بطلة كربلاء

[حيدرموسى]

زينب ايه وزينب ثوره زينب نبراس الايــــــــمان

زينب لا ماضن بس ايه زينب تفسير الــــــــقران

زينب سيف وحكمه وكلمه زينب كلا للــــــــــشيطان

زينب دمعه بعين الدنيا زينب مدرسة الاحزان

زينب صوت بقصر الطاغي ضل يرعب لسه الطغيان

زينب زينب زينب زينب زينب كلماصاح اذان

لومازينب ماضل مسلم جا ماصلت انس وجان

زينب دين الله وثورتهه حفضتلك كل الاديان

زينب من ضلعين انكسرن ضلع امهه وضلع الاحسان

عاد حسين اتحول زينب وزينب بشخصية حامي الجيران

والراس ايعاين ضل لخته من بين ارماح العدوان

تكتب بالسوط اليضربهه خط فوك امتون الذرعان

هيهات الذله وما اذلن انه اخت حسين العطشان

زينب صبر الصبرو كلهم زينب صبر ايوب الحان

جا مات حسين ابلازينب زينب لحسين العنوان

زينب قاب القوس الاعلى زينب مرتبت الايمان

زينب زينب زينب زينب زينب كان ولو ما كان
زينب اول نقطه انكتبت زينب مفتاح الاكوان





الشاعر حيدرموسى الخفاجي

[كريم السعبري]

مذخوره لك عد زينب انشاء الله ياحيدر
موفق لكل خير

[قاسم حتروش]

الصلاة والسلام على سيدتي ومولاتي جبل الصبر زينب الكبري
أحسنت يا حيدر موسى
رزقك الله زيارتها في الدنيا وشفاعتها في الأخره
تحياتي

[صادق العارضي]

زينب زينب زينب زينب زينب كان ولو ما كان
زينب اول نقطه انكتبت زينب مفتاح الاكوان

قصيدة رائعة اخي العزيز
جعلها الله لك في ميزان حسانتك