شاركونا بحق الزهراء (ع) ادخل هنا للبركه

[رياض الرسل]

السلام عليكم

تاج راسي استاذتي الشعراء الكبار

اهلا وسهلا بكم

وارحب بكم من جديد وها نحن على اعتاب استشهاد السيده الفاضله
مولاتنا فاطمة الزهراء (ع) في الروايات الثلاث
نطلب منكم المشاركة هنا

بدارمي
ومضه
ابوذيه

عن موتنا الزهراء (ع) ولاتقصروا معنا احبتي

واليكم مشاركتي المتواضعه


اذا كلنه محــمــد كلنا يـازهـــراء
وتظل ام الابيها الــزهــره مـمتده
ولأن عدنه محمد واحد بهل كون
أذن ام الابيها عدنه بس وحـــده


خادمكم
رياض الرسل

[ابوتكتم الخير]

تنصرك الزهراء وتنور دربك
الموالي رياض الرسل

يالزهره يومج هاذ من يوم الأحزاب
ولد الزنا إمجمعين الحطـب بالبـــاب

السلام على إم أبيها

[رياض الرسل]

السلام عليكم

ابو تكتم الخير

دائما صاحب واحب حبيبينا الغالي
شرف لنا وجودك بيننا
تشفعلك الزهراء يارب


ننتظر بقية المشاركين الافاضل


خادمكم
رياض الرسل

[ابو ياسر الكعبي]

ابو عباس


لانک رائع


مواضیعک رائعة الجمال


الصبر تتلیه کل لحظه ویَتلاک


ونیرانک حَدر ضلعک وَیَتلاک


إعْتنتلَک یالنبي الزهره وَیَتلاک


ابضلع مَرضوض یاسَید البریَّه


***


الکعبي

[ابو ياسر الكعبي]

إجتلَک والضلوع ادموم تنهال
ومنها الغصص والصَدعات تنهال
علیها اگلوب مو تربان تنهال
ودمع حیدر یسیل إعله الرزیَّه

الکعبي

[ابو محمد]

السلام عليكم
جزاك الله خيرا اخي ابو عباس
تشفعلك الزهره ان شاء الله


مثلها ماوصل واحد بعلها
مفاخر بالمجد فاطم بعلها
إهي من؟ ياهو ابوها؟ من بعلها؟
منو الولدت مثل ولد الزجيه

ابو محمد

[ابو ظاهر البركي !]

يتفاحة الجنه الربج اطاج ***النبيه وصرتي النه اعظم ايه

وبدوره محمد شالج اهداج *** لبو الحسنين كونتو الولايه

شاء الباري سد للنار سواج ***وصرتي النه يبعد اهلي حمايه








خادم اهل البيت

ابو ظاهر البركي

[قاسم حتروش]

تون ألزهـــــره مـــــــــــن كثرة حملها
ولا واحـــــــــــــــد أجــــه يمها حملها
يوم المعتـــــــــــــــدي أسقــــط حملها
وكسر لضلــــــــوع بت خيــــر ألبريه

[في الروحْ تَسكنْ]

عابقةُ سطور الوجدْ بأنين الزهراءْ وحُزنها ... دمتمُ بِعطاءْ الحرفْ

[ابوتكتم الخير]

لمحـمد بنت الزهره وحدهــا
وفنه اليوصل إل ظله وحدها
النبي جمــعها الأمـه وحدهـا
ويفرقها النغل وإبن الزنيه

[البدري14]

عليها من المصايب حيل صبن
دموعي لام ابوهــا دموم صبن
لابن حامي الحمية انتظر صبن
صوب اهل الوفه واهل الرزيه
-------
نعم الكل سيدتي ينتظر ابنك المنتظر
شيعته للفرح بمقدمه الشريف
واهل الرزيه لينالوا عقابهم على مافعلوه
بالضلع والعين والباب
وتقوم محكمة العدل الالهي
-

[ابو ياسر الكعبي]

لَوَن حاضر علي ماچان ینصاب
ضلعها ولا مَسیل الدمع ینصاب
ولا مَـأَتَم هذاك الیوم ینصاب
ولامحسن صگـط مـنهـا رمیَِه

الكعبي

[ابوتكتم الخير]

شكثر لوعات بالزهراء مرن
وخلاف النبي اتجرعت مرن
والبسمار خلف الباب مرن
فاطم والطفل طاحن سويه

[رياض الرسل]

السلام عليكم

احبتي الشعراء الكرام

كل الشكر والتقدير لكم جميعا
على المشاركات القيمه
واجركم على الزهراء (ع)

خادمكم
رياض الرسل



وهذه مشاركتي المواضعه احبتي



يهل تسمع عزانه بحزن ------ ينصاب
الليله الـدمع دم بالـروح ------ ينصاب
تــدري يـاضلع هـالـيـوم ------ ينصاب
ضلع بنت النبي الزهره الزچيه

