بالسوق بصطنه

[البدري14]

ابو تكتم ابو ظاهر ابو محمد
------
بالسوك بصطنه وعرضنه البضعه
نكتب شعر والحانه متنوعه
شتريد من عده تجي وتقطعه
مره نجر منصوبنه ومرات هم نرفعه
والشاري اذا يدفع ثمن
بالخدمة احنه نرجعه
-----
مودتي لكم

[في الروحْ تَسكنْ]

ومازال إبداع أناملك تضئ الصفحات ... دمت بألق

[ابوتكتم الخير]

الغالي البدري
مثل ما أكو أسعار وقواعد في السوق للبيع والشراء
ورقيب ياخذ العموله من البقالين
والشعر اسمى
للشعر وليس الشعر فقط لكل شيء قواعد يجب الألتزام بها
وإلأ صارت فوضى
تقبل مني الدعاء

[البدري14]

ومازال إبداع أناملك تضئ الصفحات ... دمت بألق
في الروح تسكن
-----
شكرا لك ولقلمك النير
اسعدني تواجدك على متصفحي

[البدري14]

الغالي البدري

مثل ما أكو أسعار وقواعد في السوق للبيع والشراء
ورقيب ياخذ العموله من البقالين
والشعر اسمى
للشعر وليس الشعر فقط لكل شيء قواعد يجب الألتزام بها
وإلأ صارت فوضى

تقبل مني الدعاء

سيدي العزيز ابو تكتم الخير
اسعد الله اوقاتك يا طيب
احببت ان اتلاطف معكم اخي العزيز وانتم الخير والبركة
نعم لكل شئ اصحاب اختصاص
ولذلك عن حصول خلاف بين العشائر يحال الموضوع لما يسمى
اصحاب الصنف
لكن يا اخي صار لي عمر اكتب الشعر معتمدا على السماع فقط
لكن اجد نفسي بعض الاحيان كالضرير الذي يسترشد به الاصحاء
موفقين يا رب

[ابو محمد]

الف حياك وبياك ابو تركي

ماواصل الحدك بعد ترجف شياك بسرعه
ماجبته من جيب الصفح ماجايب انه البدعه
من نختلف باصل الوزن المن تقر انرجعه
للبطحه يابعد الاهل ؟ للاختصاص الجلعه ؟؟
ههههههههههههههههههه
جاوب

[البدري14]

الف حياك وبياك ابو تركي

ماواصل الحدك بعد ترجف شياك بسرعه
ماجبته من جيب الصفح ماجايب انه البدعه
من نختلف باصل الوزن المن تقر انرجعه
للبطحه يابعد الاهل ؟ للاختصاص الجلعه ؟؟
ههههههههههههههههههه
جاوب
حبيبي ابو محمد
منور والله
------
لالا ما ارتجف لن الشعر مو بس وزن ونسمعه
بالشعر موهوب البشر من زغره ومن طبعه
بيه ابو معيشي بفطرته يودي الخبر ويرجعه
وتركع له كتاب العصر بالناصرية تسمعه
----
الف تحية لك ابو محمد الغالي

[ابو ظاهر البركي !]

ابو تكتم ابو ظاهر ابو محمد
------
بالسوك بصطنه وعرضنه البضعه
نكتب شعر والحانه متنوعه
شتريد من عده تجي وتقطعه
مره نجر منصوبنه ومرات هم نرفعه
والشاري اذا يدفع ثمن
بالخدمة احنه نرجعه
-----
مودتي لكم



لابد قوانين الشعر تحكمنه لمن نكتب
نعرض شعرنه عللخلك مو بالبحر احنه انذب
يلبدري صدك هلحجي نحجي الصدك منجذب
رغم الكبلنه اتطورو كتبو شعر مثل الطب
منهم درس بالجامعه ومنهم ابد مايكتب



اموت عليك ابو تركي
الكتابه العله السريع تصير خربشات

تقبل خربشاتي ينور عيني وتاج راسي


خادمك
ابو ظاهر البركي

[البدري14]

