كلمن يحب الزهراء يدخل هنا /شاركونا بحق ولادة الزهراء (ع)

[رياض الرسل]

السلام عليكم

احبتي واساتذتي الشعراء الكرام
ونحن على ابواب ولادة السيده الزهراء عليها السلام

المطلوب منكم المشاركه

ابوذيه
دارمي
ومضه
هوسه
موال

من اختياركم

حتى انفرح قلب امامنا ومنقذنا
الامام الحجه المهدي
عجل الله فرجه الشريف

اليكم مشاركتي هذه الابوذيه المتواضعه
****************

مـابـيـهــا أفــكــــــــــــر ---- ام ابيها

--- اريدها
شـلـون وهـي عــالــــم ---- ام بيها

--- امه بيها
بشـــرف سـمــاهـا طه ---- ام ابيها

--- ام ابيها
وبتول وطاهره وحره وزچيه

*********************

خادمكم جميعا
رياض الرسل


وين خدام الزهراء

[الروح]

اللهم صل على محمدٍ وآل محمد
متباركين بالمولد الطاهر للطاهرة القديسة الزهراء عليها السلام
وفقتم شاعرنا القدير واجدتم
وان شاء الله لي عودة للمشاركة
ودي وتقديري

[ابو ظاهر البركي !]

السلام عليكم

حبيبي واستاذي وتاج راسي
ومعلمي الشاعر القدير
رياض الرسل

وفقكم الله وسدد خطاكم
لخدمة محمد وال محمد


وهذه مشاركتي
يشيعي بمولد الزهره فرحلك
الكون ولاتضن يجفي فرحلك
اذا تنخه علي حزنك فرحلك
وتموت عداك ذوله الناصبيه


ابو ظاهر البركي

[ابو ظاهر البركي !]

وهذه مشاركتي الثانيه


يتفاحة الجنه الربج اطاج ***النبيه وصرتي النه اعظم ايه


وبدوره محمد شالج اهداج ***لبوالحسنين كونتو الولايه


شاء الباري سد للنار سواج ***وصرتي النه يبعد اهلي حمايه





خادم الزهراء



ابو ظاهر البركي

[الروح الفاطمية]

اللهم صل على محمد و آل محمد .

السلام عليكِ سيدتي و مولاتي ..

أتشرف ان اخدامها و اهديها عيني !

لكني ليس بشاعره أن كنتم تريدوا منقولاً سأضع لكم .


موفقين و نسألكم الدعاء

[ابو ياسر الكعبي]

الرائع أبا عباس

ستكون لي هنا انسكابة واخرى

"
الزمن ماگدر یلویني وَهَنِّي
وچِذَب من گال بحباله وَهَنِّي
أبارك للمَلا الأعلى وَهَنِّي
رسول الله بمیلاد الزچیَّه


"
الزهـره أُم الفَضِل دایـم فَضِلها
وبَحَـر من الکرَم والدُر فَضِلها
إهـِي سَیـدَة نِسـه العالم فَضلها
البـاري ابـنـورها أَکـرَم نبیَّه

[ابو مريم الاسدي]

ابيات في شهادة الصديقه الطاهره فاطمة الزهرا عليها السلام"صوره عن حال زينب عليها السلام بعد فقد امها ع:
فكدج عجيب****وانتي الحبيب
يايمه نجمج****عني يغيب
دمعي ييمه مانشف*******دهري ويه كلبي مانصف
وانتي الحبيب وانتي الحبيب

[ابو مريم الاسدي]

بيت ابو ذيه الزهراء ع تخاطب الامام علي ع اخر لحظاتها للشاعر ابو مريم الاسدي:
مجاني ياعلي لو صار خله
تراه الموت لاخل وي خله
تراني طاهره والغسل خله
اخاف اتبين اجروحي عليه

[ابو مريم الاسدي]

