شاهد يراس حسين .... لطم .... بقلم احمد رفيش

[القلب الاسير]

شاهد يراس حسين ...... محتارة دربي منين
طايح علمنة..... وحركوا خيمنة
محتارة دربي منين
اصد ابعيني لعيونك يبــو اليمـــــــــة .... وعلى راس الرمح راسك يصد انه
دمعتي اعلى الجفن يحسـين محتــارة ..... تسيل بجور حيل ابكل جفن ونـــة
تطيح اعلى الترب ترسم نهر احزان .... وجروف النهر بجفوفة تتحنـــــــة
الكمر عباس خوية جفوفة والرايـــــة ..... طاح وطاحن وعينه تودعنــــــــة
انصاب ابسهم بالعين ..... وتتعذرة الجفين
وبجف زمنه .... للهم حملنه
محتارة دربي منين
ياراس الشرف زينب انـــه يحسيــــن .... حرة مخدرة ياخوية يســــــــــبوني
عكب عينك يبو السجـاد اهل دمــــوم .....هلن بالمدامع فاضن أعيـــــــــــوني
اصد الراســـــك وعين الهظم بالراس .... شافت هالسياط اتجور بمتـــــــــوني
ودرت عيني الجفيلي وشاهدت عباس.....هم فوك الرمح راسة وعلى ضعوني
ينظر يخوية حسين ..... والغيرة من العين
الجمرت حزنة ..... الحاطت باهلنة
محتارة دربي منين
وعلى درب السبي يا خوية اخــذونة ..... وسايرنة الحزن من كربلة للشام
وانتوا ويانا يا مظلــــوم لكـن .... اه .... روس اعلى الرماح بطيلة الايـام
وانة وي العليل اعلى الهظم والضيم ..... بجفوف الزمن متكيدة الايتـــــام
اداري دمعة اطفالي وجرح هالروح..... بصبر كلبــــي يلوذ الشــــدة الالام
الامي بيها ونين ..... ياخوية بين وبين
فكدت املنة ...... ولوعة المنة
محتارة دربي منين
رِسَمْت دموعي متخفية على الـدلال ...... ونزف دلالي منهن ماحمل هجـــرك
لان شاف المصايب كلها ربع الكون ...... وهد الكون كله من رســـم نحــــرك
خيط من الصبر جتف دليلي بشوك ..... حسيت الصبر يا خوية من صبـــرك
عاينت الحزن نار ويذوب شمـــوع ...... وطفت شمعة عمرنا من خفت عمرك
وخطت يخوية البين ..... نوح الهظم لا وين
بدموعي اعاتب ..... درب المصايب
محتارة دربي منين
مشت بينه المأسي وفوك هام الليل ..... وكل ليلة التروح اتبعد امالــــــــي
اصد بحسرة يا اطهر شهيد الطاح ..... كلها بلوعة تنحب ظلت اطفالــــي
محتــارة بزماني وجمرة الايــــام ..... ويذوب المايلين بجمرته حالـــــــي
بس عالي يخوية حسين فوك الليل ..... خيم هالصبر لجروحي ضل عالي
اصرخ وادير العين ...... الراسك يخوية حسين
يرسم صورنة ..... بعينة ونظرنة
محتارة دربي منين
شاهد يراس حسين ...... محتارة دربي منين
طايح علمنة..... وحركوا خيمنة
محتارة دربي منين
خادم اهل البيت عليهم السلام
احمد رفيش 3/10/2010

[ابو ظاهر البركي !]

اللهم صل على محمد وال محمد
حبيبي الغالي
خادم اهل البيت
الشاعر احمد رفيش


وفقكم الله وسدد خطاكم لخدمة محمد وال محمد

ورزقنا واياكم شفاعتهم في الدنيا والاخره



خادمكم
ابو ظاهر البركي

[القلب الاسير]

حبيبي وعزيزي الغالي ابو ظاهر البركي
انرت صفحتي بوجودك وطيبت عطرها بدعائك لك مني قائق التقدير والاحترام
واسال الله عز وجل ان يوفقنا واياكم لخدمة ال بيت رسول الله ص انه السميع المجيب
الاقل احمد رفيش

[ابوتكتم الخير]

رِسَمْت دموعي متخفية على الـدلال ...... ونزف دلالي منهن ماحمل هجـــرك
لان شاف المصايب كلها ربع الكون ...... وهد الكون كله من رســـم نحــــرك
خيط من الصبر جتف دليلي بشوك ..... حسيت الصبر يا خوية من صبـــرك
عاينت الحزن نار ويذوب شمـــوع ...... وطفت شمعة عمرنا من خفت عمرك
وخطت يخوية البين ..... نوح الهظم لا وين
بدموعي اعاتب ..... درب المصايب
محتارة دربي منين

لوحة حسينية رسمت بدموع تلونت بحب الحسين
وتعطرت بوفاء زينب عليهم السلام
احسنت أيها الرائع

[القلب الاسير]

واحسن الله اليكم اخي العزيز ابو تكتم الخير
مرورك في صفحاتي يزيدها نورا وابتهاجا دمت في الخير تسمو
ولك فائق شكري وتقديري

[كريم السعبري]

هد الكون كله من رسم نحرك
نعم خيا ل واسع وفكر جياش
اقف امام لوحاتك باحترام
كاحترامي لاخوتك الغاليه
السعبري

[القلب الاسير]

وتقف كل الكلمات امام نسيج حروفك المبهجة احتراما وتقديرا
تحياتي اليك اخي العزيز............... كريم السعبري
لك فائق شكري وتقديري
خادم اهل البيت عليهم السلام
الاقل
احمد رفيش