الحائط ...........؟؟ [الأرشيف] - منتديات أنا شيعـي العالمية

ابو ياسر الكعبي

15-05-2012, 07:11 PM

السلام على أهل الشعر من
من
متذوّقين وزائرين و شعراء

لكل شيءٍ وجع.. وللشعر الشعبي وجعه .

ويالهُ من وجعٍ يدخل القلوب بدون إستأذان

مساحةٌ مفتوحة لحائط الوجع

فلنُعلّق عليه أوجاعنا

بيت من الشعر

ومضه

لوحة

دارمي

منقول او غير منقول

والدعوةُ عامة للجميع

وسأكون والوجع بإنتظار الوجع

محبّتي للجميع

كريم السعبري

15-05-2012, 07:20 PM

اخي الغالي ابوياسر الكعبي السلام عليكم

اتمنى ان اكون اول راد عليك واتمنى ان اشارك الكبار
امثالك

فكدت اسد للرايه حملهه
وزينب حايره وماضل حملهه
بيوم التضع كل حامل حملهه
تشكي هناك يم رب البريه

اخوك السعبري

ابو ياسر الكعبي

15-05-2012, 07:35 PM

كريم السعبري

حياك ربي وحرستك ملائكته

كما انك كبير ايها الكبير

ربما أكون أكبر منك عمراً ولكنّي أصغر منك شعرا

شكرا لأنك وضعت أوّل قبلة للوجع

على حائط الوجع

وسأكون والوجع بإنتظار الوجع

الروح

15-05-2012, 07:43 PM

موضوع رائع وابداعي جداً
الكعبي وقوافي الوجع المهجورة ..!
واليوم الكعبي وحائط الأنتظار ..!!
ستكون لي عودة
ودي وتقديري العميق

ابو ياسر الكعبي

15-05-2012, 08:00 PM

موضوع رائع وابداعي جداً

ستكون لي عودة

ودي وتقديري العميق

ههههههههههههه

الروح

لأنكِ رائعةَ ترين الموضوع رائعا

المساحة مساحتكِ وسيكون الوجع الشعبي بإنتظاركِ

مدائنُ تقديري لتقديركِ

وسأكون والوجع بإنتظار الوجع

ابو ياسر الكعبي

15-05-2012, 08:01 PM

[QUOTE=الروح;1724296]
الكعبي وقوافي الوجع المهجورة ..!
واليوم الكعبي وحائط الأنتظار ..!!

اممممممممممم

لاتعليق ؟

ارسطو طاليس

15-05-2012, 09:28 PM

"أبو ياسر الكعبي "
الاسم الذي تحتضنه جدران ذاكرتي
من سنين وبصمة لاتنسى على جبين الشعر وصفحات الكبار
لك كل الود والاحترام من العمق
على هذا الموضوع
وكنت اتمنى اصوغ مشاعري بأبوذية او اي شعر شعبي
لكن
" انا مافيي حبك اكتر من عينيي "
ههههههه
اخوكم الصغير
ارسطو

ابو ياسر الكعبي

15-05-2012, 09:40 PM

[QUOTE=ارسطو طاليس;1724463]"أبو ياسر الكعبي "

الاسم الذي تحتضنه جدران ذاكرتي
من سنين وبصمة لاتنسى على جبين الشعر وصفحات الكبار
لك كل الود والاحترام من العمق
على هذا الموضوع
وكنت اتمنى اصوغ مشاعري بأبوذية او اي شعر شعبي
لكن
" انا مافيي حبك اكتر من عينيي "
ههههههه
اخوكم الصغير

ارسطو
[/QUOTE ههههههه

ارسطو طاليس

يحيّرني حرفك أيها الماسكُ بتلابيبِ مشاعري ..

أما شعرك . فقد صغته جمالاً بإطلالتك المفرحة

وأما ذاكرتك .فأنا مدين لها ماحييت

لك الشوق من أعمق نقطة في روحي

وسأكون والوجع بإنتظار الوجع

ابو ياسر الكعبي

15-05-2012, 09:57 PM

ومما راق لي

الميّت ما ترجعه دموع العيون

على الطيبين نبجي وما إجونه ...

وسأكون والوجع بإنتظار الوجع

الروح

15-05-2012, 10:42 PM

سكف راسي انهدم من يوم فركاك
ينكط ذكرياتك ذكرة ذكرة ..؛

منقول

ابو ياسر الكعبي

15-05-2012, 11:14 PM

من قصيدةٍ لــ سفينة البحار

يقول وجعهُ

امشي بلا فكر تحت الجدم نيران .. وهموم الزمانبجتفي متعلكه

العمر عده وصفيت بآخر الانفاس .. شمعة عمريصار سنين معتلكه
فوك الراس ناري ودمع عيني عيون .. مسيل الدمع خدي بجمرته يحركة
سكته الآه الفظهه واون بسكوت .. الامس لليوم جره لباجر يشبكه
ويضيع العمر من ايدي ودكلي اشلون .. العمر لو راح .. عمر ثاني دكلي منين وين الكه
توجيت على صبري وصبري خانه الشوف .. اعمه يكود اعمه الناتج شيبكه
فكرت الصديق يفيد وكت الضيج .. وفكرت الوفه عند الصديق الكه
زرعت الطيب وادري بشرهة الفلاح .. يداري الزرع يثمرغايته وحكه
لجن مو بيده لو ما اثمرت هالكاع .. الصبخه لوتطش اورود بيها اشكال..
صباخ الكاع كل ورودهه يخنكه
تعنيته ونخيته وجنت احسبه يمين .. لو جار الزمن وياي بيه اركه
تخله وعافني بنص البحر شو شوف .. عاين بالبصيره وشوفني شأبكه
لايمنه التفوج ولا شمال النوب .. واسمع صوت من جنت آنه احسبه يمين

يصيح بصوته بشباج المصايب يل قدر غركه

وقلتُ مجاريا لوجعهِ

بعدهي جروحي تتنفس جرح مخنوگ ..وبعدهي بعيني دمعة عتب مختنگه
ماتقبل تطيح وتچوي خد الآه ..بقت بين الرمش والعين مِتْعلگه
أنه شجرة مشاعر ذبّلاها الخوف .. وكل ساعه تطيح امن الغصن ورگه
شجره إمْحمّله وتمطروفه بالضيج .. وكل غصن إنحنه من الوفه عِثگه
دَفـُك عينك إلي يالخان بيك الشوف ..وذيچ الساعه أگولن ماعرف حگه
گاع اجروح گلبي اتخضرالها جروح .. يرد كل ما أشيله الجرح من عِرگه
أشتم نِفَس حرفك واشهگ العطاب .. وتصعد بالمَواجع للسمه الشهگه
بعد ماغيّمت سگفك عَلَي خر موت ..أنه بكل لحظه اموتن واحترگ حَرگه
مَيِّت ألف موته ولويجيني الموت ..مايلحگ عليّه وكل شي مايلگه

وسأكون والوجع بإنتظار الوجع

الروح

15-05-2012, 11:16 PM

رائع جداً ما قدمتما :)

نزار الفرج

15-05-2012, 11:19 PM

بسم الله الرحمن الرحيم
تعبت من الكلام ... او تعبت من السكوت!!
انه عايش تمام!! بس كل لحظه اموت!!
تعبت امن الرصيف!! تعبت من الوقوف!!
انه كلي عيون!! لكن ما اشوف!!!
ابو محسد

ابو ياسر الكعبي

15-05-2012, 11:22 PM

رائع جداً ما قدمتما :)

وكان بين الساحلين وقوفك هو الأروع:)

ابو ياسر الكعبي

15-05-2012, 11:28 PM

بسم الله الرحمن الرحيم

تعبت من الكلام ... او تعبت من السكوت!!
انه عايش تمام!! بس كل لحظه اموت!!
تعبت امن الرصيف!! تعبت من الوقوف!!
انه كلي عيون!! لكن ما اشوف!!!

ابو محسد

الله عليك

يا ابو محسد

تعبت امن النزف .. وكلت گلبي الجروح

جسد عندي تمام ..بس إبلايه روح

وسأكون والوجع بإنتظار الوجع

ابو ياسر الكعبي

15-05-2012, 11:34 PM

الوجع عندي شعور .. يمشي ابلا جسد

ورثته اويا الجروح .. من گبل المهد...

نزار الفرج

15-05-2012, 11:47 PM

بسم الله الرحمن الرحيم
تعبت من الصديق !!! تعبت الحبيب؟؟
آنه ابين اهلي... واحس روحي غريب!!!
تعبت من الوطن... المحبوس بسجن!!
شلك با الشعر..المايبجي بحزن!!

ابو ياسر الكعبي

15-05-2012, 11:51 PM

أكو ناس عافتنه ومشت ..؟

وأكو ناس بينه إتشمّتت ؟

وأكو ناس دمعتها سمه تمطر وفه لوغيّمت

وسأكون والوجع بإنتظار الوجع

نزار الفرج

15-05-2012, 11:55 PM

بسم الله الرحمن الرحيم
نعم
اكوناس تضحك عل البجي... واكوناس تبجي عل الضحك!!

الروح

16-05-2012, 12:01 AM

أنة جروحي سمة وتمطر سجاجين
ودرع كلبي بعد مابيه لزمه ..!

الروح

16-05-2012, 12:03 AM

ابو محسد عاشت الأيادي

ابو ياسر الكعبي

16-05-2012, 12:04 AM

نقلتك ياوجع .. رغم كل الحنين

إتركتلك ذكريات .. على جدار الأنين

عفت كلـّي وراك وجبت وجهي الحزين ......

الروح

16-05-2012, 12:05 AM

انه احلامي غفت فوك المحطات
وقطار الشوك داس بطن حلمي ..!

نزار الفرج

16-05-2012, 12:08 AM

بسم الله الرحمن الرحيم
ياروحي ياروحي... تعبت انه روحي
كلي اجروح وآنه .. امشي عله اجروحي

ابو ياسر الكعبي

16-05-2012, 12:09 AM

عندك عِلم ..؟

مرات أشوفك قلعه إلي

وبيك أختصر كومة زِلِم ..‘

نزار الفرج

16-05-2012, 12:11 AM

بسم الله الرحمن الرحيم
حياك الله وبياك يا ام جعفر..

ابو ياسر الكعبي

16-05-2012, 12:13 AM

بسم الله الرحمن الرحيم

نعم
اكوناس تضحك عل البجي... واكوناس تبجي عل الضحك!!

نعم أبا محسد

فربما تُبكي الجذلانَ اُغنيةٌ .. وربما يُضحكُ الثكلى أسىً وخُمُ

وسأكون والوجع بإنتظار الوجع

الروح

16-05-2012, 12:26 AM

عندك علم مرات ابجي وابتسم
عندك علم كلبي مثل طير بسمه
لاهو يحط ولاهو يرد لموطنة
ولاهو يموت وينعدم .. عندك علم

ابو ياسر الكعبي

16-05-2012, 12:26 AM

أنة جروحي سمة وتمطر سجاجين
ودرع كلبي بعد مابيه لزمه ..!

الله الله

رائع

أنه جروحي قصايد تزحف ازحوف

اوّجع گلبی سمه ویمطر علیها ..

الروح

16-05-2012, 12:27 AM

بس مو اروع من الي تكتبونه منكم نتعلم :)

الروح

16-05-2012, 12:28 AM

ردت ابجي عليهم غافلت عيني
لكيت العين يمهم تنكت عيون ..!

ابو ياسر الكعبي

16-05-2012, 12:33 AM

عندك عِلم

چنت آنه فرّاشة فرح ومن أطب بستان الورد

بغار النده من أبتسم .. عندك علم؟

ماتت فراشات الورد ..

وعزّلته دكان الفرح ضلّيت أبيعن بس حزن

جروحي مگابر للوجع کل جرح مدفون ابجرح

وكل لحظه بيهن أنلچم

عندك عِلم ؟

ابو ياسر الكعبي

16-05-2012, 12:39 AM

حصاد الليلة

ستة ٌ وثلاثونَ وجع ....

عافاكم ربي من الوجع

الروح

16-05-2012, 12:40 AM

بنيت بيوت من حزنك واثاري
بيوت الهم تتكاثر بلا ايدين ..!