انت الاعجاز وفي الطف جليا ** من محمد هاي ناخذهه العلامه
انت مني قالها طه دويا ** شكت الليل بصبح تجلي ضلامه
انت سبط سيد الجنه أبيا ** بيك ربنه أوضح ووصل مرامه
انت انت الفدا لا كبش الخليل ** دمك الترجم ذبح ابنه بمنامه
فيك هذا يحيى مهموما عليل ** عليك يبجي ونحره يهديلك سلامه
فيك يونس سبح ليلا طويل ** انت دمعه يهلهه من يبدي كلامه
فيك يوسف صابرا بالجب وطرا ** وبأخوته الدهر سددله سهامه
فيك ايوب ويعقوب وصبرا ** بيك الياس ويشع انته الكرامه
فيك هود وشعيبا انت أمرا ** بالسفينه نوح حطاهه بسلامه
فيك لوط صابرا والنكر ينمو ** بدمك بنيت الصرح صرح الشهامه
انت حيدر راية بالافق تعلو ** وهذا وجهك يسطع بنور الامامه
انت كسرا بالحشا للأم يدنو ** انت ثار التطلبه بيوم القيامه
انت كبد المجتبى حين تقطع ** كلب زينب انته كل حزنه وهيامه
هو ام انت ابا الفضل تجمع ** ترف عليه ورفلك بشوك الحمامه
زفة بالطف تحدوها المنايا ** انت قاسم للاجل تنطي ابتسامه
انت الاكبر نور طه والخفايا ** طه الاكبر حيدر اجفوفه وحسامه
انت نهر العلقمي دمع السبايا ** انت ابو الفضل ونبض كل النشامى
انت الاعجاز على الدمع تجسد ** دمعه التبين حلال الله وحرامه
انت صوت طاف بالكون تردد ** كل محرم نرفع الدم والعمامه
انت كل الانبيا والطف تحشد ** انت كعبه انت دين الله ونظامه
********************************
لخادم أهل البيت
ابو مريم الاسدي

[قاسم حتروش]

بمولدها أم حسين مبتشره الأكوان
والفرح عم اليوم صار إلنه عنوان

*************

بمولد الزهرة اليوم هاي المسيه
هنوا النبي المختار وحيدر أخيه

[رياض الرسل]

السلام عليكم

تاج راسي واساتذتي الافاضل

كل الشكر والتقدير الى الجميع
على وضع بصماتكم هنا وهناك

الى الحبيبه الغاليه على قلوب الجميع
سيدتنا ومولاتنا جميعا

الزهراء (ع)


وانتظر المزيد منكم احبتي

خادمكم
رياض الرسل

[رياض الرسل]

لم الحسن وحسين قدمو هديه
تستاهل بهل يوم والله الزجيه

*******************

وين احباب الزهراء
انتظر المزيد منكم احبتي


خادم اتراب اقدامكم
رياض الرسل

[ابوتكتم الخير]

يم الحسن وحسين مولدج جنه
وبحبج إحنه اليوم كلنه إحتفلنه

[ابو معاد النجفي]

الاخ الرائع الشاعر الكبير
رياض الرسل المحترم

انت نجم لامع في سماء القصيده الحسينيه وترفد المنتديات والروادي في فيض قلمكم جعلها الله في الميزان بحق فاطمه الزهراء ع
تحياتي لك الخالص ولابد من اقف في صفحته واملي ماابوح به الان وليد اللحظه؟ عرفانا للزهراء ولكم التحيه

حرت شكتب عليهه...مانداري
وعن حب الزجيه...مانداري
لوطبيت كاصد..مانداري
صور واشعار في حب الزجيه

الزهره اصبحت للشعيه..ام لينه
بحبه انول كل عالي..ام لينه
وكلبه الحوه شعيته..ام لينه
شفيعه فاطمه لكل البريه


تحيات
اخوكم
ابو علي السعيدي

[انه شيعيه]

