الى كل من فقد شاب للشاعر سيد كريم السعبري

[كريم السعبري]

يوليدي احبك واندعيلك
ومن تطلع اظل ملازمه الباب
اتنطرك ترجع ياضوه العين
ومن تبطي عليه الكلب ينصاب
واني ابين حسراتي والهموم
ولن تفجير اسمع من الارهاب
شطت لله ركضت ما ادري لاوين
احس حيلي نهدم مني الكلب ذاب
ولن شبان اجو ليه يركضون
يم الولد عن عينج كمر غاب
راح الجان يرعاج ويباريج
وشما حسبتي منه ضاع الحساب
ومن وصلت شفت الجسد ممدود
وتمددت اعله طوله وصار الاعتاب
يل الغالي ورباي يضيع وتضيع
وتركت احزان لمك واسود سلاب
جاهذا الزرعته يبني للشيب
واني الخلص عمري وياك طلاب
اريدن هيج منك كتلي ممنون
تالي عل الكلب خليت عطاب
مودع روح بالله وبلكي وياك
من تغيب اغيب بنفس الغياب
مو تدريني ما اصبر بلياك
هم تريد بعد لغيبتي اسباب
عساهه ابخت كلمن صدر الموت
وعساهه ابخت كلمن صار الاسباب
وعساهه ابخت كلمن جابلك هاي
وعساهه ابخت كلمن باع الاركاب
الوكت يبني يشيب وانته تدريه
ويعين الله اللي تفكد هل الوكت شاب

[رياض الرسل]

السلام عليكم

سيد كريم

موفق على هذه الكلمات
واسأل الله قبولها منك يارب
دمت للجميع

رياض الرسل

[قاسم حتروش]

أحسنت سيد كريم
يحفضك الباري عزه وجل بعينه التي لا تنام
تحياتي

[كريم السعبري]

احبائي
رياض الرسل
قاسم حتروش
ممتن لكم كل الامتنان
وفقكم الله