درع الجزيرة / لقمان البدران

[كــرار العراقــي]

ليش يادرع الجزيره
اغفلت إنته لو عميت
اختلف عندك الاتجاه
اوكبل للبحرين إجيت
صرت ذاك الكال احرر
فلسطين آنه نويت
حشد الجيش اوتوجه
وتالي جيت بالكويت
*********
يابو متعب والله حقك
من شفت حسني الخفيف
خفت من ريح المنامه
إلك توصل يالظريف
وهزك وأقلق منامك
أمس كابوس المخيف
نار كظت طرف ثوبك
طلعت امن ارض القطيف
**********
جنهه صارت صدك والله
إوبين الحق المبين
اوكرّبت ذيج الروايه
الأجت من نسل الأمين
تكول عبدالله الأخير
وبعده ماتصفه وتلين
ويبتدي حكم الثواني
وينتهي حكم السنين
*******
هيه روجه يبو متعب
توصل البيتك أكيد
ومثل ماكسرت خشمهم
خشمك اتكسره العنيد
حاير اتفر ابإذانك
تصفك الإيد اعلى إيد
وتصفى تايه بالنهايه
تيهة الظالم يزيد