شاعر ولكن ؟
ابصفحةْ هَـوَى الْفينه نـكتـبْ أمَـانـينا
====
لَنّ اعتنَتْ هالفرحـه تطْـرق بابي .. فرح
ﮔـمْت ابعجلْ واللّهفه بين اهْدَابي .. فرح
ﮔـلْت ابأملْ بلْـﭽـنْ لفَتْ احبابي .. فرح
لَنْها البشَاير جَات لي اوْيَه اصحابي .. فرح
واحـنا ابتهـانـينا نـكتـبْ أمَـانـينا
====
ﮔـالواْ إِليْ اشْعندك يشـاعر هايم .. شعر
بَسّكْ شعر واﮔـصد حفل بُو القاسم .. شعر
وَيّانا إمشي اوْلاَ تظـلْ مِتْشَـائم .. شعر
وافْرَح مثل فرحـة نبـينه الخـاتم .. شعر
ابجُمْـلـةْ قـوافـينا نـكتـبْ أمَـانـينا
====
هاللِّيـله تدري يا حفـل هالليله .. حفل
والْمَن بعد شمعةْ أمل نضـوي له .. حفل
هادينا حاضر وَيّه حَامي ادْخـيله .. حفل
والعتره كلها من فَرَحْـها اتجي له .. حفل
بـالحُـبْ تـرَوّينـا نـكتـبْ أمَـانـينا
====
يشَاعر انته ابكلْ حفـلْ تطربنا .. طرَب
اشْبَالكْ بـﮕـيت ابهالجفا اتعذّبنا .. طرَب
تدرينا احـنا ابهالـولا اتحـاببنا .. طرَب
وخَذْنا الكرَامه ابهالدهر مِنْ ربنا .. طرَب
ابنـغـمة أمَـاسِـينا نـكتـبْ أمَـانـينا
====
صَحْت وﮔـلِتْ يحْبَابي لَنْ سمعوني .. صحت
هاللِّيله أدري ابهالسّعَـد جيتُوني .. صحت
وادْرِيكـم ابّابي ابشَغَـفْ تتْنوني .. صحت
الزهره الزّﭼـيّه هيّ نور اعيوني .. صحت
للـزّهـرّه نـاديـنا نـكتـبْ أمَـانـينا
====
تدروني ليش ابهاحفل مُو حاضر .. حرت
حـاير شَقَدِّمْ للزﭼـيّهْ حايـر .. حرت
رايد أقدِّم صُوغَه تضوي النّاظر .. حرت
ماأمْلِك الاّ احْرُوفي منْ فَمْ شاعر .. حرت
نتـعـنّى هَـادينـا نـكتـبْ أمَـانـينا
====
ﮔـالُولي يكفي ابهالشّعر تهديها .. نِعـمْ
وتِكْثر صَلاَتكْ يالْمُوالي اعليها .. نِعـمْ
هيّ العظيـمه مِنْ لَدُنْ باريها .. نِعـمْ
وهاللِّيله جينه ابهالشّرَفْ نحييها .. نِعـمْ
عالحُـبْ تـلاﮔـينا نـكتـبْ أمَـانـينا
====
ـــــــــــ
..بقلم المنذور للزهراء (ع): ناصر الوسمي .. تمت يوم الأثنين 19/6/1432هـ

[رياض الرسل]

السلام عليكم

الغالي والعزيز
استاذي
ابو علي السعيدي


اسأل الله ان يوفقك على مرورك المشرف هذا
شرف كبير وجودك بيننا
والله لايحرمنا منك ابد


خادمك
رياض الرسل

[زكي الياسري]

مشاركتي
السلام عليكم و رحمة الله تعالى و بركاته
بعد طول اشتياق لكم احبتي اضع بين ايديكم
بعض المواويل و الابوذيات بمناسبة مولد سيدة نساء العالمين
فاطمة بنت محمد صلوات الله و سلامه عليهما

موال
شعشع بسم فاطمـه هذا الحفِل بَـل سِمه


من حيث هي للجـرح بنت النبي بلـسمه

و الناصبي دمره نغــــم الفرح بل سمـه

من تنذكر فاطمه يصيب النواصِـب وجل

ذاكرهه في هل أتى سُبحانه ربنـه و جل

من كل جليله تضل احسن واكمـل وَجَــل

كَبل الولادة زهــت نور و يشع بل سِمه



ابوذية
اله الكون فاطــم هـــو سماهه


وسمت بالنور يا مَحلا سماهه


إهــي جنـّه وعلي حيدر سماهه

و حسن وحسين لنجوم الزهيه

ابوذية
يسامع عطني فكرك وانتباهه
الك أخبار عنــــدي وان تباهه
أكلّك بيش نفخــــــــر وانتباهه
بحبيبة طه فاطمـــــــة الزجيه

حَبيبة طه وأمـــــه واهوه ابوهه
واْنه الأهوه بعلهه واهوه ابوهه
وام العادت أهوت واهوه ابوهه
بجهنم لان متـــــــــــوالي الزجية
الاختلاف في هذه الابوذية هو ان الجناس يقع في الكلمة ماقبل الاخيرة
واهوه الاولى تعني وهوَ ابوها
واهوه الثانية تعني اهوى ابوها اي اعشق ابوها

اهوه الثالثه تعنى هوى في نار جهنم





موال
حي دار طه النبي يــــا سامِعـــي حي دار

جبريل بيها دهر بـِسـم الوَحـــــي حي دار

رضعت حليب المَجـِــد مِن طاهِره حَي دَر

شافت خديجه العجب من أنجبــــت فاطمه

أم الأبوهه اصبحـــــــت و الشيعته فاطمه

و ابهاي عندك سبب شيل الحزن فا طمه

وافرح بعد من صفت فاطم مــره الـ حيدر


و ابوذية بنفس المعاني
يسامع حيهـــــــه دار الآل حي دار
الحليب الطاهره الكل حين حــي دار
خديجة الام محمــــــــــد أب وَ حيدار
بعلهه الحيــــــــــــــــد حماي الحميـه

زكي

[ابو ياسر الكعبي]

