**خلونه نكتب شعر** حيدر الناصري12

[كرار حيدر]

بسم الله الرحمن الرحيم


اللهم صلِ على محمدٍ آلِ محمد وعجل فرجهم واللعن أعدائهم






خلـونه نكتـب شعـر===الحيدرنه داحي الباب


اونتغنه بيـه اونظـل===ابحـبه كلـنه أحـبـاب


نبعثـله نـفحـة عشـك===ويّ النـسـيـم الهـاب


اوكلنه ابعلاة الصوت===نهـواك ياابـوتـراب


حـبك ابدمـنه سـرى===اوبعـروكـنه ينـساب


والي نهـج منهجــك===ماخـاب ابـد ماخــاب


رادونه عـنـك نـزل===وانصافــح الأذنــاب


أونتخلى عن عترتك===والطبره والمــحراب


أوننذبـح كل وكت===اوخوف أوقتل وارهاب


واتوالت اعلينه المحن===أمصاب فوك أمصاب


هـذا الثـمـن ياعــلي===للــوالـــهَ الأطـيـــاب


ماهـمنه هذا الذبــح===مــن هــذهِ الأعــــراب


هـمنه الرضيع الذي===دمــهَ أنهـمـر ميــزاب


هـمنـه الذبيـح الـذي===عالــغبـره دون أثيـاب


شـيعه أوابـد مـا نزل===عــنـك يلـيث الـغـاب


او نتـنـاك يوم الحشر=== مولاي يــابـو أتراب


خلونـه نكتـب شعــر===الحيـدرنـه داحي الباب






أخوكم


حيدر الناصري12


الخميس12/7/20012


الساعه/24/10 صباحا

[شاعرة الحسين]

خلونـه نكتـب شعــر===الحيـدرنـه داحي الباب
صدقت يا موالي
و انا يشرفني هنا ان ارد عليك ببيت ابو ذية في الامام علي (ع)
و حك خندقنا و الفتح و(بدرنا)..اي المعركة
فدة لو جنة وي عصرك(بدرنا)..اي بادرنا
يحيدر يضوي من نورك(بدرنا)..اي البدر
و بلا اوجودك فلا نورت مسية
بارك الله فيك اخي ننتظر المزيد من ابداعاتك

[ابو ظاهر البركي !]

اللهم صل على محمد وال محمد

حبيبي ابو كرار
اتمنى ان تكون بالف خير

رزقنا الله واياكم شفاعة امير المؤمنين علي عليه السلام


اخوكم
ابو ظاهر البركي

[كرار حيدر]

الموالية/شاعرة الحسين رعاك الله
بيت ابوذية رائع بروعة كتاباتك الولائية
وفقك الله تعالى في الدنيا والاخرة

[كرار حيدر]

اللهم صل على محمد وال محمد
العزيز الغالي// ابوظاهر البركي رعاك الله
اسال الله لك الموفقية والنجاح وان ترزق الذرية الصالحة
بحول الله وقوته
اخوك
حيدر الجابري

[لبيك]

السلام عليكم ورحمة الله وبركاته ::::: سلمت يداك وزادني فخرا عطائكم الكريم وليحفظكم الله ويسدد خطاكم ويحقق امانيكم لِما فيه خير وصلاح الدارين. وبفضل الله اولا وبفضلكم وفضل الادباء من خدمة المنبر والمعنين والموالين سيتمر التواصل و(خلينه نكتب ). وبالتحيةِ والدعاء نختتم الكلام *بمحضرِ احبابنا الكرام* اخوكم سيد علي الموسوي(آهات غريب)

[ابوتكتم الخير]

والله والنعم من ابو كرار
أكتب وسمعنه الرائع أيها الرائع
موفق

[كرار حيدر]

مولاي العزيز/علي الموسوي
ممتن لمروركم المبارك وفقكم الله لكل خير وصلاح
وحشركم في زمرة محمد وآل علية افضل الصلاة والسلام
خادمك
حيدر الناصري

[كرار حيدر]

العزيز الغالي/ ابو تكتم رعاك الله
والنعم منك يالطيب وفقك الله لكل خير وصلاح
وحشرك في زمرة محمد وآل محمد
خادمك
حيدر الناصري

[البدري14]

هل حيدر بطلته وباعذب شعر ردد
وحبيته بحب علي وولايته المسند
وادري بغلاه السرى بشرياني يتمدد
افرح انه بعودته والعود اله احمد
ما ليه كل مصلحة والله علي يشهد
بس جيف يعشك علي جلماته اعدهن عد
واجمعهن وي العدد واطرحهن من العد
واضربهن بحاصله يطلعن علي الفرقد
واكمل جملهن جمل باولهن اتشهد
واحد احد يا صمد لا ينثني وينعد
والمرسل المصطفى من الهندس الاسود
يكول حبوا علي فارسنا الامجد
حيوا علي خير العمل وخير العمل نشهد
وخير العمل نشهد
------
اكراما لاخي وعزيزي حيدر الناصري
ابا كرار المبدع

[كرار حيدر]

الاخ الكبير البدري رعاك الله
غمرتني بعطفك واخجلتني بعذب كلماتك الصادقة
واعطيتني من وقتك فجزاك الله خير جزاء المحسنين
وارجوا من الله ان اكون عند حسن ضنك بي
ولي عودة أن شاء الله


ملاحضة//
عمو اشلون اتكول كروري املح دشوفه اشلون جنة جبن كيري هههههههههههه
لاتزعل ام كرار يمعود

[البدري14]

هم شفت ارنب تجيب غزال
او بالعكس
انته املح هسه زغير يكبر ويصير مثلك
هههههههه
مودتي لكم والله يجعله من جيش الامام والمجاهدين بين يديه
حبيت اتلاطف وياك
يكفي اسمه مشتق هوه وابوه من اسم امير المؤمنين
منور والله الله يخليه الكم
وكثر اخوانه وخواته ويجعلهم ثقل في الارض انهم شيعة
علي موفق اخي العزيز
موفق

[كرار حيدر]

والله ابو تركي كلامك صحيح
اشو هذا ينولد ابيض بعد 7 10 ايصير املح هههههههه
مشكور على دعاءك الطيب
وفقك الله تعالى