ابو ظاهر الغالي
----
مو كلنه بصطنه بعد واعرضنا هاي الصنعه
بيها على الفطره يجي وبيها اختصاص وروعه
مشوها من يكم بعد قابل اهي من اللمعه
احجايتين مرتبه بيها يجاوب ربعه
والمثلي من يمكم يمر الاولى تشجعونه
------
هديت وبجفي رمح نوب اطرح ونوب انطرح
نصحوني بس ما انصح باصرار واصلت الدرب
لاني اعتقد بالمسأله كل عتمه يتلاها صبح
اكتب مثل ما تشتهي ورتب بدكات القلب
ما دام من نبع الفكر مضمون يحجيك يتضح
بس لا تبوك بضاعتك والنوب تالي تنفضح
تقبلوا خربشاتي بود

[سفينة البحار]

لكل امر لابد نعترف اهله واله قانونه
واهل الشعر ياصاحبي هيه التعرف افنونه
موزونه هاي التنكتب هالجمله ما موزونه
وحنه الاقل بهالامر سمونه شتسمونه
كلكم عسل وانه لكم خادم يقدم عيونه

تقبلو مروري يا اعذب وارق كلوووووووب
وعاشت ايديكم على هاي المساجلة الرااااااااااااائعة

[البدري14]

لكل امر لابد نعترف اهله واله قانونه


واهل الشعر ياصاحبي هيه التعرف افنونه
موزونه هاي التنكتب هالجمله ما موزونه
وحنه الاقل بهالامر سمونه شتسمونه
كلكم عسل وانه لكم خادم يقدم عيونه

تقبلو مروري يا اعذب وارق كلوووووووب
وعاشت ايديكم على هاي المساجلة الرااااااااااااائعة

سفينة البحار
------
اهلا هله بكل الربع بحب علينه نجتمع
معجبني هواي الوضع وكلي اذن بس استمع
العينه رمدى محومره يمسح يضل بس الدمع
واللي يشوف وبيه بصر يعرف هناه اشينوضع
الله عليكم يا خدم خدام مكسورة ضلع
فعلن فعولن مفاعيل مستفعلن كلها جمع
معناها بس حب الوصي واحفاده كلهم بالطبع
موفقين يا موالين

[ابو ظاهر البركي !]

ابو ظاهر الغالي
----
مو كلنه بصطنه بعد واعرضنا هاي الصنعه
بيها على الفطره يجي وبيها اختصاص وروعه
مشوها من يكم بعد قابل اهي من اللمعه
احجايتين مرتبه بيها يجاوب ربعه
والمثلي من يمكم يمر الاولى تشجعونه
------




الغالي ابو تركي البدري
صح كلنه بسطنه شعر ***بس موش كل العدنه
بكلوبنه سوالف كثر *** علمها ابونه وجدنه
كل اليصح منك حلو *** بكد الاوزان وكدنه
ولو مره من يمنه تمر *** واحدنه ينطي عيونه


خادمك
ابو ظاهر البركي

[ابو ظاهر البركي !]

ابو ظاهر الغالي
----

------
هديت وبجفي رمح نوب اطرح ونوب انطرح
نصحوني بس ما انصح باصرار واصلت الدرب
لاني اعتقد بالمسأله كل عتمه يتلاها صبح
اكتب مثل ما تشتهي ورتب بدكات القلب
ما دام من نبع الفكر مضمون يحجيك يتضح
بس لا تبوك بضاعتك والنوب تالي تنفضح
تقبلوا خربشاتي بود



تاج راسي ابو تركي
هديت فوت بهدتك ***دربك عدل بيدك رمح
ماضن نصيحه القدمو *** رادوك توكع تنطرح
صح اعتقادك ياشهم*** العتمه يذبحها الصبح
كلك نبع طيب اوفه***وفكرك بشعرك يتضح
والبوك لامو ثوبنا*** وعدنه ابد لامايصح
واشكر الباري الجابكم ***صرتو بحياتي اكبر ربح



