شعر الشيخ الخطيب المبدع زمان الحسناوي

[مصطفى مهدي]

زينب وليلة الحادي عشر
الليل يهيج الدلال بهمومه
شتريد اتصير زينبكم المهضومه
******
يالمنكم الناس تعلمت الغيره
تكلب بالهموم وحايره حيره
جافل جان عدها ومالها غيره
ويا محله الكمر عباس ورسومه
******
لجن بليله جانت احله كل ليله
غاب وخله زينب ظلت نحيله
يا نجم اليساهر حته تشكيله
الله يساعدج زينب المظلومه
******
وطالت عالعقيله الليل ساعاته
وكامت وحده وحده تنام نجماته
لجن شلون زينب ليلها تباته
دمعات وعتب والام ملجومه
******
كل ليله الكمر بعيونه يرعاها
لجن السهم هاي الليله طفاها
ونذرتله نذر متنام عيناها
وتضل طول الدهر بالسهر ملزومه
******
وظلت للفجر بت سيد الاملاك
يكلبه الحزن ما بين هذا وذاك
ما تنساك يا عاشور ما تنساك
تنسه اشم جسم مطروح بالحومه
******
تنسه خد اخوه حسين المترب
لو راس الكمر عباس المصوب
لو تنسه خدره الشافته مسلب
لو رضعان تنسه بنبل مفطومه
****** زمان الحسناوي/ قم المقدسة

[ابوتكتم الخير]

لجن بليله جانت احله كل ليله
غاب وخله زينب ظلت نحيله
يا نجم اليساهر حته تشكيله
الله يساعدج زينب المظلومه
مصطفى مهدي
نرحب بك أخا في منتدى الأنا الشيعي
ومرحبا بالحسناوي وابياته الرائعه
جزاكما الله خيرا وكفلتكما زينب عليها السلام
دمت بود
ابوتكتم الخير