بويه نكروني..بويه ضربوني؟؟لااستشهاد الزهراء ع اقول؟

[ابو معاد النجفي]

بويه نكروني ..... بويه ضربوني
اخذوا الوالي امن اديه .... بنتك الزهرة الزجية
بويه ظلموني


شرد اسولف عالجره عليه ويصير
بيد الانذال الكفر صار المصير
داسوا اعله اعتاب بابك وأخذوا الوالي اسير
لا رعوا نهج الرسالة زمرة ما عدهم ضمير

بالسياط اتشفه بيه... لا عرف الله ونبيه
بويه عصروني

من عصرني الباب بويه طاح من عندي الجنين
بويه صحت ابعالي صوتي اوطلع من عندي الانين
انه حرمه وشرد اكولن المشتكى للله المعين
كون حاضر انته يمي اتشوف سطرات الجبين

وحالي يا حال الرزية ... هاي افعال ال اميه
بويه فجعوني

والاشد واصعب يبويه ظلعي بالباب انكسر
ذوله اصحاب السقيفة خدنه من عدهم عبر
حاربوا نهج الولاية وحاربوا كل العتر
طالبوني بفدك بويه واتمسكيت انه الصبر

صبري صار ويه البليه .... وي دعاة الطائفية
بويه باعوني

ريت حاضر بويه يمي وعينك اتشوف المواقف
جمعوا كل الصفوف وصار ضدي هالتحالف
استعملوا كل السلاح وكامت اتسبني الشفايف
وكام يغدر بالنبوة السكته وياهم وخايف

بويه افا عالدنيه ... وانه اطلبت المنيه
بويه منعوني

شفت محسن طاح يمي والظلع يكطر دمى
اهتزت اركان العبادة من دعيت اعله السمه
ريت بويه ولا اشوفن هالزمر والظالمة
عيوني لاشافت يبويه وريت عيني بالعمه

ولا اشوف ابن الدعيه ... يأمر اعله الفاطمية
بويه يولوني

لا ولايه وحكم الهم ذوله ما الهم نسب
ذوله اشرار الخليقه شوفوني من العجب
كسروا الباب وي ظلعي او معرفت شنهوا السبب
عله مخفيه ودفينه عنها ارفع كل حجب

نحو الوالي العليه .... لان حيدر بالوصيه
بويه عذبوني

خادم اهل البيت
ابو علي السعيدي

[رياض الرسل]

السلام عليكم

الغالي والعزيز
ابو علي السعيدي


اسأل الله ان يوفقك على هذه القصيده
شرف كبير وجودك بيننا
والله لايحرمنا منك ابد
دمت بكل خير وبركه يارب


رياض الرسل

[الروح الفاطمية]

السلام عليك يا جدتي و مولاتي
و لعن الله من ظلمك و كسر لك ضلعكِ

جميل جداً

[كريم السعبري]

هنيئا للسعدين بهذا الشاعر الكبير

نص رائع ومن المعاني اختزل الكثير
ومظلوميه مؤلمه
تحياتي السعبري