مشنقة الاحلام

[ابو ظاهر البركي !]

((مشنقة الاحلام))


حلم عندي
بلون وردي
حلم جان من الطفوله
جنت اتمنه انوله
ردت البس ثوب شاعر
وبيدي البسهه القصيده
ثوب فاخر
وارسم الحب والسلام
واسبح ابحر الكلام
واركب امواج القوافي
لجن هذا موش كافي
كون باجر...!!!!!
اوكف بشاطي المنصه
ومو شرط احجيلي قصه
كون عيني تصير شارع
تحتضن صورة فقير
وهو جائع
وانتظر لمن اشوفه البيته راجع
راجع اشجاب الجهاله؟
جاب خبزه؟ برتقاله؟
لو ترس خرجه هموم وهوه راجع
لو ترك جفينه يم باب المحطه
ماكدر يرجع بديه
تدري ليش؟
لأن بنته تريد جنطه
ولأن بنته زينب تريدلها ثوب
جان يوميه يجيهه
وبيده علاكه حزينه
ومادرت شنهه الي بيها
لأن ليل وهمه ماعدهم كلوب
كون اصيرن اني شارع
وانفرش فوك المنصه
وارد اكلكم شنه سوت زينب اتأخر ابوها
اتوسدت عتبة الباب
والكمر من جان طالع
حتى ذيج الليله غاب
وطال بيها الانتظار
وبدل من صوت القطار
الجان يعلن جيت ابوها
سمعت بصوت انفجار
وشنقو الحلم البنيته
وابو زينب بعد ميمر عله بيته
وخفت حتى من اسم باجر
خاف ماشوف ابتسامه
تلون خدود اليتامه
وتزعل وياي المنصه
ومااصيرن بعد شاعر


خادم اهل البيت
ابو ظاهر البركي

[ابوتكتم الخير]

كون عيني تصير شارع
تحتضن صورة فقير
وهو جائع
وانتظر لمن اشوفه البيته راجع
راجع اشجاب الجهاله؟
جاب خبزه؟ برتقاله؟
لو ترس خرجه هموم وهوه راجع
لو ترك جفينه يم باب المحطه
ماكدر يرجع بديه
الأستاذ الشاعر الكبير
ابو ظاهر البركي
صح لسانك على هذه الكلمات العذبه
كل عمل وكل إنسان على وجه البسيطه له رساله
ورسالة الشاعر وقضيته أكبر من كل ذلك
وفي هذه الكلمات كنت رسالتك
في زينب وأبوها
أعزيك قبل أن أبارك فيك هذه الشهامه لروحك السامية
تحياتي لأستاذي

[البدري14]

الله عليك يا ابا ظاهر البركي
تبقى متشح الابداع
-----
شرد اخبرك يبوظاهر اجا باجر
وطلعت الشمس بسمانه وانه ناطر
غفت عيني وشفت حلمك املخ بطعن الخناجر
من اخوك الجان بيك يلوذ ومسويك ساتر
نكر كل ذاك الوكت من جان بكل عكد عدنه
اربع جوادر ونسى زينب قدمت حتى التراجي
وجانت بخوته تفاخر تكول من تكريت اخوتي
وللرمادي جانت تدير النواظر
هسه تدري شصار بيهم
صاروا اتباع الامية وليزيد الجان فاجر
وباعوا الخوة رخيصة وبدلوا بالوفي الغادر
وجابوا اجناب لنزلنه ونزعوا الغيره اعله باجر
وبعد هم عدي سوالف بس تشمت العدوان خايف
يبوظاهر

[ابو ظاهر البركي !]

