوا يمنعونه

-----

ياناصبي حُب الحُسين اسلاحنه
احزامك الناسف نعتنيه بارواحنه
تنزف وفه لحسين هاي اجراحنه
شلال دم نازف
ضل دربه ما واكف
عن درب ابو السجاد-عجزوا يمنعونه

بقلم
حسين الساعدي

[في الروحْ تَسكنْ]

دام نبض ناسجها ...

[ابو ياسر الكعبي]

مزيد من التحايا
لك ياكرار
وللرائع
حسين الساعدي

[ابوتكتم الخير]

أحسنت الأختار
لك كل الود