زكي الياسري

16-05-2012, 12:59 AM

طباشير الوجــع
والدهر استــــاذ
و التلميذ شاطــر
و اني صبــــورة

هذا وجعي
.
.
.
.
.
.
.
.
.
.
.
و قد راقت لي اوجاع اخوتي و اخواتي رواد الادب النقي في منتدانا الغالي
و ابحرت بين طيات آلامها الصادقة
و لا اخفيكم سراً انني قلت في نفسي
ان كانت اوجاعكم كلها بهذا الجمال
فزادكم الله وجعاً :) :)

زكي

ابوتكتم الخير

16-05-2012, 06:02 PM

ردت أكتب فرح طاحن حروفي أحزان
لأن حتى الورق من أحزاني نتألم

ابو ياسر الكعبي

16-05-2012, 06:11 PM

طباشير الوجــع

والدهر استــــاذ
و التلميذ شاطــر
و اني صبــــورة

هذا وجعي
.
.
.
.
.
.
.
.
.
.
.
و قد راقت لي اوجاع اخوتي و اخواتي رواد الادب النقي في منتدانا الغالي
و ابحرت بين طيات آلامها الصادقة
و لا اخفيكم سراً انني قلت في نفسي
ان كانت اوجاعكم كلها بهذا الجمال
فزادكم الله وجعاً :) :)

زكي

الياسري زكي

وزادك معنا وجعاً على وجع هههههه

نوّرت المساحة ايها العزيز

بانتظار وجعك الذي سيزيده الله

محبتي وشوقي

ابو ياسر الكعبي

16-05-2012, 06:15 PM

ردت أكتب فرح طاحن حروفي أحزان
لأن حتى الورق من أحزاني نتألم

العزيز أبا تكتم

مرحباً بوجعك ايها المبدع

لك في القلب اُمنية بالسعادة

سأكون والـوجع بإنتظار الـوجع

نزار الفرج

16-05-2012, 09:40 PM

بسم الله الرحمن الرحيم
تعبت واني العراق جرح يلجم جرح.... انتو ناموا وآنه اسهر للصبح....

ابو ظاهر البركي !

16-05-2012, 10:05 PM

انا الشلال اخيط بروحي الجروح
وعفت جروحي حتى انت ترضه
لجن مودوم روحي بجرحك تصير
اخاف اعتازهه سجلهه قرضه

هذه بداية قصيده ولدت قبل ساعات
تقبلها مني سيدي الكعبي

كلما بعدت عن وجع القوافي
يجرني اليها الحزن

تلميذكم

ابو ظاهر البركي

ابو ظاهر البركي !

16-05-2012, 10:56 PM

ولأن غيرك حجيهم يحفر جروح
وبمحمل حسن دوم انه افرضه
انا السكتت جروحي ذهب معروف
اخافن يحجن وينكلب فضه

اين انت ابا ياسر

خوفي هربمتم من مطر اوجاعي؟؟؟؟

فغيومي مثقلت بها

ابو ظاهر البركي

ابو ظاهر البركي !

17-05-2012, 12:11 AM

الذين يشاهدون محتوى الموضوع الآن : 3 ( الأعضاء 2 والزوار 1) ‏ابو ظاهر البركي ! (http://www.imshiaa.com/vb/member.php?u=40147), ‏ابو ياسر الكعبي (http://www.imshiaa.com/vb/member.php?u=59077)

سفينة البحار

17-05-2012, 12:37 PM

سفينة البحار

17-05-2012, 12:40 PM

الحزن وياي يمشي ويكعد وياي ...
وصباح الحزن يوميه يكلي
حتى الدمع وشل من العيون
اذا وشل دمعهه بعيني شلي

لكم ودي وتقديري

سفينة البحار

17-05-2012, 12:46 PM

افتحوا مظلاتكم فلقد بدأت سماء احزاني
مطرها

انه والآه شركه ودومي ربحان
شفت رابح يفض يوم الشراكه

ابو ياسر الكعبي

17-05-2012, 05:44 PM

انا الشلال اخيط بروحي الجروح

وعفت جروحي حتى انت ترضه

لجن مودوم روحي بجرحك تصير

اخاف اعتازهه سجلهه قرضه

هذه بداية قصيده ولدت قبل ساعات

تقبلها مني سيدي الكعبي

كلما بعدت عن وجع القوافي

بداعيجرني اليها الحزن

تلميذكم

ابو ظاهر البركي

البركي أبا ظاهر

كلك ذوق وابداع

والصفحات صفحاتك

وسأكون والوجع بإنتظار الـوجع

ابو ياسر الكعبي

17-05-2012, 05:49 PM

ولأن غيرك حجيهم يحفر جروح

وبمحمل حسن دوم انه افرضه

انا السكتت جروحي ذهب معروف

اخافن يحجن وينكلب فضه

اين انت ابا ياسر

خوفي هربمتم من مطر اوجاعي؟؟؟؟

فغيومي مثقلت بها

ابو ظاهر البركي

هههههههه

الحبيب أبا ظاهر
وهل لي ان أهرب من الوجع وقد نحت كيانه بخاصرتي !!

ربما تراني متواجد لكني غير موجود لأني لم اسجل خروجي ؟

بانتظار مطر أوجاعك ايها العزيز

ابو ياسر الكعبي

17-05-2012, 05:56 PM

عندك علم ....

عندي حلم ...
أن كلبي ساعة ويه الفرح يصبح سلم
عندك علم ...

الله على هذه الاوجاع الجميلة التي تبحر بنا في عالم ابداعاتكم احبتي
ارجوا أن يكون لوجعي مكان بين اوجاعكم ايها الكبار
تحيــــــــــــــــــــــــــــــــاتي

عندك علم؟
چان أحلامي اويه الوجع
وبالروح ماضل كل حلم ..!

سفينة البحار
وكيف لايكون لوجع مكان

لك كل الأماكن

وما أنا إلاّ نادل لكؤوس أهل الوجع

وسأكون والوجع بإنتظار الـوجع

ابو ياسر الكعبي

17-05-2012, 06:02 PM

أفر امن الفجر من جيش الأوجاع

ويتلگّاني مُغضِب سيف الغروب ..!

ابو ياسر الكعبي

17-05-2012, 06:28 PM

أكل مني الوجع صفحات الضلوع

ومثل نحت الحجر روحي نحتها ..

سفينة البحار

17-05-2012, 07:34 PM

انه كلي حزن من جدمي للراس
من افوت الناس تنده يابو الاحزان

نزار الفرج

17-05-2012, 07:41 PM

بسم الله الرحمن الرحيم
انا المجروح والجارح حبيبي.. وانه الوجعان مرضني طبيبي
ابو محسد

زكي الياسري

17-05-2012, 08:15 PM

ما شاء الله .. تبارك المولى

جرح اجمل من جرح

انادي بليل غُربه و ما مش اليسمـــع ... وحيــد و وحشة آهي اتهيّــج المدمـع
و اكت دمعاتي نار و بالجبــــد تلفــع .... و اصيـح وبس صدايَ ابلا أمل يرجع
و يواسيني القلم ينقذني من مَصـــرع ... و اهيم أويــه القصيده و اكتب المطلع

جرح اجمل من جرح يا ضيمي زيد
و كل دقيقه الذكريــــــات اعليه عيد

تحياتي للاعزاء فرداً فردا

الروح

17-05-2012, 08:35 PM

ردت اكتب على السبورة بس دار
ومن دار الوكت هجروها الأحباب..!

تحياتي للكعبي ولضيوفه المبدعين:)

ابو ياسر الكعبي

17-05-2012, 09:51 PM

ردت اكتب على السبورة بس دار

ومن دار الوكت هجروها الأحباب..!

تحياتي للكعبي ولضيوفه المبدعين:)

على زينب قصايد لاتكتبون .. حدكم ويه زينب بيت ..بيتين

إذا كثـّرتوا خاف تصير ديوان .. وزينب وينها اوّين الدواوين .!!

مما راق لي

وتحیاتنا عابقةٌ بالود على الروح :)

نزار الفرج

17-05-2012, 10:45 PM

بسم الله الرحمن الرحيم
اسال عليهم انه .. ومحد سأل عنّي
مو همه اصل السبب.. اصل السبب منّي

ابو ياسر الكعبي

17-05-2012, 10:54 PM

حيا الله أخي الفرج

اليوم امنوّر القسم

ابو ياسر الكعبي

17-05-2012, 10:56 PM

إشتِدگ بالباب بسّك لاتدگ بالبوب

عطشانه الجماجم والوجع حالوب ..!!

سفينة البحار

18-05-2012, 09:39 AM

ابو ياسر الكعبي

18-05-2012, 12:25 PM

اشتدك بالباب بسك لا تدك بيهه

مثل روحي تراه الحزن عاليهه

..........................

انه طبعي كريم ويه اليزورون
ولذلك يبقه لو مرني الجرح
ياكل بروحي وملح فوكاهه ادير
حتى يصبح بينه زاد وملح

تحيـــــــــــــــــــــــــــاتي

نـَعَـم .. گصّيت چفـّي التدگ بالبيبان

وعلـّگـْت النزيف إبجبهة الحيطان !!

"

وآنه طبعي اويه الكرم حد النزيف

إمعزّب وللضيف أگص راس الجرح

ياكل إبروحي ..! وأگلّه اشبع .. يگول

الطعم ماصخ !وآنه دمعي إعليه يِسِح

هُوّه يضحك .. وآنه أضم عنّه العذاب !

ومن وجع گلبي أدرينله ملح .....

سفينة البحار

لجمال وجعك مطر لايشبه المطر..

يشدّني النبض إليه

ابو ياسر الكعبي

18-05-2012, 04:50 PM

الحزن لو لِگط متغسله المسرّات

وحِزن گلبي لِگط ونطبُع عالثوب ..!!

ومازلتُ والوجع بإنتظار الـوجع

ابو ياسر الكعبي

18-05-2012, 04:56 PM

رُبَت ويّاي من زغري العذابات

وغطـّتني بحزنها ادموع يعگوب
الماعنده أهل وبحَسْرته يبات

تضل إمْـعلـّگه عينه عله البوب ..!!

ابو ياسر الكعبي

18-05-2012, 05:00 PM

ياغريب ....

إشْحصَّل السيّاب گبلك من غُرْبته

وشكثر جر عيسى بالمنفى الصليب ..!!

ابو ياسر الكعبي

18-05-2012, 05:04 PM

طحت ما خانِتك رجليك ...

بس الگاع هشَّه وثـُگل صبرك زلزلاها وداس ..

الروح

18-05-2012, 05:29 PM

طحت لا ماطحت هاي الأرض تندار
تريد بكل تواضع تنحني لراسك ..!

نزار الفرج

18-05-2012, 07:30 PM

بسم الله الرحمن الرحيم
ونيّت ونّه فوكَ ونّه...او جرحي طبيبي جزع منّه
ابو محسد النجفي

ابو ياسر الكعبي

18-05-2012, 10:16 PM

حياك الله ابو محسد

گبل چانت الدمعه بعيتي بت بيت

أضن حتى الجفن مايدري بيها

وهسه إعليك ضلّت كاضّه الباب

الرايح واليجي يباوع عليها

مما راق لي

نزار الفرج

18-05-2012, 11:21 PM

بسم الله الرحمن الرحيم
كَت يادمع فوكَ الوجن= جسمي اشتعل طفيني
وان ما بجيتي دم حمر= ريت العمه ياعيني

زكي الياسري

19-05-2012, 12:02 AM

ابو ظاهر البركي !

19-05-2012, 02:00 PM

بـِچـيت الدمعه فوكَـ خدودي تيزاب
وعندي الونة صـــارت خبره بيهه

وصرت لو يوم ما زارتني لحزان
اروح السوكَـ هَجرك* و اشتــريهه

و للوجع بقية

* سوق هجرك
يقع في شارع تعبان مقابل اسواق المهموم التجارية :)

الله يامولاي

كنت ابحث عن دكاكين السعاده
بلجن اشريلي فرح
لا, ولو حته ابتسامه

خذني وكتي وذبني يم سوك البواجي
هنااااااك
جابولي فرح بس جان باجي

وفي السوق مراحل اخرى من الوجع

ابو ياسر الكعبي

19-05-2012, 06:42 PM

بـِچـيت الدمعه فوكَـ خدودي تيزاب

وعندي الونة صـــارت خبره بيهه

وصرت لو يوم ما زارتني لحزان
اروح السوكَـ هَجرك* و اشتــريهه

و للوجع بقية

* سوق هجرك
يقع في شارع تعبان مقابل اسواق المهموم التجارية :)

أروح السوك هجرك واشتري السوک

وأحمّل للمواجع والحزن نوگ >>

الیاسری

کان وجعك رائعا

وسأكون والوجع لانتظار الوجع

ابو ياسر الكعبي

19-05-2012, 11:07 PM

سِمَعْت إبْإذني بس ما أصدگ إذني

وأشوف بعيني , وأنكرهن اعيوني

وأتحسس وجع گلبي امن الجروح

وأگولن ما جفوا عنّي .. وجِفوني ..!