كون عيني تصير شارع
تحتضن صورة فقير
وهو جائع
وانتظر لمن اشوفه البيته راجع
راجع اشجاب الجهاله؟
جاب خبزه؟ برتقاله؟
لو ترس خرجه هموم وهوه راجع
لو ترك جفينه يم باب المحطه
ماكدر يرجع بديه
الأستاذ الشاعر الكبير
ابو ظاهر البركي
صح لسانك على هذه الكلمات العذبه
كل عمل وكل إنسان على وجه البسيطه له رساله
ورسالة الشاعر وقضيته أكبر من كل ذلك
وفي هذه الكلمات كنت رسالتك
في زينب وأبوها
أعزيك قبل أن أبارك فيك هذه الشهامه لروحك السامية
تحياتي لأستاذي

اللهم صل على محمد وال محمد

حبيبي وتاج راسي ونور عيني
استاذي الجليل ابا تكتم الخير
لشرف لي ان اجدكم حيث اكون
اخا مواليا تتشح حب ال بيت الرسول وشاحا

يكون لكم شافعا ان شاء الله


الابداع منكم واليكم واراه حولكم


شكري وتقديري

خادمكم
وتلميذكم ابو ظاهر البركي

[صادق العارضي]

اتوسدت عتبة الباب
والكمر من جان طالع
حتى ذيج الليله غاب
وطال بيها الانتظار
وبدل من صوت القطار
الجان يعلن جيت ابوها
سمعت بصوت انفجار
اخي ابو ظاهر العزيز
سلمت اناملك على هذه
الكلمات الجميلة بقصيدتك
تقبل مروري المتواضع

[القلب الاسير]

ابو ظاهر البركي
الاخ الغالي والعزيز
اعلم ان المبدعون يبحثون عن الابداع
ولكني وجدت الابداع يبحث عنك
تقبل مروري وتقديري

[البدري14]

عودة اخرى
----
اجا باجر ولني اسمع الصوت الحزين
يجلجل ابين الحناجر
مسك عطرك يبوظاهر عود ازرق
من الهند مجلوب فاخر
معدنك من ماس صافي
بركي حمران النواظر
كبل اهلي اسمع تكول الحجيمي عيون حيه
مو قدح بيهم نفاخر
لنه نكاد السوالف وبالمعاني شلون شاطر
واليكعد بحضرة استاذه يظل حاير
اعذرني يالبركي من اسولف
بلكي باجر يجي باجر
حبيبي ابو ظاهر
اجدني مشدود لمواضيعك
ادمنت حجيك يغالي

[ابو ظاهر البركي !]

الله عليك يا ابا ظاهر البركي
تبقى متشح الابداع
-----
شرد اخبرك يبوظاهر اجا باجر
وطلعت الشمس بسمانه وانه ناطر
غفت عيني وشفت حلمك املخ بطعن الخناجر
من اخوك الجان بيك يلوذ ومسويك ساتر
نكر كل ذاك الوكت من جان بكل عكد عدنه
اربع جوادر ونسى زينب قدمت حتى التراجي
وجانت بخوته تفاخر تكول من تكريت اخوتي
وللرمادي جانت تدير النواظر
هسه تدري شصار بيهم
صاروا اتباع الامية وليزيد الجان فاجر
وباعوا الخوة رخيصة وبدلوا بالوفي الغادر
وجابوا اجناب لنزلنه ونزعوا الغيره اعله باجر
وبعد هم عدي سوالف بس تشمت العدوان خايف
يبوظاهر


يابو تركي عندي راي
شنه رايك نلغي باجر؟؟؟
نبدي من فرحة امسنه
نمد ادينه ويعله حسنه
نمد ادينه ابين صوبين السعاده
نخلي جفينه تهلي تصير لليعبر كناطر؟؟
شنه رايك نلغي باجر؟؟؟
انت استاذي واشورك
انت كلشي الدور دورك
واني تلميذك وحاضر

يلا كلي نلغي باجر؟؟؟



حبيبي واستاذي الغالي البدري
ممنون منك
ياغالي يامبدع


خادمكم
ابو ظاهر البركي

[ابو ظاهر البركي !]

