وطن مجروح

[سفينة البحار]

الى وطني الذي نزف المعاناة

وطنه يا جرح ما يقبل يطيب .. نهرينك جرح يمشي على ممشاك
يشيل آلام زاخو . بصرة . بغداد .. ويطب صحن الحسين يذبهن هناك
.
.
ولان اسمك عراق وبيك الحسين .. ما رادوك ابد يا موطني تصير
بغدر كسروا جناحك وانته مجروح .. لان يدرون بيك تعاند تطير
وكف بيك الحسين بشحة الدين .. ناداك بامل يا وطن لتحير
خشب سموك وادري الخشب اشكال .. بعض من الخشب ياكل مناشير
وزغير كدر ظنوك ياحيد .. مايدرون احنه زغيرنه جبير
ربينه الوطن يتحمل الآه .. وربانه الوطن ناكل شواجير
يحملنه ونحمله يلمنه احباب .. واحنه على الوطن نصبح نواطير
مدينه ادينه الجبل والهور .. ما نحتاج بينه يصالح الغير
وطنه يا وطن ما مثله موجود .. يمعلم الخير يدور الخير
يكفينه نزف لدمانه كل يوم .. ويكفينه نفز من صوت تفجير
الجرح يالمنه لن احنه المجاريح .. ما يالم جرحنه الحفروا البير
الوكت وكت البنا مو وكت العتاب .. العتب بعد البنا لو صار تقصير
وخنعيش الحسين نعيش عاشور .. ومنهم مو فقط نحتاج تطبير
الحسين الرحمه جانت تمشي عالكاع .. وحيد بين ناس بلايه تفكير
يدير العين يمنه ويسره ويشوف .. اعداءه صفت لاوين ميدير
ومثل حصد السنابل حصدته الكوم .. وهو ينزف دمع لجل البواذير
احنه نريد رحمه وطيب واخلاص .. بهذني وبس هذني يصير تعمير
ونرجع وطنه ونلتم احباب .. وترد للشجرة مامونه العصافير
وتحط عالشجرة مامونه العصافير

لكم مني خالص الود والتقدير

[رياض الرسل]

السلام عليكم

حبيبنا الغالي
سفينة البحار


موفق على هذه القصيده
والله يتقبلها منك يارب

دمت لنا

رياض الرسل

[صادق العارضي]

ومثل حصد السنابل حصدته الكوم .. وهو ينزف دمع لجل البواذير
احنه نريد رحمه وطيب واخلاص .. بهذني وبس هذني يصير تعمير
ونرجع وطنه ونلتم احباب .. وترد للشجرة مامونه العصافير

الله عليك استاذي سفينة البحار اجدت وابدعت بمفرداتك الرائعة
وتصويرك الراقي شكرا لك من الاعماق وتقبل مني هذا المرور

[صادق العارضي]

ومثل حصد السنابل حصدته الكوم .. وهو ينزف دمع لجل البواذير
احنه نريد رحمه وطيب واخلاص .. بهذني وبس هذني يصير تعمير
ونرجع وطنه ونلتم احباب .. وترد للشجرة مامونه العصافير

الله عليك استاذي سفينة البحار اجدت وابدعت بمفرداتك الرائعة
وتصويرك الراقي شكرا لك من الاعماق وتقبل مني هذا المرور

[سفينة البحار]

الاستاذ رياض الرسل
اشكر لك تواجدك امام منشوري المتواضع
دمت لنا مبدعا
لك مني كل التقدير والاحترام

[سفينة البحار]

صادق العارضي
الروعة في حضورك
والابداع في ردك الجميل
تقبل مني خالص الود

[ابوتكتم الخير]

سفينة البحار
كتبت فأبدعت ورسمت لوحة الأبداع بحب الوطن الغالي
تقبل مني التحية والسلام

[سفينة البحار]

كل الشكر والتقدير لك ايها المبدع
ابو تكتم الخير
دمت بود

[كريم السعبري]

سفينه اذا ابحرت شرقا اوغربا
تنفح من جنبها شعرا
سلمت وسلم العراق
موفق موفق

[سفينة البحار]

التوفيق لنا ولكم ايها المبدع
شكرا لعطر مروركم
دمت بود

[نخيل الفرات]

ابيات معبرة تصف الحال الذي عليه الوطن
وتدل أبياتها على قدرة شاعرها وتمكنه من
أدواته الشعريه....ومن يقرأها يجد نفسه أمام منصة مسرح
الكلمات والحروف تؤدي أدوارها بفن وحرفيه
تقديري الكبير الى سفينة البحار وأظنكم لو قلتم لو بغداد أو مايناسبها من فاصلة أظن ذلك يكون مناسباً :يشيل آلام زاخو...بصرة...بغداد هذا من وجهة نظري القاصرة قصور نفسي
وتقبلوا مروري وأطلاعي...وألتمسكم العذر لتطفلي على كبار الشعراء وفرسان ميدانه

[القلب الاسير]

سفينة البحار
رسمت وكتبت وتمعنت فابدعت قصيدة جدا مؤثرة بابعادها الفكري لها رياح تهب في كل مكان
وتحط عالشجرة مامونه العصافير
كلمات في غاية الروعة اتمنى من الذي يقرأها ان يتمعن بها جيدا ويرى ابعادها ومعانيها
بوركت ووفقت وتقبل المرور البسيط ولكم مني افضل التحايا
الاقل
احمد رفيش

[سفينة البحار]

نخيل الفرات
كل الشكر والتقدير لمرورك وكلماتك الرائعة
وانا اقدر لك اهتمامك وذوقك العالي في اختيار المعاني
بخصوص ماذكرتم عن الفاصلة اقول ان الالقاء يختلف عن الكتابة
وما ذكرتم من الاضافات يرد في اللفظ عند الالقاء
اشكر لكم هذا المرور
ودمت بالف خير

[سفينة البحار]

الكبير احمد رفيش
اشكر لك هذا المرور المميز
واشكر لك هذا الاطراء الذي قد لا استحقه
كبير انت ايها المبدع
لك مني كل التقدير والاحترام