ابو ياسر الكعبي

19-05-2012, 11:13 PM

لي شريكٌ في الوجع

سأحاول أن أُعلَّق بعض وجعه

على جبين حائط الوجع

"
الذين يشاهدون محتوى الموضوع الآن : 4 ( الأعضاء 2 والزوار 2)

بو ياسر الكعبي, ‏سفينة البحار (http://www.imshiaa.com/vb/member.php?u=70841)

ابو ياسر الكعبي

19-05-2012, 11:53 PM

يقولُ شريكي بالوجع ..

أنه بروحي ترج سچّينة الضيم
ومن أنزف يواسيني ونينك
وإذا زادت تِحز منّي الشرايين
أشوف دموع عيني بوسط عينك
مادري الوجع بيمن يدگ حيل ؟!
يدگ بگلبي لو دگ ابونينك
وأحس إشْتبهت بعيني المسافات
وأرد اردود أحسبهن سنينك ..!

ابو ياسر الكعبي

19-05-2012, 11:59 PM

جاريتُ شريك وجعي

أنه بجرحي تغص كل السچاچين
أبْكثر ما جرحي گام يلوچ بيهن
وشراييني إگْطَعَت منّي الشرايين
لأن دمعك وجع يمطر عليهن
ونينك يطبع بگلبي النياشين
أصدّن, وابتعد , عنهن واجيهن
بچن من گد بچاهن طاحت العين
إلي ؟ لو إلك ؟ ما ادري إبّچيهن ؟

ومازلتُ بإنتظار وجعٍ قادم

سفينة البحار

20-05-2012, 12:39 AM

علكت على حايط حزني الآلام
ردت امشي لكيت معلك آني

زكي الياسري

20-05-2012, 01:27 AM

الله الله الله

يفراكَـ بسّـك تـــــره .. كَـلبي ضعيف هواي
و الي يحب له بشـر .. يصبح هوا و الماي
وآنه يصاحب تــــــــره لِـثنين صار اهواي
واحد هَوايه صبـــــح و الثانــي صار الماي
.
.
.
يفراكَـ بسك بعد لو انتَ جتالي
نارين في مهجتي تحركَـ ابـدلّالي
من غيرهم ثق تره حال الحزن حالي
غالي بأرض كربله و بَرض النجف غالي

سفينة البحار

20-05-2012, 03:21 PM

ردت ارحل غفله عن كل الجروح ... وقررت بالليل بلكي الجرح غافي
ومن فتحت الباب شفت الجرح واكف ... من الم جرحه سهر يكتب قوافي

تحيــــــــــــــــــــــــــــــــــاتي

ابو ياسر الكعبي

20-05-2012, 05:26 PM

سفينة البحار

زكي الياسري

مرحبا بكم

وما أجمل فلسفة أوجاعكم

تحياتي

ابو ياسر الكعبي

20-05-2012, 05:39 PM

إعله فلسفة الوجع علّگت الجروح
وگلت أهجر كياني من كياني

إدفَنِت نوحي وشلت تابوت الأحزان

أثاري البالنعش متمدّد آني ..!

زكي الياسري

20-05-2012, 07:56 PM

حزني ثق من حزن كـــــــــل الناس احله
يمكن بكل القصص
ما صـــــــــار مثله
لكن شويونه يشبه حزن عنتر
على عبله

:)

ابو ياسر الكعبي

20-05-2012, 10:17 PM

من زغري وأنه تاجر بالأحزان
ودكاكين المواجع مشتريها
بكاروكي وعليّه اتلولي الآلام
تغطـّيني بدمع اُمّي وبجيها !!

ابو ياسر الكعبي

20-05-2012, 10:28 PM

حسدتك ياوجع چي تسهر الليل

وتسامرهم وتسمع كل بچيهم

تبات اويه الجرح بأمواج الدموع

وتِگلّب كل مواجعهم عليهم !

زكي الياسري

20-05-2012, 11:06 PM

اْنه وضيم الحِزن چَن فندق وضيف
لكَه ابحي الأسِكنــــــــــــه عَقد دائم

زكي الياسري

20-05-2012, 11:28 PM

كِشَفت اسرار حزني اكَبال الاغراب
بـِـچـِوا چني چــِنـت منهم و بيهــم
و من كثر الدموع السالت انسيـــت
وصرت انشد علـى السبّــب بچـيهم

ابو ياسر الكعبي

21-05-2012, 11:18 PM

يقول شريك الوجَع ....

أنه جروحي سمه وتتماطر جروح

وأشد منهن جرح منك لفاني

هِجَرت الشوک مثل طيور بستان

هجر بستانه وبهجران اجاني

أحِن حَن الفصيل الذيچ الايام

وأموتن واحترِگ اكثر عساني ..!!

ابو ياسر الكعبي

21-05-2012, 11:24 PM

نعم ياشريك الوجع

أحِن حَنّة حمام الدوح للنوح

ومن يحچي الدمع يسكت لِساني

تماطرني حزن وامطرلك جروح

وأنوح بكل كياني البيه كياني

إذا عالحَرِگ گبلك أحرِگ الروح

وإذا عالموت من گبلك عساني ..!!

سفينة البحار

22-05-2012, 09:36 AM

ردت ارسم هلال الجرح رسميت ... وردت ارسم نجوم ارسمت سجينه
وردت ارسم ضحكتي ما ندليت ..... خذتني ايدي غفل رسمت بواجينه

تحيـــــــــــــــــــــــــــــــــــاتي

ابو ياسر الكعبي

23-05-2012, 12:31 AM

ردت ارسم هلال الجرح رسميت ... وردت ارسم نجوم ارسمت سجينه

وردت ارسم ضحكتي ما ندليت ..... خذتني ايدي غفل رسمت بواجينه

تحيـــــــــــــــــــــــــــــــــــاتي

الله الله

يالروعة هذا النزف

ودّي

ابو ياسر الكعبي

23-05-2012, 12:51 AM

دفهّمني الجرح ؟ ما أفتهم معناه !

لأن كلّي جرح من جدمي للراس

جرح يمشي اعله طوله ودمّه مشخوب

اشيجاوب لَوَن عنك سألته الناس ..!!

سفينة البحار

24-05-2012, 10:26 AM

على طولي الجرح يتمدد اوياي ... وبليل الشته جرحي يغطيني
عيني عليه تشوفه شبيه مابيه ... وعليهه ازعل لون ما قصرت عيني

تحيــــــــــــــــــــــــــــــــــــــــــــاتي

زكي الياسري

26-05-2012, 01:09 AM

الروح

26-05-2012, 01:23 AM

لچمني الگلب وجيت اتناشد الناس
هم شفتوا گلب ضيع وتينه ..!؟

زكي الياسري

26-05-2012, 03:47 AM

ردِت اعقد صُلح وَي طيــــــف الافراح
بلچن يمحي حزنـــي وبسمــــــة تبقه
واكتبت الكليشة ابحبــــر الآمــــــــــال
واغتالوا الطيف و فشلِـــــــت الصفقه
وردت اكتب احزاني بورقـــــة الليـــــل
بعدني إبـ آه و انتــــــرســــــت الورقه
و ردِت ارسم جرح من ماضي لجـروح
لكَيت اللوحة كَلبي وجــــــــرحي طلقه

ردت انحَت كيانــــي بواقع الحـــــــــال
لچَن ازميلي عانـَـــــــــــــد نِحَت دمعه
و طاوعته وكَلتله انحـــــــــــــت الآلآم
وي صبر الـ صُبرته .. نِحَــــــــت قلعه

ابو ياسر الكعبي

26-05-2012, 06:06 PM

وينك .. يطيف الفرح ؟؟ للــــدوم ناسيني

مهموم محّد مسح دمعـــــــــــــات البعيني
وينك يطيف الفرح .. دلحكَلـــــــي داويني
كل ساعه اكَل للأجـــــل .. لحظات تانيني
مل الصبُر
جاهز كَبُر
شلّي ابعمُر
من غير خلّي الرحَـل چا شلّي بسنيني ؟؟

الحزن عندي فرح والفرح عندي موت
أوجاعي مثل الدمع تنزف حزن بسكوت
ولوسكن لحظه النزف يذبح ابشفتي الصوت !

وسأكون والوجع بانتظار الوجع .

ابو ياسر الكعبي

26-05-2012, 06:40 PM

ردِت اعقد صُلح وَي طيــــــف الافراح

بلچن يمحي حزنـــي وبسمــــــة تبقه
واكتبت الكليشة ابحبــــر الآمــــــــــال
واغتالوا الطيف و فشلِـــــــت الصفقه
وردت اكتب احزاني بورقـــــة الليـــــل
بعدني إبـ آه و انتــــــرســــــت الورقه
و ردِت ارسم جرح من ماضي لجـروح
لكَيت اللوحة كَلبي وجــــــــرحي طلقه

ردت انحَت كيانــــي بواقع الحـــــــــال
لچَن ازميلي عانـَـــــــــــــد نِحَت دمعه
و طاوعته وكَلتله انحـــــــــــــت الآلآم
وي صبر الـ صُبرته .. نِحَــــــــت قلعه

عقدت الصلح گبلك وي الاحزان
وگلت يبقى النزف وجروحي تبقه
أثاريني اطلعت ياصاح وهمان
إربحت صفقه وخسرت اوياه صفقه
إربحت كل الوجع واخسرته شريان
انگطع لاكن ترك بضلوعي طلقه !

سفينة البحار

27-05-2012, 12:56 PM

الحزن عندي فرح والفرح عندي موت
أوجاعي مثل الدمع تنزف حزن بسكوت
ولوسكن لحظه النزف يذبح ابشفتي الصوت !

الله على هذه الاوجاع .......

بالحزن صوتي عله وسمعتني كل الناس
ودمعاتي يا هالخلك كاس وتدير بكاس
ولمن يمرني الفرح اخرس صفه الاحساس
اضحك ولاكن جذب والمتن شال الراس
وجروحي غمك الالم لو للالم مقياس

تحيـــــــــــــــــــــــــــاتي

رياض الرسل

27-05-2012, 03:46 PM

مد ليل السهـر وأغـرگ أبحر الاه
وشگ جنح الظلام وطلع الگـمره
وعايـن عالسمه وتخيـل المعـراج
والكعـبـه الشريفه وقبة الصخـره

زكي الياسري

27-05-2012, 05:31 PM

ما شاء الله تبارك الله
اوجاع احلى من الشهد و اعذب من الزلال

يَصاحب شوف جـالت خيل الجروح
على صدر المشاعر بالحـــــــــــوافر
دهر ذبني بمتاهه وشامت ايبـــــوح
بلا چلمات بس تحچـــــــــي النواظر
بطرف عينه يـِعاين نحري مذبـــوح
و يغض طرف الصلافه وآنـه صابـر
صُبح يا صاح نهج الدنيـة مفضـوح
صديق اليوم يصبـح عـــــــــدو باچر

تحية الى كل الاحبة المبدعين

زكي

ابو ياسر الكعبي

27-05-2012, 11:08 PM

مد ليل السهـر وأغـرگ أبحر الاه

وشگ جنح الظلام وطلع الگـمره
وعايـن عالسمه وتخيـل المعـراج
والكعـبـه الشريفه وقبة الصخـره

الله الله یاریاض

نوّرت كل المساحه

وشكرا على تثبيت الموضوع

ابو ياسر الكعبي

27-05-2012, 11:16 PM

أرد أشيل جروح گلبي

لافته ابلايا شعار
وارد ألم أوجاع باچر

أدري بيهن ...

كبرن وصارن محطّة إنتظار .!!

ابو ياسر الكعبي

27-05-2012, 11:26 PM

آنه وي باجر صلح .. بس ياصلح
إيذرّي كل لحظه على جروحي ملح
أمّنت بيه ونسيت الأمس كلّه

وأدري باجر.... كلّه باجر

تحت خاصرتي رمح ..!!

ابو ياسر الكعبي

27-05-2012, 11:33 PM

يامحطات الحزن كلجن تعالن

حتّى ترضه جروح روحي

من اموتن وأنزف اوجاعي الّي بالغربه استحالن ..!

ابو ياسر الكعبي

27-05-2012, 11:39 PM

ياقطار الوجع لاتِبعد ....تعال

الفرح من اسنين عزّل امنياته

سد دكاكين المودّه وعني شال .!!