اتوسدت عتبة الباب
والكمر من جان طالع
حتى ذيج الليله غاب
وطال بيها الانتظار
وبدل من صوت القطار
الجان يعلن جيت ابوها
سمعت بصوت انفجار
اخي ابو ظاهر العزيز
سلمت اناملك على هذه
الكلمات الجميلة بقصيدتك
تقبل مروري المتواضع


حبيبي العارضي صادق
ممنون منك وشكرا لجمال مرورك
ياغالي

[ابو ظاهر البركي !]

ابو ظاهر البركي
الاخ الغالي والعزيز
اعلم ان المبدعون يبحثون عن الابداع
ولكني وجدت الابداع يبحث عنك
تقبل مروري وتقديري
حبيبي الغالي
الشاعر احمد رفيش
انت الابداع كله ايها الحبيب
شكرا لهذا الحضور العطر
بعطر الولاء الحسيني


اخوكم
ابو ظاهر البركي

[قاسم حتروش]

حلمك أنت اللي حلمته أتحول وصار الحقيقة
وصرت تكتب أحلى كلمات بدقيقة

الله يزيدك ويزيدك بحق محمد وال محمد
تحياتي

[كريم السعبري]

حبيبي ابو ظاهر البركي
احساس مرهف
بقدر الماسات التي تعصف بنا
كفانا جميعا شرها وشر من يكمن بالشر
للعراق والعراقين الشرفاء

[البدري14]

عزيزي ابو ظاهر
----
نور عيني انته اكبر من جرحهم
انته ابيض من قطنهم
انته ارفع من جبلهم
انته يحدوك الحسين
وهمه يحدوهم شمرهم
تكلي انسى باجر وانه بضلوعي الخناجر
العروس انهتكت بليلة فرحهه
ام الطفل تنذبح هيه وفرخهه
الزلم ذيج الزلم داسوا شرفهه
والله ما انسى السوالف
وانته عارف وانه عارف
باجر يصير الحساب واوكف بذيج المشارف
واصرخ بصوت التسمعه الكاعده والبيها واجف
اكول كل ذنبي احبك يا علي
وماجنت خايف
ما ذبحني بساحة ومناحر زلم
واليمن بيهن سوالف
الخنجر البيها ذبحني من الظهر
طعنه طعني
ريته يعرف للملاكه وتختلف بيها الرماح
والله لاكلبها عليهم واكلب الظلمه صباح
وما احس بالجرح كله
وما يهمني الطاح طاح
بس هضم طعنت الغادر مو مثل طعن الرماح
وانتظر من يجي باجر
وين ابن حامي الحميه
خل يصيح بصوت هادر
يا هل العالم
وتوكع
هوايه
خناجر
ويرتفع صوت العدل
وتجي لابن الحسن ناصر
وتجي لابن الحسن ناصر

[فضّه]

اللهم صل على محمد وال محمد وعجل فرجهم

خويه ابو ظاهر...

تقدمت لصفحه تحمل اسمك حتى القي التحيه وارتشف تعابيرك مثل فنجان قهوه

اخذتنا معك نعيش ذاك الحلم بكل ما اثقلته بالمعاني حتى ترنحنا من سكرة السلطنه

اجدت يابو ظاهر وكلماتي عاجزه عن وصف امواج

الابداع بهذه الصفحه (حقيقه تفاجئت فأنت لست الذي قبل كم سنه بدون مجامله )


فكم من يلقب نفسه شاعر ولكن لا اجد عذوبة وشفافية احساسه بالحروف كما وجدتها هنا



لا انسى ان احيي الاخ البدري 14 على ما شاطرك به من احساس مرهف وابداع لا يوصف


اتمنى لكم التوفيق دائما والى مزيد من التقدم


اختك الى الابد (فضّه )

وردات القرنفل انثرها فوق رأسك العالي

[ابو ظاهر البركي !]