تقبل خربشاتي



اخوكم
ابو ظاهر البركي

[سفينة البحار]

كل الاجه وحط بصمته ... ممنون من عنده اظل
لن اليشارك ينحسب .... والاجر طبعا للعمل
واللي نوه بس ماكدر .... عالنيه يبقاله امل
والالفه تجمعنه سوه .... بس آنه كاتلني الخجل
كاكم كبار بهالامر ..... وبهالامر آنه الاقل
وآنه اعتذر ياهالربع ... يا احلى من طعم العسل

تحياتي ومودتي للجميع

[ابو محمد]

كل الاجه وحط بصمته ... ممنون من عنده اظل
لن اليشارك ينحسب .... والاجر طبعا للعمل
واللي نوه بس ماكدر .... عالنيه يبقاله امل
والالفه تجمعنه سوه .... بس آنه كاتلني الخجل
كاكم كبار بهالامر ..... وبهالامر آنه الاقل
وآنه اعتذر ياهالربع ... يا احلى من طعم العسل

تحياتي ومودتي للجميع


هاك الكلب وبحر بي .... شوف المراسي شكد بي
لاهل الفضل لاهل الخير ... ابحر اوتابع دربي
تلكاني خادم ممنون .... والواله حيدر حبي

تقبلوا خربشاتي القلبيه

[البدري14]

اهلا هله بنور العين
يحرسكم اسم الحسين
يا شيعه والله حلوين
تحجون حجي مرتب
انا اعتقد انتوا الامل
ولا قدر الله اعلى الزعل
كلنا ربع كلنا اهل
واهديلكم ماي العين

[حميد م]

بسم الله الرحمن الرحيم
اللهم صلي على محمد وال محمد
اسئل الله العزيز ان يجعلك ممن تلتقطهم الزهراء (ع) يوم تلتقط شيعتها
تقبل مروري

[البدري14]

بسم الله الرحمن الرحيم
اللهم صلي على محمد وال محمد
اسئل الله العزيز ان يجعلك ممن تلتقطهم الزهراء (ع) يوم تلتقط شيعتها
تقبل مروري
الله يا له من دعاء
جزاك الله خير الجزاء اخي الموالي
حميد م
موفق
---
شحجي بحميد وطبعه
ترتاح منه ربعه
يارب السبعه زايد سبعة
اربعطعش معصوم بيهم طلبه
ترفع مقامة وبالشفاعة تشفعه
----

[سفينة البحار]

اللمه حلوة وبالشعر تزيد الحلاة وتكثر
والكم محبة بمهجتي كل يوم احسهه تكبر
الله يجمعنه سوه ونتلاكه يم الكوثر
ويسكينه والينه علي بجفه الصميده حيدر
وللجنه كلنه برحمته يدخلنه مانتاخر
لن اليوالي حيدره ربحان ابد مايخسر

تقبلو مني كل الود والاحترام والتقدير

[البدري14]

مية هله بهالسفينة محملة بالميمر
منها المحبه زايده وتتطشر
خويه علكيفك خاف اصدك وانقر
هاوي شعر ومستانس بالهمعشر
خوفك الشاعر بالشعر يتعثر
---------------
سفينة البحار
منور يا غالي حياك الله

[البدري14]

مريت من هذا الدرب
تنوعت شرق وغرب
وين الفطاحل بالشعر
وين اليودورون الغلب
مشتاق اسمع ردهم
رب العرش يحرسهم
للبركي مشتاق بصدق
وين السفينه من الغرق
اشعارهم لاهل البيت
منها ابد مما مليت
وين ابو محسد والربع
الغيبه مو الهم طبع
مو عادته لن ينقطع
مجبور هوه بهالفن
ذكر الاسامي يحير
كلهم نجوم بهالسمه
ولا بيهم اللي زغير
يحرسم المولى علي
من الحسد وعيونه
----
مشتاق الكم

[ابو ظاهر البركي !]

