الجسر والذكرى

[زكي الياسري]

http://c.shia4up.net/uploads/13396608661.png (http://c.shia4up.net/)


الجسر و الذِكرى

نِسأل العــــالم اجينـه ابهـلمسيــــه >>>"<<< وين ابن جعفر إمـــام الرافضيه؟
اْبسجن هارون الرشيد >>>"<<< اْمــكبَّـل ابكَيــدِ الحديد
وين ابن جعفر إمـــام الرافضيه؟
1
يمن تنوي .. تـِـجَـمِّـل صورة الظالم
هارون الحِـبَس بسجـــونهِ الكاظِـم
لا تنسه .. ترهْ الله ابكـل فعل عـالم
من تمـــدح مُنافق ما تضـــل سالـم
بالحشر وياه بارينه يحشرك .. و بجهنم ويه هارونك يشمرك
ثق عذاب الله شديد .. اْمــكبَّـل ابكَيــدِ الحديد
وين ابن جعفر إمـــام الرافضيه؟
2
بالواقع مشاهِـد واضحه وأفكــار
نحسبهه ابدرايه و مايضل محتار
مسافة خيط ما بين المجد و العار
و انتَ اختـار لو دين الله لو دينار
واضحه ابخطِ الرساليه المعالم .. و الفتن تلمع لمِـع ويه الدراهم
و الذهب ساعي البريد .. اْمــكبَّـل ابكَيــدِ الحديد
وين ابن جعفر إمـــام الرافضيه؟
3
هارون السِجـَن راعي الفخر موسه
خالي امن الرشد و الغيــره قاموسه
ركع للــــدنيه مو للــــباري ناموسه
ظن من جهله يشري الجنه بفلـوسه
عاين ابعين البصر للكاظميه .. حالاً تشوف الفوارق بالقضيه
منهو بيهم يا رشيد ؟ ... اْمــكبَّـل ابكَيــدِ الحديد
وين ابن جعفر إمـــام الرافضيه؟
4
شرف دنيانه واضح والقلـم يكتب
و التاريخ يمـــدح مرّه مرّه يسب
و التحريف حــاول للوضع يقـلِب
و اوصاف العَـدل لهل الظلم ينسب
وَصِفــّوا هارون بوصاف الرشاده .. مثل ما صدام ضمنوله الشهاده
لجن ما رادوا بعيد ... اْمــكبَّـل ابكَيــدِ الحديد
وين ابن جعفر إمـــام الرافضيه؟
5
عدالة ربنه اكبر من ظــُـــلمْ سَجّـان
حاشه ايضيع عد بارينه حــق انسان
اخذ من هلمجالـــس بيـّـنه و برهان
منو الباقي خلـوده بــدورة الازمان؟
بألف ليله وليله بس ذكر النجاسه ... و احنه كاظمنه الخِلــَــد ويه القداسه
علزمن يبقه جديد ... اْمــكبَّـل ابكَيــدِ الحديد
وين ابن جعفر إمـــام الرافضيه؟
6
آهِ إمنِ الجسر و الذكرى تشجيني
وحمـــاميـل اربعه صورتهم بعيني
احس صـوت المنادي چن يناديني
و تابـوت الإمــام و كَيــــده بيديني
چني واكَـف من اجه الجسر الرصافه ... نعش مولاي الكظه ابسَّم الخلافه
صاحب المجد التليد ... اْمــكبَّـل ابكَيــدِ الحديد
وين ابن جعفر إمـــام الرافضيه؟

http://c.shia4up.net/uploads/13396608661.png (http://c.shia4up.net/)

قصيدة اخرى تناسب المقام


وا إماماه .. وا إماماه
1
طال سجنك سيدي و زاد القهر
سيدي امتـانيــــــك أحبـــابك دهر
لا سنه و سنتيـن مشبوح النظر
شلون يا مولاي بيك و بيها
وا اماماه .. وا اماماه
2
تنادي يا مولاي طالت غيبتك
عيونهم كل حين تِـربي الشوفتك
وإجه اليوم و حان موعد جيّتك
لكن بيــــــــا حال يا واليهه
وا اماماه .. وا اماماه
3
اربع احماميل تابوتك تِشيل
و الحزن ويا يميل اشما يميل
چن(رســول الله) هالليله قـتيل
إسمع املاك السمه وناعيهه
وا اماماه .. وا اماماه
4
جــابو التابوت خلو علجسر
كَبله ما شفنه جسر يحضن بدر
بيا عذر باجـر السمَّـك يعتـــــذر
هـالجريمه النـار ماتكفيهه
وا اماماه .. وا اماماه
5

آه وا ويـلاه هارون الرشيد
فوكَـ سجنك سمّمك نسل البعيد
والسلاسل بيدك وكَـيد الحديد
ريت ادينه البيهن امكَيديهه
وا اماماه .. وا اماماه
6
سيدي يا سيدي يا سيدي
من يواليــــــكم يفـوز ويهتدي
و احنه يا مولاي بيكم نقتدي
هاي شيعة جدك اشفع ليهه
وا اماماه ... وا اماماه
7
جينه وانواسي بمصابك فاطمه
للنبي نعـــزيه و الحامي الحمه
و نذكر احسين الكَظه بسيف الضِمه
هاك دمعات الحزن داميهه .. هاك دمعات الحزن جاريهه
وا اماماه .. وا اماماه

تمت بحمد الله تعالى
....................
زكي الياســـري
النجفــــــي
...........
.........
......
...
..
.

[كريم السعبري]

نعم واماماه وامظلوماه
لعن الله الرشيد ومن سار عله نهجه
ولعن الله بني العباس قاطبتن
الله الله الله
رائع ياسيد زكي الياري
في ميزان حسناتك
السعبري

[زكي الياسري]

حياك الله يا تاج راسي السعبري
و عظم الله لكم الاجر

[قاسم حتروش]

السيد الياسري
عظم الله لنا ولكم الأجر بهذا المصاب الجلل

[زكي الياسري]

و عظم الله لكم الاجر
حياك الله ايها الحبيب الشاعر الفذ

[ابو ياسر الكعبي]

زكي الياسري
مازال الابداع حليفك ومازلت متميّز اللون

وفقك الله وسدد خطاك

[زكي الياسري]

حياك الله ايها الساكن قلبي
ابا ياسر الكعبي

اشتياقي و اعتزازي