عودة اخرى
----
اجا باجر ولني اسمع الصوت الحزين
يجلجل ابين الحناجر
مسك عطرك يبوظاهر عود ازرق
من الهند مجلوب فاخر
معدنك من ماس صافي
بركي حمران النواظر
كبل اهلي اسمع تكول الحجيمي عيون حيه
مو قدح بيهم نفاخر
لنه نكاد السوالف وبالمعاني شلون شاطر
واليكعد بحضرة استاذه يظل حاير
اعذرني يالبركي من اسولف
بلكي باجر يجي باجر
حبيبي ابو ظاهر
اجدني مشدود لمواضيعك
ادمنت حجيك يغالي


هلا بجيتك يابو تركي
وهلا بكل اهلي البدور

تدري ليش ارد الغي باجر؟؟؟
لأن مو احله من امسنه
هذا ديدن باجر ايتم عرسنه
ولأن باجر مااضن يمسح دمعنه
باجر يخوف الفقير
خايف يبقي الضمير
نايم ويذبح صبحنه
وهذا صاير
تدري من باجر تخاف ام اليتيم؟؟؟
وتدري باجر هو في نفسه سقيم؟؟؟
يلا اترجاك خلي انعوف باجر
والخناجر ...!!!!
هي هم نفس الخناجر
لجن جرح العام اهون
من جرح كسر الخواطر
يلا خلي انعوف باجر





خادمكم
ابو ظاهر البركي

[في الروحْ تَسكنْ]

حروفُ تنهالُ ألقاً على سطور الوجدْ .. وأحلام ..
تتعلقُ في مِشنقة الصبرْ .. ليكونْ النزفُ هنا ..
ربيعاً مُزهراً بِحرفكْ

[ابو ظاهر البركي !]

حلمك أنت اللي حلمته أتحول وصار الحقيقة
وصرت تكتب أحلى كلمات بدقيقة

الله يزيدك ويزيدك بحق محمد وال محمد
تحياتي

حبيبي ابو محمد
شاعرنا الغالي
قاسم حتروش

بوجودكم حبيبي

الله يمن عليكم بسعادة الدنيا والاخره

يامبدع يارائع


شكرت امرورك الاكثر من رائع



خادمكم
ابو ظاهر البركي

[ابو ظاهر البركي !]

حبيبي ابو ظاهر البركي
احساس مرهف
بقدر الماسات التي تعصف بنا
كفانا جميعا شرها وشر من يكمن بالشر
للعراق والعراقين الشرفاء


حبيبي سيد كريم
ممنون منك على هذا الحظور الاكثر من رائع

الله لايحرمنا من جميل تواجدكم

ورزقنا الله واياكم شفاعة محمد وال محمد


خادمكم
ابو ظاهر البركي

[ابو ظاهر البركي !]

عزيزي ابو ظاهر
----
نور عيني انته اكبر من جرحهم
انته ابيض من قطنهم
انته ارفع من جبلهم
انته يحدوك الحسين
وهمه يحدوهم شمرهم
تكلي انسى باجر وانه بضلوعي الخناجر
العروس انهتكت بليلة فرحهه
ام الطفل تنذبح هيه وفرخهه
الزلم ذيج الزلم داسوا شرفهه
والله ما انسى السوالف
وانته عارف وانه عارف
باجر يصير الحساب واوكف بذيج المشارف
واصرخ بصوت التسمعه الكاعده والبيها واجف
اكول كل ذنبي احبك يا علي
وماجنت خايف
ما ذبحني بساحة ومناحر زلم
واليمن بيهن سوالف
الخنجر البيها ذبحني من الظهر
طعنه طعني
ريته يعرف للملاكه وتختلف بيها الرماح
والله لاكلبها عليهم واكلب الظلمه صباح
وما احس بالجرح كله
وما يهمني الطاح طاح
بس هضم طعنت الغادر مو مثل طعن الرماح
وانتظر من يجي باجر
وين ابن حامي الحميه
خل يصيح بصوت هادر
يا هل العالم
وتوكع
هوايه
خناجر
ويرتفع صوت العدل
وتجي لابن الحسن ناصر
وتجي لابن الحسن ناصر