الروح

28-05-2012, 12:04 AM

يا محطات الرحيل بهيده هيده
انا بس جروح تنحب
والكلب عجل وشال وشد وريده

زكي الياسري

28-05-2012, 05:39 AM

ما شاء الله .. تبارك الله
اوجاعكم تأخذ بتلابيب الفؤاد
الى حيث الهَيام بمدادكم الدامع
................................
...........................
......................
..................
...............
.........
......
....
...
..
.

ذكريات هواي من بيـــــــــه تِمر
تچوي كَلبي چنهه من نار وجمر
ثنين راحوا كَبل ميعـاد الرحيـــل
هاجِرَوا من دون إنذار ابهجـــــر
چان واحد منهـم الروحي طبيب
وچان ثانيهـــــــــم أمل كل العمر
ذكريات هواي لـو صــارن عبير
چان صار ابعطر نسمـــات الفجر
و العجيبــة أحلـه ما بيهن سعيـر
بي مُهُجْتـي و كل كيـاني يستعــر
آنه سامع عن طبــع غدر الزمان
جنت علأيـــــــام مِـــن عنده حذر
لچن ما ظنيته يرمينــي ابْسِهــام
و يدفن الروح وأمـل عمري بكَبر

تحياتي لكم
و لأوجاعكم على حائط الوصل الق

سفينة البحار

28-05-2012, 11:33 AM

انه البيه علامه كثرت اجروح
من تصد علي بس جرح تلكاني
وانه الما افك حلكي وانطق الآه
لان من افك حلكي يفيض شرياني

تحيــــــــــــــــــــــــــــــــــاتي

زكي الياسري

29-05-2012, 11:12 PM

دمع عين الزمان اشكَد جره و سال
على اليسوه و ميسوه و لسه بعده
لجن ماكو دمع يشبه بالاوصـــــاف
دمع الشيعي من يجري اعلــه خده

دمع الشيعي نور ابواقع الحـــــــال
بي يوصل ضمير الباچي مجـــــده
اذا سال أعله خـــد اليعشكَـ حسين
على الصوبين يرســم طيف ورده

هنيئاً لكم حُب الحسين ع

سفينة البحار

30-05-2012, 09:42 AM

الدمع لحسين مايوكع على الكاع
بالجنة الدمع ورد ورياحين
ومن نكول آه بكلب مجمور
عن النار تتحول حياطين
لذلك من يمر حسين بالبال
لمصابه اصيحن آه يحسين

تحيـــــــــــــــــــــــــــــاتي

زكي الياسري

30-05-2012, 04:16 PM

محظوظ الإمامي ابواقع الحال
لأن عنده الذي يهـَـوِّن مصابه
إذا فد يوم كَربت منه الاحـزان
يذكر كربله و ينســـــــه عذابه
ثابت بالتجارب تنمحــــــي الآه
إذا باب الحوايـــــــج تـدكَـ بابه
ويشيب الجَرح بالعجل ويموت
ولو جان الجَرح في عز شبابه
اذا كَدام آهك تِحُــــط آيحسيـــن
تذوب بنار ضيمك كل كــــــآبـه

اعتزازي

ابو ياسر الكعبي

30-05-2012, 10:59 PM

الله الله عليك يا سيد زكي
لك التفاتة مذهلة

تحياتي ومحبّتي

ابو ياسر الكعبي

30-05-2012, 11:57 PM

ماينكر عشِرته الوجع وي الأه
بس الأه عن الوجع مشغوله
!!

ابو ياسر الكعبي

31-05-2012, 12:42 AM

أوجاعك زكي ما تشبه الأوجاع

نبتتها ابضمير الحزن مغروسه

إلها اشموس تتماطر دمع وهموم

وآه .. امن الوجع من تمطر اشموسه ..!

الروح

31-05-2012, 10:54 PM

أوجاعي غدت قمصان وهدوم
وانا العريان من ضيم المحطات
اسافر وارجع لدربونة اهلي
وألآكي امي تخيط جروح بالذات
وذاتي تشككت من طعن الأصحاب
ولامنهم صديق الشكف طعنات
انا جروحي زمن ماله تعابير
وانا الي من القهر اسكي العذابات
خلص ياربي ياريتك تردني
وعلى تراب النجف نكضي المسافات

سفينة البحار

01-06-2012, 01:17 AM

انه جروحي سفر بس سفرة احباب
لان مابينهن اكبر علاقـــــــــــــــــه
جمعهن جف غدر ما بين الضلوع
وعلى الاغمك بدت رحلت سباقه
يضحكن من طبعهن موش تكليف
ويملكن لو حجن حس ولياقـــــه
يعرفن حالهن بس دون جلمات
مثلهن ياهو يتملك لباقــــــــــــه
دورت اشكثر عن بشر وفاي
اشو ياهو التلزمه يفح نفاقـــــه
بس جرحي وفالي وبيه ماخان
وعقدت ويه الجرح اجمل صداقه

زكي الياسري

01-06-2012, 02:27 AM

الاحبة المبدعين
اوجاعكم كنمير عذب
يروي ضمأ الروح .. في رمضاء الالم
تحية لكم و للعزيز صاحب المبادرة المبدع ابو ياسر الكعبي

إذا بالذكريات اتسافــــــــــر الروح
تصير العين مـــــــن الشوكَـ شمعة
تذوب بكل نـَـفـَــس وي شوغة الآه
و تنزل علوجــــن دمعة اعله دمعة

الروح

01-06-2012, 02:46 AM

عذاباتُ هذه الحروف تُلجم حرفي
سفينة النجاة و الياسري

أبدعتما
أنحني لهذا الألم

زكي الياسري

01-06-2012, 03:09 AM

بالعكس يا مُبدعة
بين طيات حروفكم نقرأ الالم الصادِق
و الشوق لها دائم

زكي الياسري

01-06-2012, 03:53 AM

أوجاعك زكي ما تشبه الأوجاع

نبتتها ابضمير الحزن مغروسه

إلها اشموس تتماطر دمع وهموم

وآه .. امن الوجع من تمطر اشموسه ..!

واوجاعك كَمر و الكَمر كوكـــــــب نور
عليه اوجاع شمس اجروحي معكوسه
بل جرحك ثغر يعشكَـ اشفـــــــــاف الآه
لذلك كل دقيقــــــــــــة اتدنــِّـكَـ اتبـوسه

تحية بقدرالابداع لكم يا فرسان القوافي

آمال يوسف

01-06-2012, 07:21 AM

اللهم صل على محمد وآل محمد
السلام عليكم ورحمة الله وبركاته
أخي العزيز .. ابو ياسر الكعبي (http://www.dogomr.info/vb/member.php?u=59077)

مبدع بحق بصراحه هوايه عجبني موضوعك كل مادخلت
ع المنتدى لازم أدخل مكان أبداعك..

لـــ أعيش أوجاعكم ؟؟

أخواني الأعزاء -

كريم السعبري (http://www.dogomr.info/vb/member.php?u=70779) - ارسطو طاليس (http://www.dogomr.info/vb/member.php?u=35408) - نزار الفرج (http://www.dogomr.info/vb/member.php?u=47882) - زكي الياسري

أبوتكتم الخير - أبوظاهر البركي - سفينة البحار
رياض رسل -

أختي الغاليه - الروح (http://www.dogomr.info/vb/member.php?u=33752)

الله الله

ماشــــــاءالله أبداااااع كل وجع يحمل وجع أكثر

راح أتابع أوجاعكم والقلب يدعولكم

أعتذر .. ؟
إذا كان وجودي غلط؟

أختكم آمــــــال

ابو ظاهر البركي !

01-06-2012, 11:24 AM

اللهم صل على محمد وآل محمد
السلام عليكم ورحمة الله وبركاته
أخي العزيز .. ابو ياسر الكعبي (http://www.dogomr.info/vb/member.php?u=59077)

مبدع بحق بصراحه هوايه عجبني موضوعك كل مادخلت
ع المنتدى لازم أدخل مكان أبداعك..

لـــ أعيش أوجاعكم ؟؟

أخواني الأعزاء -

كريم السعبري (http://www.dogomr.info/vb/member.php?u=70779) - ارسطو طاليس (http://www.dogomr.info/vb/member.php?u=35408) - نزار الفرج (http://www.dogomr.info/vb/member.php?u=47882) - زكي الياسري

أبوتكتم الخير - أبوظاهر البركي - سفينة البحار

رياض رسل -

أختي الغاليه - الروح (http://www.dogomr.info/vb/member.php?u=33752)

الله الله

ماشــــــاءالله أبداااااع كل وجع يحمل وجع أكثر

راح أتابع أوجاعكم والقلب يدعولكم

أعتذر .. ؟
إذا كان وجودي غلط؟

أختكم آمــــــال

الشاعر ماصبح شاعر اذا ما
لكه اذانن تقدر مايذكره
والكاتب ماصبح كاتب اذا ما
لكه يم اليكتبه عيون تقره

الغاليه امال
هلا بيج عمو وياريت الكل تجيبيهم وياج ويجون هنا
في حديقة الوجع المعلق على حائط الكعبي

دخولج بركه ايتها الطيبه

ابو ظاهر البركي

ابو ياسر الكعبي

01-06-2012, 11:28 AM

اللهم صل على محمد وآل محمد

السلام عليكم ورحمة الله وبركاته
أخي العزيز .. ابو ياسر الكعبي (http://www.dogomr.info/vb/member.php?u=59077)

مبدع بحق بصراحه هوايه عجبني موضوعك كل مادخلت
ع المنتدى لازم أدخل مكان أبداعك..

لـــ أعيش أوجاعكم ؟؟

أخواني الأعزاء -

كريم السعبري (http://www.dogomr.info/vb/member.php?u=70779) - ارسطو طاليس (http://www.dogomr.info/vb/member.php?u=35408) - نزار الفرج (http://www.dogomr.info/vb/member.php?u=47882) - زكي الياسري

أبوتكتم الخير - أبوظاهر البركي - سفينة البحار
رياض رسل -

أختي الغاليه - الروح (http://www.dogomr.info/vb/member.php?u=33752)

الله الله

ماشــــــاءالله أبداااااع كل وجع يحمل وجع أكثر

راح أتابع أوجاعكم والقلب يدعولكم

أعتذر .. ؟
إذا كان وجودي غلط؟

أختكم آمــــــال

الفاضلة المبجّلة

أمال

من دواعي سرورنا ان تكتحل اجفان عيون الوجع ببريق عينيك

فليس منّا ومنكم ركن خال من الوجع

الصفحات صفحاتكم فكونوا هنا أنّى شئتم ومتى أردتم

متباركين بوليد الكعبة

ابو ياسر الكعبي

01-06-2012, 12:04 PM

أنه المطعون إجيتك والسچاچين

كلن حلگ الجرح وتراودنّي

إسْأَلـِتْني إعله الطعنّي ,وشفت بالعين

الطعنّي انت وأگولن ماطعنّي ...!!

ابو ظاهر البركي !

01-06-2012, 12:06 PM

الذين يشاهدون محتوى الموضوع الآن : 4 ( الأعضاء 3 والزوار 1)
‏ابو ظاهر البركي ! (http://www.imshiaa.com/vb/member.php?u=40147), ‏الروح (http://www.imshiaa.com/vb/member.php?u=33752), ‏ابو ياسر الكعبي (http://www.imshiaa.com/vb/member.php?u=59077)

تتزاجم قوافي الوجع مرات
تولد نار تحرك من كربها

تتشلهب الدنيا بنار الاوجاع
وتوج بركان لو ماتنخه ربها

ابو ياسر الكعبي

01-06-2012, 12:12 PM

إجروحي ألواح بس محد قراهن

نعم .. يمكن قروا ظاهر وجعهن

بس باطنهن أسرار ومحيطات

سكته ينوحن ومحّد سمعهن ..!!

ابو ظاهر البركي !

01-06-2012, 12:23 PM

إجروحي ألواح بس محد قراهن

نعم .. يمكن قروا ظاهر وجعهن

بس باطنهن أسرار ومحيطات

سكته ينوحن ومحّد سمعهن ..!!

انا جروحي اذا لجمتهن الناس
يصيرن حمر ويعلنن فرحهن
اني ادري دمعهن دم عالشفاه
لجن رادن يغيضن من ذبحهن

تلميذك البركي

ابو ظاهر البركي !