[مرتضى شكر]

رسول الله تعده القاب قوسين - على ابساط العرش بصمة اجدامه
صار الله يكرمه ابكرة العين - بتول اونبض شريان الأمامه
السلام على اول شهيدة في محراب الولاية
مرتضى شكر
النجف الأشرف

[رياض الرسل]

السلام عليكم

الغالي والرائع
مرتضى شكر

شرفنا كثيرا تواجدك معنا حبيبنا الطيب
والله يوفقك لكل خير وبركه يارب
دمت لنا
والله لايحرمنا من وجودك

رياض الرسل

[ابوتكتم الخير]

دمعي أنه عل الزهره من إنصاب
وبروحي عزه إعليها من إنصاب
الزهره ياعلي شكالت من إنصاب
ضلعها والطفل يابو الحميه

[حميد م]

عذب حبج رضعنه مرسمنه
ويصير بحلك خصمج مرسمنه
رسمنه الكون كله مرسمنه

حروف اسمج يبت سيد البريه
لميثم الرماحي
تحياتي للاستاذ
الكبير الرسل

[صادق العارضي]

السلام عليكم جميعا اساتذتــــــــــي
اخواني اخواتي ورحمة الله وبركاته
موضوعه جميل ورائع جعله الله في
ميزان احسناتكم ووفقتم لخدمة محمد
وال محمد عليه وعليهم افضل الصلاة
والسلام اضع بينكم هذا الدارمي وارجو
ان اوفق معكم

لأم الحسن وحسين نجريهه الدموع
وأنذَوبلهه الروح دمعات الشموع

[رياض الرسل]

السلام عليكم

الاستاذه الشعراء الكبار
كل الشكر والتقدير لكم مني
على هذه المشاركات
والله يتقبلها منك يارب

خادمكم
رياض الرسل

[رياض الرسل]

باللوعه والحسرات يجري دمعنا
للزهره حد الموت هذا وضعنا



نرجي الشفاعه هناك من ام الحسين
ونبجي الها نبقه اسنين ماتنشف العين


خادم خدام الزهراء
رياض الرسل

[رياض الرسل]

بالعـصره والبسمار ذايب كلبهـا
يبجي ويون وينوح كلمن يحبها

**************

عالزهره نبجي اسنين منمل بجانا
وبيهــا يــرف لـلــدوم عـالي لوانا

**************

مزيد من المشاركات
يا احباب الزهراء

خادمكم
رياض الرسل

[ابو ظاهر البركي !]

يبجي ويون وينوح علزهره كل حين
كلبي وتركتا هناك يم باب الحسين


البركي

[رياض الرسل]

السلام عليكم

احبتي الافاضل

اشكركم على حسن التواصل
وانتظر مزيد من المشاركات

وهذه مشاركتي المتواضعه




بالدمعه والحسرات نادينه الها
نترجه احـنـه هـناك كلنه املها



نترجه احنه هناك منها الشفاعه
وهذا الامر للموت عـدنه بقناعه




خادمكم
رياض الرسل

[ميثم الرماحي]

عذب حبج رضعنه من رس امنه
ويصير بحلك خصمج مر اسمنه
رسمنه الكون كله من رسمنه
حروف اسمج يبت سيد البريه
ميثم الرماحي

[عَآشِق الْكَرَار]

بسم الله الرحمن الرحيم
اللهم صل على محمد وآل محمد وعجل فرجهم الشريف
سلآم الله على الزهرة الزجيه .. سلآم الله أعلى بنت خير البرية
ربي يبآرك فيكم ..أجركم عند مولآتنآ سلآم الله عليهآ
دمتم بخير

[رياض الرسل]

السلام عليكم

احبتي الكرام

كل الشكر والتقدير للجميع على
هذه المشاركات المباركه

وننتظر مزيد من المشاركات بحق السيده الزهراء (ع)

خادمكم
رياض الرسل

[ابوتكتم الخير]

عل الضلع والبسمار والمحسن الطاح ...... نبجي ونون ونوح أو نصفك الراح

[ابوعباس 6]

لم الحسن ونيت وكتبت شعري ...... موحبر أكتب بيه الدمع حبري

[البدري14]

يافاطر من فطرت الكون باسماك
كتبت اهل الكساء من نور باسماك
ورفعت الهادي للكونين باسماك
ونزل جبريل بالزهره الزجيه
----
عظم الله اجوركم موالين بمصاب ام ابيها
عليهم السلام اجمعين

[رياض الرسل]

السلام عليكم


بالكلب وسط الروح فاطم نضعها
والله يجازي الكوم كسروا ضلعها


مو دمعه بل دمعات نسجب عليها
مو دمع بالدم كون واجب بجيها



رياض الرسل