نعم سيدي البدري

مااجمل غدا عندما نكون من المنتظرين
لقائم ال محمد عج

انا اقصد باجر الغادر باجر المؤلم

وتكون حياتنا عبارة عن جسر يربطنا بين الامس الجميل وسعادة اللقاء
بامام زماننا

فلن يكون غدا اجمل من امسنا بدونه

اللهم كن لوليك الحجة بن الحسن صلواتك عليه وعلى ابائه في هذه الساعه وفي كل ساعه وليا وحافظا وقائدا وناصرا

اللهم عجل لوليك الفرج اللهم عجل لوليك الفرج اللهم عجل لوليك الفرج



تاج راسي واستاذي ابا تركي

يأخذني اليك الشوق
دائما



خادمكم
ابو ظاهر البركي

[ابو ظاهر البركي !]

اللهم صل على محمد وال محمد وعجل فرجهم

خويه ابو ظاهر...

تقدمت لصفحه تحمل اسمك حتى القي التحيه وارتشف تعابيرك مثل فنجان قهوه

اخذتنا معك نعيش ذاك الحلم بكل ما اثقلته بالمعاني حتى ترنحنا من سكرة السلطنه

اجدت يابو ظاهر وكلماتي عاجزه عن وصف امواج

الابداع بهذه الصفحه (حقيقه تفاجئت فأنت لست الذي قبل كم سنه بدون مجامله )


فكم من يلقب نفسه شاعر ولكن لا اجد عذوبة وشفافية احساسه بالحروف كما وجدتها هنا



لا انسى ان احيي الاخ البدري 14 على ما شاطرك به من احساس مرهف وابداع لا يوصف


اتمنى لكم التوفيق دائما والى مزيد من التقدم


اختك الى الابد (فضّه )

وردات القرنفل انثرها فوق رأسك العالي
اللهم صل على محمد وال محمد وعجل فرجهم ياكريم


اختي الغاليه فضه



انتي مو فضه يخويه انتي ذهب
وانتي انتي ذيج انتي
ابد عن معنه الاخوه مابعدتي
ان جان اخيج صار شاعر
انتي كل الشعر صرتي
انتي انتي ذيج انتي




أحم احم خلي اعدل ياختي !!!!!
نعم ياخويه الموهبه بحاجة الى سقل
والحمد لله رب العالمين

نسأله ان يمن علينا ونكون من خدام خدام الحسين عليه السلام


ياااااااااااااااااااااااه على القرنفل


لسا تتذكرين من تشترين الورد ؟؟؟
هههههههههههههههههههههههه

من زمان ماشفت قرنفلايه وحده



الله لايحرمنا من جميل حضورك خويه


تحيتي وسلامي الى الاهل

اخوكم
ابو ظاهر البركي

[ابو ظاهر البركي !]

حروفُ تنهالُ ألقاً على سطور الوجدْ .. وأحلام ..
تتعلقُ في مِشنقة الصبرْ .. ليكونْ النزفُ هنا ..
ربيعاً مُزهراً بِحرفكْ
ايتها الجليله

حضور تتميزين به عندما تمرين على شاطيء المشاعر
ودنيا الاحلام الواسعه

فالربيع بازهاره وصباحاته تبتسم
بتواجدكم ايها الافاضل


فشكرا كبيرة سيدتي




اخوكم
ابو ظاهر البركي

[فضّه]

اللهم صل على محمد وال محمد وعجل فرجهم ياكريم


اختي الغاليه فضه



انتي مو فضه يخويه انتي ذهب
وانتي انتي ذيج انتي
ابد عن معنه الاخوه مابعدتي
ان جان اخيج صار شاعر
انتي كل الشعر صرتي
انتي انتي ذيج انتي


خويه اخجلتم تواضعنا ^ــــ^ شو هالحكي الطيب والله ضاعت مني الكلمات

أحم احم خلي اعدل ياختي !!!!!
نعم ياخويه الموهبه بحاجة الى سقل
والحمد لله رب العالمين