01-06-2012, 12:27 PM

ساحمل بعضا من اوجاعكم
انني ذاهب الى حضرة امير المؤمنين عليه السلام

لتكون اوجاعكم اقل

السلام على امير المؤمنين
وسيد الوصيين
وامام المتقين
وقائد الغر المحجلين
والد سبطي الرحمه
الحسن والحسين ع

فن انساكم ان شاء الله بالدعاء

سفينة البحار

01-06-2012, 02:47 PM

يم ركن الالم ادعيلنه وياك
علي وياهو حمل من الالم مثله
بس صبر الصميدة ماله مقياس
من يغتاظ كله يصبر بكله

تقبل الله اعمالكم باحسن القبول

ابو ياسر الكعبي

01-06-2012, 03:00 PM

من تحمل وجعنه الكعبة الأوجاع

اخذ اگلوبنه ياصاحبي اوياها

وگلـّه ياعلي جتلك عليله اگلوب

بس يمك يحيدر ضامنه ادواها ؟

البركي تقبل الله زيارتك واجزل ثوابك

ابو ظاهر البركي !

01-06-2012, 04:12 PM

من تحمل وجعنه الكعبة الأوجاع

اخذ اگلوبنه ياصاحبي اوياها

وگلـّه ياعلي جتلك عليله اگلوب

بس يمك يحيدر ضامنه ادواها ؟

البركي تقبل الله زيارتك واجزل ثوابك

هاااااااا يابو ياسر كلي وشلون؟؟؟؟
يم باب الصميده ارميت همي

وادري يهون كلشي بعتبة الباب
تمنيتك يخويه هنانه يمي

الله يتقبل اعمالكم

ويرزقنا الله واياكم شفاعة محمد وال محمد

هسا رجعت من الحضره للمكتب كبل

حتى اكللكم زرتلكم بالنيابه وصليت الكم

ابو ياسر الكعبي

02-06-2012, 07:47 PM

اليحس روحه نجم ..؟ خل يضوي مره أخلاق

حتى تشوفه كل الناس متواضع ..!

زكي الياسري

02-06-2012, 09:28 PM

سفينة البحار

05-06-2012, 12:05 PM

اله صورة قديمه الجرح بالبال .... اذكرهه اذا ما جفني غمض
ومن كد ما قديمه بقدم الايام ...... كل الوانهه .... اسود وابيض

تحيــــــــــــــــــــــــــــــــــاتي

زكي الياسري

05-06-2012, 06:39 PM

ليش اسنيييين حزني , والفرح لحظات
و هلـّحظات من ذاكـــــرتــي ممسوحـه ؟؟؟
و على باب الثغر واكَف حِراسـه الضيم
يكَلي البسمـــــه لا , والآآآآآه مسموحه ؟؟؟

تحياتي و عشق القوافي
صار ولها

*أحمد الكعبي*

05-06-2012, 07:57 PM

أبحايط ذكرياتي أمعلك أهموم
وأتهدم الحايط ماتحملهن

أبا ياسر الكعبي
جرفني سيل يراعك الهادر
وأوقفتني صياغة حرفك الندي هنا
سلمت يداك على هذا الموضوع
تقبل مروري المتواضع.

زكي الياسري

05-06-2012, 08:59 PM

ابوتكتم الخير

07-06-2012, 10:35 PM

احزان زينب سكنا لأوجاعكم
هاي أم الحزن يمطر حزنها
سلت كل المصايب ما سلنها
إسأل كربـلـه والشـام عـنهـا
متقرض الحزن أحزانه منها
يا ألله

سفينة البحار

08-06-2012, 08:58 AM

ادك باب الفرح محمد يفك الباب ..... واشوف الحزن كل بيبانه مفتوحه
عاتبت الدهر .. وديلي بسمه بيوم ..... ودالي ولكن ... بسمه مجروحه

ابو ياسر الكعبي

08-06-2012, 01:46 PM

الكواكب بالفضل جازت على النجمات
النور البيهه نكَــدر اطــــــــول انباوع
صد لهل العلـــم واسمعهـــــم ايكَولون
اليحس روحه نجــم .. يحتركَــ بالواقع

الحزن لازم يواكِـب عصر الانترنيت
لذلك اسسـت لهل الحــــــزن صفحه
كل واحد يريـد ايبث عليهــــا اهموم
يجيها هنا و يرفع صورة من جرحه

تحية للحبيب مؤسس صفحة الجراح

المبدع الكعبي

الله الله يارائع

يطبع صور جرحه الذكريات الموت
ويرسم عالنعش تابوت أوجاعه
الحزن يامر وهو ينفذ المحتوم
ويأدي فروض الدمع والطاعه ...!!

"
الياسري ودّ بحجم الاشتياق

فما زلتُ والوجع بانتظار الوجع..

فهل من وَجَع ..

ابو ياسر الكعبي

09-06-2012, 08:03 PM

اله صورة قديمه الجرح بالبال .... اذكرهه اذا ما جفني غمض
ومن كد ما قديمه بقدم الايام ...... كل الوانهه .... اسود وابيض

تحيــــــــــــــــــــــــــــــــــاتي
الله الله

إلك صوره انحتتها بصفحة الروح

غبارك والهجر خيّم عليها

فلا أمسح غبار الوجع هيهات

تضل للذكريات احتفظ بيها...!!

ابو ياسر الكعبي

09-06-2012, 08:07 PM

أبحايط ذكرياتي أمعلك أهموم
وأتهدم الحايط ماتحملهن

أبا ياسر الكعبي
جرفني سيل يراعك الهادر
وأوقفتني صياغة حرفك الندي هنا
سلمت يداك على هذا الموضوع
تقبل مروري المتواضع.

العزيز أبو الحسن

نورت الصفحات

ساترك حدقة عيني جاثمة ترقب دروبك

كن بخير اخي العزيز

اخوك

ابو ياسر الكعبي

09-06-2012, 08:14 PM

أبحايط ذكرياتي أمعلك أهموم
وأتهدم الحايط ماتحملهن

بحايط وجع روحي اتمحچل البين

طاح ... وحايطي إعله جروحي واگف

ماتعّبت روحي ولاتنخّيت

خليت الوجع عني يشاگف ..!!

سفينة البحار

10-06-2012, 11:27 AM

بحايط وجع روحي معرض جروح ..... صورة معلك لكل جرح بيه
بطران اجه يعدهن طلع تعبان .... بشر كتله واشرحلي القضيه
كلي جروح عمرك كلش هواي ... بربع منهن وصلت التسعميه

تحيـــــــــــــــــــــــــــــــــــــاتي

زكي الياسري

12-06-2012, 05:14 PM

الله الله الله
اوجاع القوافي تمطر القاً
.
.
.
.

تحيّرت يا ناس من غدر الزمــــان
الضاع كل طيف الفــــــرح بدروبه
وصرت اظن اعقود آهات العَــذاب
كلها بــِسمي امسجلــــه و مكتوبه
حزني سِبحة شيخ ميعوف الصلاة
مستحبَه او واجبـــــــه او مندوبه

تحياتي
الى جميع الاعزاء المبدعين

ابو ياسر الكعبي

12-06-2012, 10:55 PM

شاعر كـعبـي اسّس صفحة احزان

و جـِمعَـت بالدمـع أحلى المعـــاني
زين اشراح تنتج يمـــن تقـرون ؟
اذا حل بيهه شاعر كعبي ثاني ؟؟

تحية الى المبدع المؤسس الذي اشتقنا اليه ابو ياسر الكعبي
و الى الضيف الجديد المبدع احمد الكعبي

و الى جميع من مر من هنا لتذوق الوجع

سيّدي المبجّل زكي الياسري

علم الله ان ودّي اليك كبير وشوقي يتلافع وجعا

اما جمال الوجع فأنت بريقه وحلّته.

ومرحبا بأخينا أبي الحسن احمد الكعبي:)

الروح

12-06-2012, 11:33 PM

أوجاعي سمه وما تمطر ابكاع
صارت من تزخ اتفيض العين..!!

زكي الياسري

13-06-2012, 02:59 AM

العزيز الغالي ابو ياسر الكعبي
شوقي لك اكبر و دعائي بدوام الوصل مقيم

و الروح : لأوجاعكِ الق ثاني و رونق مميّز
ازاح الله تعالى عنكم كل وجع
و زاد حروفكم رونقاً و بهاءا

تحياتي و الى لقاء جديد مع ذكرى الوجع الازلي

زكي الياسري

14-06-2012, 12:51 PM

اليوم اوجاعي راحن يم جسِــــر بغداد
چن اطيور حامن شافـــــــــــــن المنظر
شافن طه واكَف ينطـــــــــــر التابــوت
وشافن حيدره النصـــــــب العزه اتحظر
وشافن فاطمة وعيونهـــــــه امسلمات
علكاظم يــِـــكِـــتّــــن دمع ... بـس احمر

عظــّم الله اجوركم جميعاً

الروح

15-06-2012, 04:30 PM

و الروح : لأوجاعكِ الق ثاني و رونق مميّز
ازاح الله تعالى عنكم كل وجع
و زاد حروفكم رونقاً و بهاءا

تحياتي و الى لقاء جديد مع ذكرى الوجع الازلي

الياسري الفاضل ..
ولأوجاعي تخجلُ من نقاءِ جراحِكم حين تنضحُ أدبا ..؛
زادك اللهُ بهاءاً ونقاء

الروح

15-06-2012, 04:42 PM

تاهادر وجع الكم من سمانه
وياهوالسم دمانه ومن سمانه
تغير اسم روحي ومن سمانه
تسمينا الوجع وحايط الأذيّة

*أحمد الكعبي*

16-06-2012, 05:18 PM

من نافذة الوجع أطل على آهات
وزفرات نزف معتق ملتصق بأروقة الروح
قد تراكم عليه غبار الذكرى

انه شايف كل محب بگلبه حبيب
ومو مثل محبوبي متنصب امام
انه من بيتي إذا اسلم عليه
من ضريحه يگوم ويرد السلام.

الســـــــــلام على باب الحوائج كاظم الغيظ

زكي الياسري

16-06-2012, 05:32 PM

*أحمد الكعبي*

16-06-2012, 05:41 PM

لأن حايط وجعكم صاير أتراب
من عنده أسترق خطيت لوحه
ولأن چفكم بعد مادگ على الباب
جبتلك بابنه أيدگ أعله روحه

زكي الياسري

تنحني أحرفي خجلاً أمام لمعان حروفكم
نثار جمانك سحر ناضري
وأمطرني ماطر احساسك بعيون التواضع
وافر تقديري واحترامي.

*أحمد الكعبي*

16-06-2012, 05:59 PM

قفص صدر الآلم بي همـي مسجـون
مؤبد و الحبس مابين الضلــــــــوع

و لا يشمل عفو اهمـــــوم المَساكين
وحتى امن الزيارة الفـرح ممنــــوع

داوودي لحــــن آهآتي مسمــــــــوع
واثر سجدة عذابي ابكَصتــي مطبوع

وارتــّــــــل كـــل فجر قرآن الاشجان
وسط محراب بيــه اتصلــّـي الدموع

تقبل الله احزانكم

نقارن بين أبن عمران موسى
وبين الكاظم التسطع شموسه
تاريخ المجد نقره بدروسه
ونوگف عالمواقف نلقي نظره

أذا موسى الكليم أعتكف أيام
أعتكف موسى الأمام أعوام وأعوام
گضت عشرينهه بسجون ضلام
أويلي أعله الخلص بالسجن عمره.

آجركم الله

ابو ياسر الكعبي

16-06-2012, 07:31 PM

تاهادر وجع الكم من سمانه
وياهوالسم دمانه ومن سمانه
تغير اسم روحي ومن سمانه
تسمينا الوجع وحايط الأذيّة

تهادر كل وجعنه من سماكم

وسمّمنه وجعكم من سماكم

إسمكم ما تغيّر, مَن سمّاكم

وفي ومَيْغَيّره الهم والأذيه ..!

ابو ياسر الكعبي

17-06-2012, 12:26 AM

لأن حايط وجعكم صاير أتراب
من عنده أسترق خطيت لوحه
ولأن چفكم بعد مادگ على الباب
جبتلك بابنه أيدگ أعله روحه

على حايط وجعهم مايسئلون

وكلت گلب الوجع طعنات الغياب ...

فتحتلهم امن ضلوع الجرح بوب

وهمه ابوجه جرحي سدوا الباب...!!

ابو ياسر الكعبي

17-06-2012, 12:34 AM

[QUOTE=زكي الياسري;1750331]العزيز الغالي ابو ياسر الكعبي

شوقي لك اكبر و دعائي بدوام الوصل مقيم

إلك شوگي جرح يتنازف أشواگ

ويتماطر على گلبي مودّه

طبع بيّه الأحبه أدعيله بالخير

لأن من مهجتي وروحي أودّه ....

ابو ياسر الكعبي

17-06-2012, 12:44 AM

أودّه إشما بعد وتجفافى الغياب

إشما بعدَت بيني وبينه المسافات

عندي مو مهم يذكرني ... يو لا...

