الى اعظم شخصيه من نساء الكون للشاعرسيد كريم السعبري

[كريم السعبري]

ياجرح الجرح يالجمة البسمار
يانار التشب وبعدماتطفه
مو انتي البتول ورحمة الجبار
شلون اللي اظلموج عيونهم تغفه
عجيبه لاخجل لامستحه الاصحاب
اي يم الحسن وعيونهم صلفه
وهذاك الماعرف لادين لااسلام
عله خدج عجيبه تلطم جفه
وعله صدرج عجيبه شلون دفعو باب
وعله دروب النذاله تعلمو حرفه
وشوصف يل زجيه حين محسن طاح
ونعجز لواجينه الموقف نوصفه
وعجيبه شلون صدرج سال منه دموم
ومحمد بالحنان الصدرج يلفه
جرح موش بجسد مجروح بيج الدين
ويل الزهره الزجيه بعد مايشفه
ياام الكرامه ومنبع الاخلاق
ينبراس القيم ياكعبة العفه
مجروحه بجرح والجرح بينه ندار
لهذا اليوم بينه مابطل نزفه
من نذكر اللوعه تسيل منه دموم
ولا واحد الظالم كال ماعرفه
ربطنه لسانه مانحجي خاف تصير
مذابح واليهودي بينه يشفه
ننسه كربله والباب والمحراب
كيتار النذاله لو ترك عزفه
وعله عزف النذاله عاشو العفنين
ومرقد علي الهادي ايدو نسفه
رادو كل علي يل الزهره كون يموت
ورادوكل عصر انه يجي بطفه
بس احنه مشينه عله درب حسين
ويم احسين الج وسط الكلب لهفه
ولو ذكراج مرقد عل المتن ينشال
ما واحد المنه يبخل بجتفه
شيعه احنه ولاننسه الذكر هيهات
واسمج بالخشوع تردده الشفه

[سفينة البحار]

نزف من الابداع سطرته كلماتك ايها المبدع على صفحات الالم الفاطمي

لا حرمنا الله واياكم شفاعة فاطمة يوم الورود

دمت ودام تالقك

[كريم السعبري]

شكرا لمروركم
ادام الله عمركم الولائي لمحمد وال محمد
ومروركم الدائم ينم عن خلق رفيع
تحياتي