نسأله ان يمن علينا ونكون من خدام خدام الحسين عليه السلام

ربي يوفقك ويسعد قلبك ويكتبك من خدام سيد الشهداء عليه السلام


ياااااااااااااااااااااااه على القرنفل


لسا تتذكرين من تشترين الورد ؟؟؟
هههههههههههههههههههههههه


اخلاقكم خويه مثل ورد القرنفل تبعث بالروح البهجه فثق اني دوما اتذكرك بالدعاء فأصبح اسمك والقرنفل

قرينين ببعضهم اتذكره بوجودك وبوجوده اذكرك

من زمان ماشفت قرنفلايه وحده



الله لايحرمنا من جميل حضورك خويه


تحيتي وسلامي الى الاهل

الله يحفظكم انت والحجي وجميع من حوالكم امين
ابو ظاهر البركي





بس ورد تفكد ..وانت للورد نسمات

وحروفك عسل يشهد ..الورد بيها حجايات

سوالف للعشك معبد ..يتهجد بيها الما مات

لحبيب اصبح الاوحد ..بكلوبنا اله شمعات

حكه الورد يتبغدد ..كونك ترحمه بلفتات







خويه مجرد خربشه حتى احاول ان ارد التحيه بمثلها فقط فسامحونا على الضجيج :o


نسألكم الدعاء

http://3.bp.blogspot.com/_U56yhynHDXY/TQV0qYHWrYI/AAAAAAAACTA/qQdx4-uERP0/s1600/pink-carnation-bouquet-idea.jpg

[سفينة البحار]

لقد اسالت دموعي كلماتك الصادقة المعبرة عن قضية انسانية
ولقد اجدت في تصويرها ايما اجادة
واراني عاجزا عن تصوير اعجابي بهذا الالق
دعائي لك بدوام الموفقية

لا لا ابد مايلغي .. باجر يظل باجر يظل
نتحمل احنه اللي جره ونتحمل احنه اللي حصل
باجر يخوتي من يجي يجيبلنه باحضانه الامل
وزينب يخوتي تنستر والكل تصير اخوه واهل
باجر المهدي برايته تتحطم اصنام الجهل
وينشر على الامه عدل .. وللي سأل والما سأل
لجل الامام المنتظر .. باجر يظل باجر يظل

[ابو ظاهر البركي !]

لقد اسالت دموعي كلماتك الصادقة المعبرة عن قضية انسانية
ولقد اجدت في تصويرها ايما اجادة
واراني عاجزا عن تصوير اعجابي بهذا الالق
دعائي لك بدوام الموفقية

لاأبكى الله لكم عين سيدي الكريم ألا لأجل محمد وال محمد

شرف ورفعة ان اجدكم ممن يشجعوني على صياغة المشاعر الانسانيه
بابيات شعريه
ولو كانت ليست بمستواكم الادبي
ولكن هي ولدت هكذا
فتقبلوها مني على ماتحمل

لا لا ابد مايلغي .. باجر يظل باجر يظل
نتحمل احنه اللي جره ونتحمل احنه اللي حصل
باجر يخوتي من يجي يجيبلنه باحضانه الامل
وزينب يخوتي تنستر والكل تصير اخوه واهل
باجر المهدي برايته تتحطم اصنام الجهل
وينشر على الامه عدل .. وللي سأل والما سأل
لجل الامام المنتظر .. باجر يظل باجر يظل


اني اقصد يوم باجر ***باجر البيه الظلم
اني اقصد يوم باجر***اليتم بي ينهظم
باجر البي جبروت***يصير للعادل خصم
ياكل بلحم الغزال ***وحصة الجايع عظم
هذا قصدي بالسؤال
العدل كلنه ننطره***لو ظهر قائم العتره




تاج راسي
سفينة البحار


شكرا كبيرة لكم سيدي

خادمكم
ابو ظاهر البركي