المهم هوّه بكياني ومُهجتي يبات ..

الذين يشاهدون محتوى الموضوع الآن : 4 ( الأعضاء 2 والزوار 2)
‏ابو ياسر الكعبي (http://www.imshiaa.com/vb/member.php?u=59077), ‏آمال يوسف (http://www.imshiaa.com/vb/member.php?u=69704)

ودّي لزوار صفحات الوجع ...

زكي الياسري

17-06-2012, 05:18 AM

الحزن مثل العِـلِم كلمـــا يــِـزيــد ايزيد
فضول الناس لأستكشــــاف مضمـونه
و تلكَاهم بعضهم للبعض يشكـــــــون
وبعضهم - لا - يسرّونه و يكتمــــونه
و بعضهم بالقوافي التِنحَب امچلبيـــن
يــِصُبْ دمــع القلـم لمّــــــن يكمشونه
و بعضهم يشتكي احزانه للنجمــــــات
و بعضهم للكَمر بالهم يــِــناجــــــونه
لچن حزني غميج و من شجـون البيه
اطباء النفس عجـــــــــــــزوا يداوونه
انه الحزني عراقي ابثـورة الوجـــــدان
وابوادي السلام افراحـــــــــي مدفـونه

الكعبي ... مؤسس قصر الحُزن الشامخ
تحية حب و اعتزاز و شوق
من صميم الفؤاد
لك

و لجميع المبدعين بين طيات قوافي الدمع

ابو ياسر الكعبي

19-06-2012, 12:45 AM

(چا هيّ بالمگلوب ؟ چا هيچي هيّه

آنه أصبحت چتّال .. وانته الضحيّه ..!)

من التراث الشعبي

ابو ياسر الكعبي

19-06-2012, 01:19 AM

الكعبي ... مؤسس قصر الحُزن الشامخ
تحية حب و اعتزاز و شوق
من صميم الفؤاد
لك

و لجميع المبدعين بين طيات قوافي الدمع

الياسري ... ما لقصر الحزن شموخ إلاّ بك,,

شكرا كبيرة لشوقك الذي خرج من القلب ليدخل القلب

..
واخرى بحجم الوجع لكل من تنفّس وجعه من رئة الجدار

ابوعباس 6

19-06-2012, 04:45 PM

السلام على منبع الوجع وأهله
ألم وأحزان القوافي
بين عصرات الضلوع ....
والشعر بلايه الحزن
مثل عين بلا دموع ....
..............................

ابو ياسر الكعبي

19-06-2012, 11:58 PM

السلام على منبع الوجع وأهله
ألم وأحزان القوافي
بين عصرات الضلوع ....
والشعر بلايه الحزن
مثل عين بلا دموع ....
..............................
الفاضل أبا عباس

وعلى هطولك السلام والرحمة والرضوان

الشعر كومة جوارح والأحاسيس الدموع

والحزن جمرة اموادع بين طبگات الدموع

مرحى ومرحبا ايها الكريم

مازلتُ والوجع بانتظار الوجع

ابو ظاهر البركي !

21-06-2012, 12:24 AM

جذب من كال وحدك جنت مسجون
اعداك بلا بصيره مقفله البوب
وممنوع الدخول الشيعه وياك
بس خلفك تصلي كل الكلوب
اذا حبنه خطيئه الكاظم الغيض
نحب هاي الخطيئه وابد منتوب

*أحمد الكعبي*

21-06-2012, 12:26 AM

علَيّ دهري تسرفن كف الردان
أنه الراضع حزن ومگمط أجروح
أنه بيت الصريفه وباب الأحزان
أنه المفطوم آه بونه وبنوح
أنه المحروگ جرحه وشبع عطاب
من عالم الذر وريحة أتفوح
گبل لا أنتشئ في موضع أنسان
تربع جرح بسمي فوگ الصروح
ظل ينتظر حد ما أنزل الگاع
يجي بهيبة وقاره يفوت للسوح
أجه مكيف نزل مادنگ الراس
رفع راسي وصعد مابين السفوح.
أحمد الكعبي

السلام على جبال الشعروالأدب
مثلُنا لا يجاري مثلكُم

ابو ظاهر البركي !

21-06-2012, 12:40 AM

نداء الكل قوافي الوجع هاليوم
تجن تتكومن كلجن على الكاع

تحطن ايد بيد ترسمن هلال
بسم شعبان يلغي كل الوجاع

تحية اجلال لكم سيدي الياسري

اضعها على حائطكم
النازف

ابو ظاهر البركي

زكي الياسري

21-06-2012, 05:58 AM

اللهم صل على محمد و ال محمد
حياكم الله ايها الاعزاء
و حياك الله يا شاعرنا العزيز
ابو ظاهر البركي
انحنى اجلالاً لحروفكم المنيرة

نويت ابحربي ويه احزاني يا هلناس
اطب ابهُدنه واعلِــكَـ للفـــــرح شمعه
لأن ابطلعته الشهــر السعد شعبـــــان
ميلاد الحُسين الجـــابــِــتـــــه البضعه
و كَـبل لا أحتفل لــن صبّت الدمعــات
لأن حتى النبي ابميـــلاده صَـب دمعه

السلام عليك يا ابا عبد الله الحسين

ابو ظاهر البركي !

21-06-2012, 10:44 AM

نداء الكل قوافي الوجع هاليوم
تجن تتكومن كلجن على الكاع

تحطن ايد بيد ترسمن هلال
بسم شعبان يلغي كل الوجاع

تحية اجلال لكم سيدي الكعبي

اضعها على حائطكم
النازف

ابو ظاهر البركي

سفينة البحار

21-06-2012, 12:27 PM

لان شعبان بيده يدك على الباب
اشوفن لو نطش لجيته جكليت
وكلنه بكلب ما مهموم نلكاه
ونجي على احزانه نحبسهن ابيت
الجرح ويه الفرح فد كلب متصير
لذلك عالجرح اعلان خليت
مغلق كل جرح لن ملتهي اليوم
غزه كلبي الفرح للهم تناسيت
وبعد شعبان نستأنفهه الآلام
واكل للجرح عنك ماتخليت

زكي الياسري

26-06-2012, 10:15 AM

!! قف !!
ممنوع تبچي ابهـالشهــــر يا صاح
شهر شعبان بـي خلـــتفرح الشيعه
بالثالث بزغ نــور ابجبيـــــــن الدين
انولد سبط النبــي و هذا الخبر ذيعه
نولد سبط الرسول المصطفى المختار
و بدأ نهج الكفاح ايعيــــــــد تشريعه

وبالرابــع سطع نور الكَـمَر عباس
الامجاده المكارم تفتخــــــــر بيهه
اخو زينب مِچين ابشيلــة النوماس
تِميد الكَاع لو صـــــال ابنواحيــهه
عطشانه الارض و الهلسبب ياناس
نزل من السمة العبـــــاس يرويهه

و بالخامس علي السجـاد نور النور
نولد تجري العبـادة ابــــدم شرايينه
شكثر فرّح ايتام او زاح عنهه اهموم
ل‍چن دمعاته ما فـــــــــاركَــت خدينه
عليل ابكربله صـح يا مـــن تسمعون
لچن من العِلل هــــــــــوّه اليداوينـه

زكي الياسري

27-06-2012, 02:05 PM

الشِعِر مو بس قوافي و تنــّــظم بحروف
الشعر إحساس يشرح واقع الشاعــــــــر
مرّات الحزن يســـــــــــدِل عليه اخيوط
أو وي كت الدمع بالذاكــــــــــــره ايسافر
و مرات الشعر يشعـــــــــل شموع العين
و مرات ابمباسم فرحته ايســــــــــــــامِر
الشعر ديوان و الديـــــــــــــوان لليدرون
يزوره العالِم و قد يدخله الجـــــــــــــاهل
إذا ممنوع نكتب للحزن أشعـــــــــــــــــار
يصير الشعِر اكَرع يكســــــــــــــر الخاطر

تحياتي

و إلى وجع جديد من اوجاع الأنا

زكي الياسري

02-07-2012, 12:15 PM

يا سائلي عن دمعتي لم َ ساكبه
تجري على خدّي كــَنـــــارٍ لاهبه
تجري على خدي كمنهمر السمـا
تدمي الجوانح بالهمـومِ الواصبه

عيني لأجل بني محمـــد دمعهــا
فمصابهم ابكــــــى الملائكُ قاطبه

زكي

الروح

02-07-2012, 02:37 PM

مساؤكم سعادة بحبِ آل محمد
يارواد حائط الوجع ..؛

روائع ما أقرأ تذهلني
بوركت الأيادي

سيد زكي مازلت تجري الروعة من أعلى قمم الحرف
بوركت

زكي الياسري

02-07-2012, 03:33 PM

رعاك الله يا ام جعفر
منكم ننهل و لكم نهدي

تحية مصحوبة بخالص الدعاء
لكم و لإختكم الكريمة
شافاها الله شفائاً تاماً لا سقم بعده

الروح

02-07-2012, 04:14 PM

حفظكم الله سيدنا لهُ الحمد بفضله وفضل دعواتكم
باتت افضل بكثير ومرحلة الخطر عدت بفضل أهل البيت
دمتم بعينه التي لاتنام

روح الـــورد

03-07-2012, 02:09 AM

هذه اول سطور لي
في هذا الركن الجميل
ويسعدني ان ابدأ بكلمات لمولاي وسيدي صاحب العصر والزمان
عجل الله فرجه الشريف
وجعلنا واياكم من التابعين له وناصريه

اكابر دومي بمهدي واراهب
واحشم شيعي وسني وراهب
اذا المهدي حظر يومه وراه هب
واصرخ يا لثار الغاضرية

اختكم ان شاء العلي القدير
روح الـــورد

سفينة البحار

03-07-2012, 03:19 PM

امس جرحي سألني بهمس ... بسكوت
شبيك شغيرك شو قاسي وياي ..
لا تنشد علي لا بيه مريت
احس ساعات هجرك صارن هواي
كتله احنه اتفقنه بشهر شعبان
ما يعزف لحن احزانه الناي
مواليد وفرح خير ومسرات
على كلبي الفرح جن بارد الماي
وابشرك يا جرح راح الجفه يطول
لالن مولد المهدي المنتظر جاي

زكي الياسري

03-07-2012, 10:44 PM

الله الله الله
يا سفينة البحار
ابدعت و الله

.
.
.
.
والفاضلة روح الورد
ابوذية موزونه و جميله
اتمنى لك الموفقية و التسديد الدائم
.
.
.
.

ختاماً
اشتقنا كثيراً للعزيز ابو ياسر الكعبي
و نسأل الله ان يكون بخير

سفينة البحار

04-07-2012, 12:30 PM

زكي الياسري

07-07-2012, 07:57 PM

أدير العين عن حزنــي ولـَ ـيروح
مثل جنّي وتلبّسنــــي ولـيـ ـروح
لأن بحشاي ليه آهــه ولـَــ ـيروح
كل ساعة يــِــــــراوَنــّـي المنيّـــه

محمد سالم الجيزاني

08-07-2012, 04:11 PM

صخت اعلة الجرح هايلجرح خانوووك
دنك راسة جرحي وصاح ميخالف

زكي الياسري

09-07-2012, 07:37 PM

مرحبا بالجيزاني بيننا
و شكرا لنقل هذا البيت اللطيف

و الروح الجليلة الحرف
ابدعت في بيت الابوذية الرائع

اليوم ادموعي سالن عالذي غدروه
نمر أرض الحجاز الما خُفت صوته
يظنون اغتياله ايخمّـــــــــد البُركان
ما يدرون راح ايفجّــــــــــره ابموته

اللهم انصر اهلنا في العوامية و القطيف و الاحساء و كل البحرين الكبرى يا منتقم

زكي الياسري

12-07-2012, 10:35 PM

حرف الحزن يگطر ألم ما يهده
متشفع ابعالي النَحِــب ما يهده
متگلّي گلبك بالوصل ما يهده ؟
گظـّيت عمري الشوفتــك أتنطر

اعادك الله الى صفحات الحُزن يا ابا ياسر

سفينة البحار

15-07-2012, 11:55 AM

حرف الحزن يالياسري من اطباعه
ما يهده ابد طول العمر لوساعه
ابحر الالم تلكه الجروح اشراعه
والمركب كليبي وعليكم يفتر

تحيـــــــــــــــــــــــــــــــاتي

زكي الياسري

15-07-2012, 07:14 PM

الله الله الله
سفينة البحار المبدع
جواب غاية في الروعه

نسأل الله تعالى ان ينزل اشرعة جراحه عاجلاً
و تصل سفينته الى بر الامان و السرور

أمواج بحرك يا حِــزن مـن ماجت
هاجت اْوياهه العاطفه مـن هاجت
و الروح تدري يا بحر لـــو لاجت
تصبح قلم منه الالــــــــــم يتگطـّر

سفينة البحار

19-07-2012, 12:32 PM

بحر الحزن ابعد عليه بجرفه
ومن كثر آلامي الجفن ما يغفه
بيه الجروح اتنام صارت وكفه
كل عضو بي مية جرح لو اكثر

تحيــــــــــــــــــــــــــاتي

ابو ياسر الكعبي

20-07-2012, 01:16 PM

..

