أبـــــــــــــــــــــواب السمــــــــــــــــــــه ( موشــــــــــــح )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

أبـــــــــــــــــواب السمــــــــــــــــه ( موشح )
ــــــــــــــــــــــــــــــــــــــــــــــــــ ـــــــــــــــــــــــــــــــــــــ

زهرة المرسول هاذي فاطمه === نور إلها يفتح أبواب السمه
ــــــ
نور إلها فاطمه ما ينطفـــــي == لو يمس النور روحك تنشفي
ثابت إبحب الوديعه موقفــــي == ما أغَيْره حتّى لو أفدي الدمه
ــــ
ما أغَيْره حُب أهل بيت النبــــــي == حُب حسن وإحسين والحامي الأبي
غايتي أرضي إلهي إو مطلبي == تشفــع الزهره إلي يوم الظِمَه
ــــــ
تشفع الزهره إلي يوم الحشـــر == وأذكر البسمار من صاب الصدر
وأذكر الكرار من ظل بالصبر == والدمـــــــع مدرار لجل العالمه
ـــــ
والدمع مدرار يسبگ حسرتي == أذكُــر المُحسن وأجُرها ونّتي
والضلع مهضوم يسمع لوعتي == والحــزن مَيْزول صوّبني إبعمَه
ــــــ
والحزن مَيْزول لجل الطاهره == روحي من إتزور تبگه حايره
وين تُربة فاطمه شنهو الجره == ليــش أخفاه الگبر حامي الحمه
ــــــــ
ليش أخفاه الگبر وأخفَه التُراب == حتّى ما نِنْسَه عظُم ذاك المُصاب
حتّى نبگه ننتظر ينهي الغيـاب == يظهر المهدي إو نفوز إنسالمه
ـــــ
يظهر المهدي إو نفوز إبطلعته == نمشــــــي ويّاه إو نحقّق غايته
يمشي للتُربه إو يُصبها عبرته == جيــــــــت ياأمّي ينادي الغانمه
ــــــــــــ
جيت ياأمّي ينادي المُنتظــــــر == أبني گبرچ وأرفع الرايه إبظفر
ما يظل ملعون يرمي بالشَرَر == ما يظل ناصب يحل بيه العَمَه

ــــــــــــــــــــــــــــــــــــــــــــــــــ ــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//view.php?file=b1d7bb4077