تشتاقلك جنة عدن يالبدري
واني الفديتك بالعمر ماتدري؟؟؟
متعجب انه شلون تحسبني بعيد
وانه انقشت اسمك كلاده عللجيد
يتدندل اسمك يامحب
يااعز واحد علكلب
متعجب انه شلون تحسبني بعيد!!!

يالبدري باوعلي عدل
خطواتي عنك ماتزل

عاشور دنياي اصبحت
لولاك لاجنها بعيد




تاج راسي ابو تركي
مشتاقلك ياطيب




خادمكم
ابو ظاهر البركي

[البدري14]

مديت جفيني طبق
من جهة قلبي للشرق
ضلعين محنيه سوه
بيها فرق تطي ضوه
القيت بيهن حضرتك
متربع ونقعد سوه
قعدة صدق الها خلق
محفوفه بانوار وبرق
شعت على الكون اجمعه
بيها حجي الكل سمعه
بسيرة الزهراء ام الحسن
نشكي لبعضنا من المحن
المذهب ابلوا صبح
اتباعه كثر بيها الذبح
يمته يجي البيده الرمح
ونقول خيله روحن
يا قائم الآل الطلب
للناصبي اصبحنا حطب
معروف كل هذا السبب
حب الزجية وحب علي
-----
موفق ابو ظاهر نور عيني

[سفينة البحار]

من بعد غيبه الكم نرد
وبهالدرب هذا نجد
دلالي بيكم ينسعد
لنكم صبحتوا احبابه
......................
غالين كلكم غالين
حتى اغلى من ماي العين
والمنتدى بجاه الحسين
رب سلمه واصحابه
.....................
اصحابه ويه الرواد
عن الكلب موش ابعاد
من ما امرهم يزداد
جرح الكلب وصوابه
......................
بكل وكت ادعي الهم
كون الفرح بس يمهم
ورب العلى يسلمهم
بجاه الهوى بحرابه
.........................


لكم تحيــــــــــــــــــــــــــاتي
وخالص ودي وتقديري

[البدري14]

هله هله ومية هله
يت السفينه محمله
بحب علي عقد الوله
يطيب الرجل وامثاله
-----
انتم الحبكم قلبي
يشهد عليه ربي
يدموع عيني صبي
اعلى البركي وامثاله
-----
يت السفينة وجدمت
والناصبي عينه عمت
ماشاف هاي النورت
راح ليزيد زباله
-------
موفقين

[كرار حيدر]

بسم الله الرحمن الرحيم
اللهم صلِ على محمدٍ وآلِ محمد

الاخ الكبير الموالي البدري14 رعاك الله
موضوع مميز وشيق
وفقك الله تعالى





متزاعل انه اويالشعر والشعر كاومته



اوبس بيني اوبينه صفت دمعات من عفته



جنت آنه احسبه اصويحبي اوللشدايد ردته



اولو ردت اسولف للخلك ماتنحجي سالفته



اشكد كتبنه امن الشعر واشكد صور صورته



خطار عندي ابكل وكت صاحبني اوصاحبته



اوللهادي طه اوعترته خادم يظل علمــته



لامتني بيـه البشـر واشكـد شفت من عنده



متزاعـل انـه اويالشعر والـشعر كاومتــه

نسألكم الدعاء

[البدري14]

كرار حيدر
-----
الشعر ساكن بالقلب
يمشي بوسط شرياني
من حيث يجمعلي
المحب وصوحبي وخلاني
بكل منتدى بيه منتسب
بحقل الشعر تلكاني
صحيح مو بيه هالكثر
ولا اكول آني وآني
بس نوب اكتب للوطن
ونوب اكتب لخواني
والاغلب وبيه افتخر
اكتب شعر روحاني
لاهل الكساء اهل الفضل
الهم اصفي اذهاني
----