زكي الياسري

وفقك الله وسدد خطاك

انرت الصفحات ايها الغائب الحاضر

[mohsen]

يسامع عطني فكرك وانتباهه
الك أخبار عنــــدي وان تباهه
أكلّك بيش نفخــــــــر وانتباهه
بحبيبة طه فاطمـــــــة الزجيه


بارك الله فيكي اخي الكريم

[زكي الياسري]

كل الفخر و الاعتزاز بالعم العزيز الاستاذ رياض الرسل
الذي نبقى بحقه مقصيرين

تحية لكم استاذي المبدع ابو ياسر الكعبي

لم انساكم ابدا جميعا

و للعزيز محسن

شكراً على هذا الاطراء الدافئ

تحية من صميم الفؤاد

[mohsen]

عليك السلام يا سيدة نساء العالمين

نور وضياء شع بالدنيا
أزهر الروض وانتشى
غرد الكناري ورقصتا الفراشات
بمولد سيدة نساء العالمين
فاطمة الزهراء عليها السلام
... أهنيك يا مولاي يا صاحب الزمان أتقبلها مني

اللهم صلي على محمد وال محمد وعجل فرجهم يا رب

[فضّه]

اللهم صل على فاطمة وابيها وبعلها وبنيها والسر المستودع فيها بعدد ما احاط به علمك واحصاه كتابك
متباركين بالمولد الطاهر للطاهرة القديسة الزهراء عليها السلام

وتقبل منكم هذه المشاعر الولائيه اخواني خدام الزهره ان شاء الله



متابعين ومستمتعين بهذا الافصاح النقي


للجميع كل التقدير

[صادق العارضي]

اللهم صل على محمد وال محمد
لولادة الزهراء عليها السلام

يمـــن رب الــســمــــه صــلـــه وســـلـــــم
وامــور الخـلـق لــك اعـطــى وســلــــم
إلــك قــلـــب المحـــــــب اقــبــل وســلـم
يـبــارك مــولـــد الــزهـــرة الـــزكــيـة

تــرك مــولــدهـــا فــي قـلـبي عـــلامــــة
وعـيـني اتـســايــل الـقـلـب اش عــلامـه
اجــوفــه الـيـوم يـتـلاطـــــم عــــلامــــه
فــــرح وســـرور يـتـــغـــنــــــه عـــلـــيّــه

يــقـــــــول الـنـــــاصـــبي قـلـــبي يــغـــالي
اذا مـــا مــــر ذكــــر فـــــــاطـــم يـغــــالي
ويــــــــردد مــــن يمـــــر بـــيـــهـا يـغــــالي
يـأغـلـه نـفـحــه بــــوجـــــــود الــبريـــــه


http://www.alshiaclubs.com/upload//uploads/images/alshiaclubs-3387894440.jpg

منقوووووووووول

[محطة فرح]

يــزهـــره انــــتي لـلــعــشـــــــــاق قـبلــة
وربـي كــل محــــب لاجـلـــــــش يقـبـلـه
يـلـيـت ابـتـــربـتـــش اتـــهــــادى قـبلـــه
واطـفــي هـالحـنــين إلـهــــــــج بــــــيـــــه

[ساره هندسة]

تقبلوا تحياتي وهذي مشاركتي

على الزهره الفرح مايوم بسمار

هظيمه والهظم جرعته بسمار

الاشد تنصاب وسط الظلع بسمار

او وسقط محسن تشوفه اعله الوطيه


----------------------------


اريد ابكي عليش امن ابكي يابه

ظالم والحقد للباب يابه

صحت لمن عصرني ابصوت يابه

انكسر ظلعي يسلطان البريه

--------------


عليه الحزن يتوجب يشيعه

وكسر ظلعي اعله كل واحد يشيعه

النعش وصيت بالظلمه يشيعه

وقبري ايضيع ردته اعله البريه

------------------

دريت ابظعتك بعداك ينبي

على الزهره الدهر بالشوم ينبي

وره الباب اصرخت احاه ينبي

انكسر چاوين حماي الحميه

----------------------

نوايب على اشبول الزهره ظلعين

وابو فاضل لخوه حسين ظلعين

بني اميه اكسروا للنبي ظلعين

ظلع سبطه وضلع بنته الزكيه

[ميثم الرماحي]

اخي خادم العتره الطاهره... الرسل
اخواني الشعراء
مبارك لكم
هذا
الميلاد الميمون
وهذه
مشاركتي


مره الدنيه رادت وي علي تذكار ......وجان الجو ظلام وبالمغربيه
علي اشر بصبعه الشمس ردت ليه...كام وياهه صوور صور شمسيه