نور الشهم عباس ( قصيدة دارمي )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


نـــور الشهــم عبـــاس ( قصيدة دارمي )
ــــــــــــــــــــــــــــــــــــــــــــــــــ ــــــــــــــــــــــــــــــ
نور الشهم عباس يضوي الثنيّه === هنّــوا علـي بالجاي ياجعفريــّه
ــــــــــــــــــــــــــــــــــــــــــــــــــ ـــــــــــــــــــ
أم البنين اليــــوم ولـــدتْ ﮔمرهـــا == هذا التمنّت صار يضوي عمرها
أم الفضــــل والزيـــن لازم نســــرْها == وإنهنّي أبو الحسنيين حامي الحميّه
ـــــ
وإنهنّي أبو الحسنيين رمز الشهامــه == عباس أبو الزينات طيبه إو سلامه
صار الوفه لحسين أبرز علامــه == عند الوفي العباس هاي السجيّه
ـــــ
عند الوفي العباس زود إو مراجــل == سيف القدر معروف يفني الينازل
ما يصبر إعلى الضيم للشر يقابل == حُب العقيله إوسام عنده إو هويّه
ــــــ
حُب العقيله إوسام عنده إو يشيلــه == ما يرضه شر إيلوح نور الأصيله
نيل المكارم دوم يشفـــي غليلـــــه == موت إو يحل بالناس أهل الرديّه
ــــــ
موت إو يحل بالناس لو هز حُسامه == كُلهــــــا تلوذ إتصير تمشي أمامه
طبرة علي الكرار هيّه العلامه == تشهــــد إلَه الأيّام بالغاضريّه
ـــــ
تشهد إلَه الأيـــــّام شبلك يكـــرّار == زود إو عزم وأقدام حاميها للدار
كُل مَنْ يشوفه إيصيح ياحامي الجار == لاترفــــع الصُمصـــــام بيه المنيّه
ــــ
لا ترفع الصُمصام أدري إبيمينــــــك == بيها القدر موجود وإتشوفه عينك
بالغيره والنوماس ينضح جبينك == ياكاشف الأحزان عن الزﭼيّه
ـــــ
ياكاشف الأحزان يوم الشهـــــــاده == كتلة وفه إو إخلاص لهل الرياده
نلت الكرامه إبزود هاي السعاده == إشفــعْ إلي مولاي يوم الجزيّه
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldan311014.mp3.html



(http://www.facebook.com/photo.php?fbid=441210849233940&set=a.292414230780270.71233.100000350870874&type=1)

[قاسم حتروش]

المبدع
جابر النجفي
أزف لك أسمى ايات التهاني في هذا المولد المبارك
أنالك الله شفاعة العباس (ع)
تحياتي