بطتى يا بطتى مفيش احلا منك

[ام الدنيا]

الطريقة دى هى الاصل فى عمل البط
لا تقوليلى برتقال ولا تقولولى غيرة
لان دة الاصل فى عمل البط اما البط بالبرتقال فدة طريقة دخيلة
المهم
بنجيب بطة طبعا تتغسل كويس جدا بالماء والملح والدقيق اللى هو الطحين والخل
بعد كدة بنجففها
بعد كدة بنجيب اناء به ماء وكرات وجزر وبصل وكرفس وبهار وفلفل اسود وفصين ثوم وحبهان واول ما الماء يغلى انزل البطة تاخد ربع سواء بس مش نصف سواء لا ربع سواء بس
ونطلعها ونجففها كويس جدا
بعد كدة نعمل فيها شقوق فى اماكن مختلفة بالسكين علشان الخليط يدخل جواهل كلها
فى اناء تانى بنبشر بصلة كبيرة معاها فصين ثوم معاها فلفل اسود وبهار وحبهان وملح ونخلطهم كويس جدا بعد كدة بنزوعهم جوا قلب البطة ومن برة وفى الاخر نجيب ملعقة صلصة ونمشيها على البطة كلها من برة
بعد كدة بنجيب صينية الفرن ونحط فيها شرائح بصل وفوقها البطة
ونسيبها فى الفرن لحد ما تستوى وبالف هنا ودى طريقتى وطريقة والدتى فيها ... وفى الاخر بنجيب فحمة متوهجة نضعها فى طبق صغير فى وسط الصينية ونسخن ملعقتين سمن ونطفى بية الفحم ونغطى الصينية علطول
فى ناس بقة بتسلق البطة وبعد كدة تقطعها وتحمرها فى زبد
كل واحد ولة طريقتة
وطبعا قولتكم نسلقها ربع سواء عشان لما تدخل الفرن تستوى
والصراحة بستعجب جدا لما اتفرج على برنامج تليفزيونى والاقى شيف يقول ان البطة هتستوى اول ما يدخلها الفرن بدون اى سلق
طبعا كلام غلط جدا عمرها ما هتستوى لو دخلت كدة مرة واحدة الفرن لا لازم تاخد ربع او ثلث سواء الاول
وفى غلط شائع جدا فى ناس بتحشى البط بالفريك او الارز الكلام دة غلط جدا
فى اصول اكل البط مفيش حاجة اسمها بط محشى
اسيبكم بقة مع البطة الجميلة دى

http://t0.gstatic.com/images?q=tbn:ANd9GcSpy4ftd6iUlC7Q6KfZMg5cTFjb9eIAg 30-pSRfR5VdCwSJQUFp

[في الروحْ تَسكنْ]

امممم انا مستحيل آكل البط :(

[ام الدنيا]

امممم انا مستحيل آكل البط :(

اكيد مش بتحبيه ههههههه
دة جميل والله
انا بقة مبحبش الاوز والارانب وع ع مش ممكن اكلهم ابدا

[سقيط الزهراء]

بسم الله الرحمن الرحيم
اللهم صل على محمد وآل محمد وعجل فرجهم الشريف
تسلم اناملك ...
وااااو الصورة اتجنن والطريقة حلوة وسهلة ....
بس أكيد بتطلع نفس الصورة ... ونفس المسلسلات ؟؟؟؟
كنت أسويها ومثل ما قلتين أحط فيها البرتقال لانه ريحتها جدا قوية ...
تشكرلت ليك من كل قلبي ... والله يسعدش ....

[ام الدنيا]

بسم الله الرحمن الرحيم
اللهم صل على محمد وآل محمد وعجل فرجهم الشريف
تسلم اناملك ...
وااااو الصورة اتجنن والطريقة حلوة وسهلة ....
بس أكيد بتطلع نفس الصورة ... ونفس المسلسلات ؟؟؟؟
كنت أسويها ومثل ما قلتين أحط فيها البرتقال لانه ريحتها جدا قوية ...
تشكرلت ليك من كل قلبي ... والله يسعدش ....

بصى هقولك لما هتغسليها كويس بملح وماء وخل ودقيق كدة مفيش ريحة
بعد كدة لما بتسلقيها ثلث سواء طبعا نزلت فى ماء السلق كل شى خلاص كدة هيا فل
بصى عاوزة انصحك نصيحة لو وانتى بتسلقيها لقيتيها بعد ربع السواء جامدة لسة اوى سيبيها حبة كمان لحد ما تبقى نوعا ما استوت
سيبك من موضوع البرتقال دة انا محبش اعملها كدة
ولما بعد السلق هتاخديها وتحطى فى قلبها خلطة البصل والتوابل وتكونى مشرحة فيها فتحات بتشرب حلو اوى من الخلطة دى
ودخليها الرن بقة وادعيلى ومتنسيش الفحم فى الاخر وهتطلع زى الصورة واحلا كمان

[فضّه]

اه ده !!!

بط ممممممممممم بصراحه طعمها غييييييييييير الفراخ حاجه سبشل كده واكييييييييييييد لا زم اللي تطبخها تكون معلمه


تسلم ايدك يا معلمه ههههه

[آمالٌ بددتها السنونْ]

في الحقيقة استمتع كثير بقرائة شروحك وردودك
اختي الفاضلة ام الدنيا
اللهجة المصرية لزيزه اوي ههههه
سلمتِ عزيزتي على هذه الوصفة وبصراحة لم اتذوق
البط في حياتي وماتخيلش نفسي اكلوه ابداً لذلك ولكي
لا يضيع مجهودك حاخد الوصفة وطبأها على الفراخ=
دجاج ^-^
شكراً جزيلاً عزيزتي وتحيه تعبق بالياسمين لك مني..

[ام الدنيا]

اه ده !!!

بط ممممممممممم بصراحه طعمها غييييييييييير الفراخ حاجه سبشل كده واكييييييييييييد لا زم اللي تطبخها تكون معلمه


تسلم ايدك يا معلمه ههههه

معلمة هههههههههههههههههههههههههههههههههههههههههههههههههه هههههه لا حلوة

[ام الدنيا]

في الحقيقة استمتع كثير بقرائة شروحك وردودك

اختي الفاضلة ام الدنيا
اللهجة المصرية لزيزه اوي ههههه
سلمتِ عزيزتي على هذه الوصفة وبصراحة لم اتذوق
البط في حياتي وماتخيلش نفسي اكلوه ابداً لذلك ولكي
لا يضيع مجهودك حاخد الوصفة وطبأها على الفراخ=
دجاج ^-^

شكراً جزيلاً عزيزتي وتحيه تعبق بالياسمين لك مني..





ربنا يخليكى يا حبيبة قلبى
بس هقولك اضافة لو هتطبقيها على الدجاج
متسلقيش الدجاج قبل الفرن
البط بنسلقة عشان بيحتاج سوا
وتسلمى يا حبيبتى للمرور