ختاماً
اشتقنا كثيراً للعزيز ابو ياسر الكعبي
و نسأل الله ان يكون بخير

كبير القلب
السيد زكي الياسري

مازال هجير الشوق متلافعا

لاعدمني ربي سؤالك

سأكون بخير مادمتم بخير

شوقي وودّي

ابو ياسر الكعبي

20-07-2012, 01:22 PM

السيد زكي الياسري

الابداع منكم ولكم
وانا معك ... اكرر
اشتقنا الى ابداعات وتواجد الكعبي ابا ياسر
نتمنى من الله ان يكون المانع خيرا
لكم جميعا احترامي وتقديري
و تحيـــــــــــــــــــــــاتي

سفينة البحار

شهد ربي كم اشتقتكم وكم انا شاكر لكم تفضلكم بالسؤال

وفقكم ربي وكلئتكم ملائكته

كونوا بخير لنكن ......

شوقي وتحيتي

ابو ياسر الكعبي

20-07-2012, 11:15 PM

الكعبي أهديك هذه الأبوذية المتواضعة
وأهلاً بك في أرض الوطن بانتظار دخولك قريبا

حي من زار داره وحي مزاره
لفانه بموت كَلبي وحي مزاره
أثاري الحزن وحيه وحي مزاره

ومن وحي الحزن حنيت اديّة

من وحي الحزن كفّاي حنّيت
وإلك يالمستچن بالروح حنيت
ليالي الغرب مني ضلوع حنيت
البٌعُد عن الديّار إيعز عليه

؛
كبيرة هديتك يا أم جعفر
وكبير هو اعتزازي بك وبها

ودي وتقديري

زكي الياسري

22-07-2012, 03:01 AM

الحمد لله على سلامتكم يا ابا ياسر
افرحنى حينما رأيت اسمك يكحل عيون المنتـــدى
اشتقت لك كثيراً كما اشتاقت اليك القوافي يا مبدع

من شوكَي إلك صرت اجذب الحسرات
حسره ابأثر حســـــــرة و ونه اثر ونه
يسألوني عليمن هالكَلــــــــــب مهموم
كَلت سألوا القوافي يا خلـــــگ عنــَّه
حبيبي الغاب ما ودعني لمـــــــن غاب
و يعلـم بالمشاعـر وصلــــــه دِمننه :)

و يبقى الاشتياق

ابو ياسر الكعبي

23-07-2012, 12:07 AM

الحمد لله على سلامتكم يا ابا ياسر

افرحنى حينما رأيت اسمك يكحل عيون المنتـــدى
اشتقت لك كثيراً كما اشتاقت اليك القوافي يا مبدع

من شوكَي إلك صرت اجذب الحسرات
حسره ابأثر حســـــــرة و ونه اثر ونه
يسألوني عليمن هالكَلــــــــــب مهموم
كَلت سألوا القوافي يا خلـــــگ عنــَّه
حبيبي الغاب ما ودعني لمـــــــن غاب
و يعلـم بالمشاعـر وصلــــــه دِمننه :)

و يبقى الاشتياق

الياسري
وهل للوجع رونق إلاّ بك
أشتاقك دائما فانت الغائب الحاضر بين سرادق روحي

لي عودة تائقة لسجالك

رمضان كريم

مسلم القاسمي

23-07-2012, 06:28 PM

من وكع عباس ما راح الحسين
وغــــــلط كلمن كال راح وباسه
هو عباس وكـــصد عباس اخوه
يعني عبــــــاس وحضن عباسه
بس المـحيرني اسالك يا حسين
هذا راســـــك علرمح لو راسه

زكي الياسري

25-07-2012, 08:43 PM

الله الله ايها القاسمي المبدع
لا حرمنا الله من هذا العطاء

هذا راس حسيـن من فوگ القناة
واگف ايحيي الشهــــــــم عباسه
ابو فاضل يحرس الحُرة و حُسين
يحرس الديــن و يشيّـــــد ساسه

من وگع گامت تصيــــح النايبات
طاح عباس البطل ابـن البطـــــل
طاح طيحة فخر مو طيحة خنوع
كِسر ظهر احسيــن والدين انعدل

تحياتي للغياب

ابو ياسر الكعبي

28-07-2012, 12:47 AM

رمضان مبارك
ووفق الله الجميع

طلگ نهر الفرات بجربة العباس
ونولدت جريحه امخضّبه الجربه
نزل عرش السمه من طاحن الچفّين
رفع دم الچفوف وخضّب الكعبه
إنكسر ظهر الحسين بطيحة العباس
إذاً عباس بالطف معجزة ربّه
واذا مو حكمة الباري بذبح عباس
چاشال الفرات وعالخيم ذَبَّه

زكي الياسري

29-07-2012, 03:31 PM

وجع مكتوم بين ضلـوع الحروف
جعل حِزن القوافــــــــي يعتريني
ما صُب الدمع لا شامـــت يشوف
واخاف ابنظره عــــاذل يزدريني
وتحت هذا الضغط طگن بالِزلوف
شيبات ابرغــــــــــــم قلة سنيني

سفينة البحار

31-07-2012, 11:48 AM

السيد الياسري
اطلالة جميلة موشحة بالم القوافي
كنت مبدعا ومازلت
عذرا لتطاولي على حرفك المقدس

وجع مكتوم بين الآه والخوف
ليليه بعذر.. لازم يجيني
يهد بالدمعه ابد ماهد بالسيوف
واسلم للالم وانثرحنيني
وامد ايدي والاكي القلم مجتوف
واحير شلون اترجملك ونيني
على الورقة باصبعي اكتب حروف
عدد ما ضاع بالهم من سنيني

تحيـــــــــــــــــــــاتي

ابو ياسر الكعبي

01-08-2012, 01:09 AM

سلام على المبدعين

أنه جروحي سنابل خَضْرَت إهموم
حصدتها ابمناجلها الفلاليح
عمري اويا الدياسه باث منثور
ذرّتني ابهوى عالي المراويح
سفينه وبالبحر غطّيت مجبور
يلن كثرت عله ظهري الملاليح!

زكي الياسري

01-08-2012, 02:15 AM

الحبيب الغالي
سفينة البحار

لا لونَ للحرف حتى إذ مــــررت بهِ
فصار يشرقُ فيهِ النور إشـــــــراقا

ابياتك اقدس و عبيرك اعطر يا فذ

و الحبيب ابو ياسر
ما زلت نور صفحة الاحزان :)

طيار عراقي

01-08-2012, 05:14 AM

انا چفوفي محارم تمسح الدمعات

ولوشفت الحره تبچي اكطع چفوفي

زكي الياسري

01-08-2012, 08:59 PM

سلام على المبدعين

أنه جروحي سنابل خَضْرَت إهموم
حصدتها ابمناجلها الفــــــــــلاليح
عمري اويا الدياســــــه باث منثور
ذرّتني ابهوى عالــــــــي المراويح
سفينه وبالبحر غطّيــــــــت مجبور
يلن كثرت عله ظهــــــري الملاليح!

اْنه اجروحي مناجــل حصدت النوم
وضافت للجــروح الغـُربــه تجريـح
و اذا تنشد يناشــــد عـــــــن الِعلوم
صُفن ريشة حمامة ابعُرضــة الريح
وإذا نشروا شِرعهم صـوب الهموم
تِطول اسنين سَفــــــــرات الملاليح

تحياتي للمبدعين الافذاذ

ابوتكتم الخير

02-08-2012, 07:12 PM

زكي الياسري

02-08-2012, 09:10 PM

إلى أحباب القلب ابو ياسر الكعبي والسيد زكي الياسري
نسأل الله العلي القدير في هذه الأيام المباركة وبولادة الأمام الحسن كريم أهل البيت
أن يحفظهمفي صحة وعافيه
أنه جروحي فرح بس تضحك إهموم
وتداعب ألمها بدمعة العين
وأذا تحزن تراها تصيح حيهوم
وتذر الملح عل الجرح مرتين
وأذا صدوا شماته عليها فد يوم
عنوه تروح وتقبل السجاجين

التحيات للكل

جميل جداً .. يا ابا تكتم ..

حلگ الجرح لو صب ألم ... خلتضحك اشفاف الجرح
مو حلوه لو عاذل شِمـَـت ... لتخلـي ضيمَـــك منفضح
و الهاي يا راعي الحزن ... انحب لـَحَــد خيــط الصُبح

ابوتكتم الخير

03-08-2012, 01:01 PM

جميل جداً .. يا ابا تكتم ..

حلگ الجرح لو صب ألم ... خلتضحك اشفاف الجرح
مو حلوه لو عاذل شِمـَـت ... لتخلـي ضيمَـــك منفضح
و الهاي يا راعي الحزن ... انحب لـَحَــد خيــط الصُبح

والأجل ياسيدنا الكريم هذه الأبيات التي سطرتها جروحك
ولك
حلك الجرحج مفتوح ولألم يسعر
والحلوة تدري البيه بالألم يسكر
ولهاي أداري بيه وللصبح أسهر
وأرعى الحزن ياصاح خاف أتعثر

ربي يداوي كل جرح من جروحك سيدنا الكريم
لقد وفقنا الله بزيارة سيدنا ومولانا الأمام الحسين وأخيه ابو الفضل العباس عليهما السلام هذه الليلة المباركة
وقد ذكرناكم سيدنا بالزيارة والدعاء والصلاة في صحن الأمامين
ربي يقضي جميع حوائجكم

زكي الياسري

03-08-2012, 07:21 PM

جزاك الله خير الجزاء ايها الحبيب إذ ذكرتنا عند الحبيب

لفراگ الأهـل و ارض الوطـــن آثار
ودموع الغريب احــــــدود سِـچـّـينه
و ثلثين العــــذاب ابغربــــــة الآلآم
من فرگة علي و عبّاســه و حسينه

تقبّل الله زيارتكم
واعمالكم في هذا الشهر الفضيل

زكي الياسري

08-08-2012, 12:37 AM

جَـِرح هلـّيله أعمَـق كــل الجروح
وبراس العقيـده الأثــــــــر ظـــاهر
جرح مو سهله نكتب عنـّه چلمات
جرح النور كيف ايوصْفـَهْ شاعر؟

عظــَّم الله اجوركم

سفينة البحار

08-08-2012, 12:49 PM

لنا ولكم عظيم الأجر بمصابنا بأمير المؤمنين
علي بن ابي طالب ( عليه السلام )

اليوم الكون كله بوكت الآذن
صاح الله واكبر وااااعلياه

زكي الياسري

11-08-2012, 01:21 AM

راقت لي ابيات الوجع هذه فنقلتها لكم بكل حزنها
وهي بقلم الشاعر كاظم اسماعيل الگاطع في رثاء ولده

بده العام الدراســـي وبـــدت لهموم
وبيتي أعله المــدارس بابــــه صاير

نسيت وداعتــك حيث أشتري أهدوم
ألك وأمحضــر أقــــــــــــــلام ودفاتر

مو تسمع قيــام وليــــــــــش متكَوم
ومر أسمــك ولا مــــــــن كَال حاضر

الشمس طلعت علينه ومو وكت نوم
وهم عدكم صبح يهــــــــــــل المكَابر

وهم عدكم ضوه وشبّــــــاج وأنجوم
وهم ينطونكم واجــــــــــــــب لباچـر

الوالد بالوداع أيصيـــــــــــر مهموم
وأنه أثنيناتهن والـــــــــــــد و شاعر

زكي الياسري

17-08-2012, 12:42 AM

الحزن ما ينتهـــــي وهذا اكيد
لكن انحاول علــــي نِعلن حظِر
نبتسم مرات بس بسمة خجول
يدري علأحزان ابد مـــا ينتصِر

الروح

20-08-2012, 12:10 AM

كبر حزني بكبر ساعات الغياب
ومن كبره طفح من عيني دمعي
شما كلنه الفرح كَرب على الباب
أثاري النايبة إتدك إعله ضلعي

*أحمد الكعبي*

20-08-2012, 03:22 PM

أنه أدري أنته العيد طبعك طبع خام
موعامك أنته بخير خــــــير أنته للعام.
السلام على أهل الوجع

دور بگلب المحب تلگه الحبيب
مو حبيب بگلبه لا....تلگاه أمام
بس حبيبي آنه إذا أسلم عليه
وعيدك مبارك أگله
يرتعد من الضريح يگوم ويرد السلام...
وسلمينه أبعيد الله
حتى عاليزعل علينه
ولون ندري أگلوبهم
عميه بدغش ماسلمينه
ولون يسوون العتب
چــــــــــــا عاتبينه
وين نلگه أطباع مثلك
اليرد عالجاهل سلامه
أوين نلگه أحسين مثلك
من نگله أبروح زينب
يطَلع أيده من مقامه
گبل منسلم عليه هوه اليسلم
ونفرح أبرد السلام.

أحمد الكعبي.

زكي الياسري

21-08-2012, 11:14 PM

لقد طال فراقك يا ابا ياسر

تِغيب اشلون عنه وانته منه
وهج ليه انتمينـــــه وانتمنه
وصالك فــوز إلنـه وان تمنه
علينه انـذوب ود و شاعريه

تحياتي و اشتياقي

زكي الياسري

25-08-2012, 11:18 AM

كتبت هذه الى احد الاحباب المهاجرين عن دار الوصال هذه الايام :(

شوگك شوگ واحـد ما يحِب الشوگ
شوگ الصاحـب البلغربـــــه ناسيني
وشوگي ليك يا جافــي صُبـح أوجاع
تجرح جفِن عيني من تِبَچينـــــــــي
***
اطب للمنتدى و عنـّك اريد اخبــــــار
و ما ألگاك ليش بهاي تاذيني ؟؟؟؟
واشوف اسمك خيال ابين هالاسماء
لچَن هم زين من إسمــــــك يسلـّيني
يغايب وين اروح و ذكرياتـــي وياك
حلم ليليه يشعل جمـــــــــرة اونيني
***
يهاجـِر بيك احس متغيّــــر و مهموم
و احس محتاج اسمعــك من تناغيني
واحس بعيوني دمعة ودمعة المشتاگ
مثل ساعِد مُحـــــــــارب من تِلاويني
واقاومها .. و أحاول من أصيـــح الآه
ما توصل إلك يا سلــــــــــوة اسنيني

مصحح المسار

27-08-2012, 09:27 PM

أبو ذية كتبتها في زمن ما عندما أفادني الإنسان
أنه مستعد بالأذي لأخيه...
خطياتي برگـــــــبتك يا زمن مالوم
وزادت حرگتي بـگلبي وظل مالوم
وثـگت بجافي وبغدار لـــچن مالوم
أنة الي سميت روحي بدية

سفينة البحار

09-09-2012, 12:43 PM

ابو ياسر رحت متكلي ليوين

حتى الآه صاحت شو فكدناك

تحياتنا للغائب الحاضر ابو ياسر الكعبي
دعواتنا بقضاء الحوائج والصحة والسلامة

مصحح المسار

18-09-2012, 04:08 PM

گلب الجـِبل شلال تبـچـي عيونة
تتعزة بيه طيور تــــروة بجفونة
ويجمد ربيع الناس وتخضرظنونة
وحدة وألم وفراگ يكسيهة لونة

سفينة البحار

30-09-2012, 12:02 PM

الى الراحلين عن حائط اوجاعهم ..................لا اعرف الى اين ؟؟؟؟؟؟

انجرح حايط حزننه لهجر الاحباب
وكام على المشو ينزف تصاوير

ودي لو تعاودون

*أحمد الكعبي*

26-10-2012, 04:46 PM

كل عام وأنتم بألف خير

مرجوحه ألك سويت بالعيد الظلوع
هَلبت ترد يهواي وتنشف الدموع.

إذا حتى المسيح معِيد اليوم
شنو معناهه مامر بيه عيدي
شنو كل الأسلام معيده بالعيد
وآنه بهجرك أظل أحسب عله أيدي
من أعتزل وحدي تشوفني الناس
ويسألوني.. شگللهم.. يزيدي.؟
أحمد الكعبي

المتجرد الأول

29-10-2012, 09:53 AM

مرينه بالوجع وسمعنا آهات....
وخرجنه من الوجع
عل الوجن دمعات
غريبه شلون يعوف الوجع مالكه
وأظن مايوم يرجع بعد مالكه
بس اليحب الوجع كلبه يحن ل ما لكه
واتنطره هم يرد والوجع ايفرحه

****
88888
555
444

رسل السلام

29-10-2012, 10:39 AM

ياحلو للايام لو ترجع على كيفي

ماكان قلبي شكى فرقا مواليفه

كانوا بقربي ولا يحتاجوا تكليفي

واليوم راحوا ودمعي صعب توقيفه

من عقب للاحباب مكسوره مجاذيفي

غرقان والموج يلعب بي على كيفه

صادق العارضي

07-11-2012, 08:12 AM

راح اكتب حزن بلكي تشيل الزاء

حتى اتحن علي وتمسح ادموعي
منقووول

صادق العارضي

07-11-2012, 08:13 AM

انا اجروحي اصدقائي بكلبي يتونسون
زحمه اطرد صديق وتخرب الونسه

منقوووووول

سفينة البحار

11-11-2012, 12:51 PM

انه الكاتب ((حزن)) عالروح من سنين
خلصت روحي الم والحاء ماخلصت

زكي الياسري

11-11-2012, 01:05 PM

انه الحزني صلاة ابنيــــــــة المشتاق
خمس مرات يوميــــــــــــــه أصليهه

اشتياقي لكل رواد حائط الألم

الروح

11-11-2012, 02:03 PM

أنه مكدر على فراكك وبعداك
وتدري انت السند ليه وبعداك
أطيح ومامش مساند وبعداك
أكوم اتنخه ما ترضاهه اليه

جودت الانصاري

11-11-2012, 03:24 PM

أنه سندان ظهرك , دوس لتخاف
مثل جدع النخل , لمواجه الفيض
واذا ما صدّكت جربني حتشوف
امطّره جحيل ,,,,,,,,بلبة الكيض

صادق العارضي

12-11-2012, 08:51 AM

من جدمي مسني الضيم لهداب العيون
عذر بعذر كظيت كل عمري مديون

بقلمي

جودت الانصاري

12-11-2012, 09:13 PM

عليك يلوب كلبي مثل ,,,,دوار
لحد متعود من جديد ,,,,, اليه
وافرش دربك بأنواع ,, الورود
لحد متكول شكرا ,, ,,هاي هيه
وأجّر بيت يم بيتك ,,,,,,ولاكيك
بلكي تشوف شنهو الصار ,,,,بيه
وطرزلك سنين الشوك ,,,,,دمعات
وطش نجمات ليلي ,, ,,,,,واهليه
وظل كاعد ابابك ليل ,,,,,, ونهار
حارس يحفظك من كل ,,,,,, اذيه

جودت الانصاري

12-11-2012, 10:08 PM

ما اجمله من ابداع

حرت شجبر شداوي ششد ,,, شدهن
جثيرات وعلي صعب ,,,,,,,,, شدهن
شدهني مواصلك يازين ,,,,,,, شدهين
شده بال وشده ناري السريه
لا يسمح لفاقدي الاسنان الاماميه بالمرور ها ها ها

جودت الانصاري

12-11-2012, 10:38 PM

الان يسمح

كلت رايح وجيك بيوم الاثنين ,,,,, وشوف ثنينه صارت ثلاثه
كاعد وانتظر مثل اليزرعون ,,,,, كاضين العمر بس بالحراثه

ابو ظاهر البركي !

12-11-2012, 10:46 PM

جائني معتذرا بعد ان هدم كل الذي بنيته من اجله

فقلت

((عصاة الليل))
ردت كلشي ونطيتك حته العيون
وانت خلاف عيني اعتقد تعشي
تركتني اتهكش بعصاية الليل
على جروحي احسك جاي تمشي
حتى رموشي ركدت من كثر ما
كلما تبرد يغطيك رمشي
موطبعي امدن ايدي للغير
رغم هذا وكلتلي ماكو كلشي
طحت ابير يوسف من بعد ما
فلوسك للذبحني بيها ترشي
انا بصندوك بالي مقفل عليك
وانت لليضدني اسراري تفشي
بلسانك عسل تكتب مكاتيب
تاشر علرمح يضربني وحشي
نسيت انه البنيتك بين الضلوع؟
تنده بالمعاول حيل فلشي
هسا جايني وتعتذر علصار
قابل تعتذر بس ردت فد شي
اريدن شغله منك كمل الدور
اخذ وياك كلك عني وامشي

للشاعر
ابو ظاهر البركي
ليلة الجمعه 8/11/2012
اذا عجبتكم اخليها بموضوع لوحدها

تلميذكم

ابو ظاهر البركي

صادق العارضي

15-11-2012, 08:11 AM

هاك اسمع نغم حزنــي ولحني
ماطخ راس للدنيـــــــه ولحني
بجيتك ما أطش وردي ولحني
بدمعات الفرح جفين أديه

بقلمي

جودت الانصاري

17-11-2012, 03:29 PM

اذا كلشي انتهى وبابك يظل مسدود ,,,, حتى امشي وبعد ما اوكف ابابك
واذا زعلان مني اسمحلي احجي اوياك ,,,ارد اسمع كلامك وافهم اعتابك
واذا ناوي تروح وتنسه ذاك الراح ,,,,,,,,, الله وياك لازم عندك اسبابك

قديم

زكي الياسري

22-11-2012, 11:57 PM

چذب من گال الشمِر حَــز منحرك
يا حسين ايعيـد لازم فِكــــــــــرته
الجبت و الطاغوت همَّ ابلا جــدال
بالسقيفة السيـف حــــــدّو شفرته

ابوتكتم الخير

23-11-2012, 11:13 AM

بالسقيفه الناس جمعت بس حبال

ومـا أظـن إحبـال حيـدر جتـفتــه

وبالطفـوف أسوف ورماح ونبال

والذبحـها حسين مـوهـي ذبحتـه

جودت الانصاري

23-11-2012, 07:42 PM

عليك الله تعال ,, ,,وجيب دمعي وياك
عكب باجر طبك ,,,, ولهسه ما باجي

جادر حزن كلبي ,,,, والكبر محفور
وحالف للعواذل ,,,, ابد ما حاجي

جودت الانصاري

23-11-2012, 10:15 PM

لساني الزعّلك ,,,, قررت ما احاجيه
صرت هسه ,,,,,, من اسولف اكتب بورقه

راح ابعد بعيد ,,,,, وانت فكر عاد
لان مثلي غريب ,,,, وعيب من يبقه

بعد كيفك اذا ,,,,, فكرت تحجي وياي
لازم انت هم ,,,,, تحتاجلك ورقه

مع بالغ التحيه

جودت الانصاري

27-11-2012, 08:58 PM

التمسك تعال وجيب ورحي وياك ,,,,, من يوم الرحت واني افتقد روحي
قالب ثلج ردتك من يجيني الكيض ,,,,, مو قالب ملح ويشعوط,, جروحي

ملح باليود رجاء

جودت الانصاري

08-12-2012, 09:17 PM

نتف ريشاتنه مثل الحمامات ,,,,,,, وجبناها زحف ما نكدر نطير
يتمونه اهلنه بذيج الايام ,,,,,,ومثل يوسف ربينه بوحشة البير
لتسولفلي عن الاه ويلاه ,,,,,, انه عمري كضيته بقمقم زغير
وللمعاناة بقيه

سفينة البحار

09-12-2012, 11:24 AM

انه زحمة جروح وآهي تفصال ..... كدرهه زماني علي تكدير
تكمطت بحزن ورضعت من الضيم ..... ومن زغري صرت يا سامعي جبير
من اريد اكتب شعر عن آه فد يوم .... من كثر الالم انسى التعابير
واريد ارسم صور للي امر بيه ....... الكه ابالي منتظره التصاوير

جودت الانصاري

09-12-2012, 10:41 PM

جنه ازغار والدنيه : التزامات ,,,, ول ماله ظهر بيه تره يحير
بعمر حالوب وربينه مصاليخ ,,,,, بطرك احلامنه مثل العصافير

يدولبنه الوكت باشكال والوان ,,,,,, وجلمات البشر لسع الزنابير
خلانه علج بحلوك الايام ,,,,,,,,,,,, وخبز ركاك ببطون التنانير

مرورك نور ازال وحشة متصفحي فلا حرمني الله منه