من روائع قصائد النجف القديمة

[زكي الياسري]

جسّام يا ضنوتي

من روائع قصائد النجف القديمة
للاستماع لها بصوت الرادود الكبير جاسم النويني
من هنا (http://www.youtube.com/watch?v=QN18Y6lGVqY)

كلمات الشاعر الخالد الراحل عبد الحسين أبو شبع
توفي سنه 1980




جسّام يا ضنوتي ... رايح ... رايح امن اعيوني
ما رحمني الدهر أنته نور البصر
رايح
رايح من اعيوني
(1)
يوليدي تدري ابهذا گلبي انطعن ... بمصاب أبوك الحسن عگب الحسن
أنت الأمل ظليت أتاني الزمن ... لن اعله ثوب العرس تلبس چفن
تنيت الزمن و الأمل ... وينه ... يبني انخطف لوني
ودعتني اشبعد ... انتظر يا وعد
رايح
رايح من اعيوني
(2)
يبني برباك اتعبت حيلي انضهد ... محنية چنت اعليك فوق المهد
ينعدل ظهري فكرت يالولد ... و فگدت گلت انته الرجه و الضُمد
عرسك ابفكري حلِم ... يمته ... ابعرسك يبشروني
هذا حلمي صبح ... شو حزن مو فرح
رايح
رايح من اعيوني
(3)
جنت احسب اسنين العمر بالزغر ... و افرح ابكل سنةِ الجديدة التِمر
واثنعش يبني جمّعت لك عُمر ... هاي السنين اتعبت بيها اشكثر
لن ساعة وحده العده ... اسنينك ... منها يحرموني
دهري يبني اشلعب ... يبني كل التعب
رايح
رايح من اعيوني
(4)
يبني و لمن چنت بعدك طفل ... كلما اشوفك دمع عيني هِمل
يبني يتيم اليتم ما ينحمل ... حتى و لو عمك ابو ينجعل
و ربيت بين الأهل ... اهلك ... لجلك يحشموني
ما هويت الأهل ... و النجم لو أفل
رايح
رايح من اعيوني
(5)
و طلعت من بيتي على عزتي ... گلت ابني اگبالي وهو رجوتي
و بكربله حين انصبت خيمتي ... انته چنت يا ضنوتي شمعتي
بس انته يا بني صرت ... يمي ... وين اليودوني
سلوتي ابرجوتي ... يالترد وحشتي
رايح
رايح من اعيوني
(6)
حسباتي خلتني بمصيبة احس ... وردة شبابك خاف لن تنعفس
ابها الحالة و بحسبات هاي النفس ... لن تنصب أهلك الك حوفة عرس
لن أهلك اتباشرت ... يبني ... ابعرسك يهنوني
او لن عفت حوفتك ... قررت روحتك
رايح
رايح من اعيوني
(7)
عمّك ابو فاضل اجه ابفرحته ... و انصب لك الحوفه او نشر رايته
هذا علي الأكبر علگ شمعته ... اينادي جبتها الجاسم او زفته
ناديت من فرحتي ... امبارك ... أهلك يسمعوني
تالي صوتي ابتدل ... حسره دمعه همل
رايح
رايح من اعيوني

رحم الله من اهدى ثواب الفاتحة الى الشاعر المرحوم
عبد الحسين ابو شبع النجفي رحمه الله تعالى

[ايمن النجفي]

رحم الله الشيخ عبد الحسين ابو شبع
كان شاعرا مبدعا بكل ما تحمله الكلمه من معنى
عاشت الايادي اخي زكي
جعلنا الله واياكم من الثابتين على ولاية علي بن ابي طالب((عليه السلام))

[كريم السعبري]

مولاي الياسري
السلام عليكم
تعرف الانتقاء الرائع لانك انت الرائع
عدتنا قليلا الى الماضي
وفقك الله على هذه العوده
اخوك السعبري

[ابوتكتم الخير]

السيد الياسري
رحم الله والديك على هذه الرائعة الخالدة
ورحم الله شاعرها المرحوم عبد الحسين ابو شبع
واطال الله بعمر الرادود الحسيني الكبير جاسم الطويرجاوي النويني
الوفاء حملك لنشر هذه القصيدة الرائعة
لك كل الود

[زكي الياسري]

الحبيب
العم الشاعر كريم السعبري
الحبيب
ايمن النجفي
الحبيب
ابو تكتم الخير

أسال الله تعالى ان يكتبنا جميعا في سجل المخلصين الاوفياء

مروركم عزيز على قلبي
و الوفاء لعظمائنا واجب

[قاسم حتروش]

رحم الله الشيخ عبد الحسين أبو شبع
وأفاض بالصحة والعافية على الشيخ جاسم النويني وأطال عمره
أحسنتم أخي سيد زكي على هذه القصيدة الرائعة
دعائي

[زكي الياسري]

حياك الله يا عزيز القلب الشاعر قاسم حتروش
الشهيد الراحل ابو شبع
سيبقى تراثه بحر من نور

في سماء الوفاء لأهل البيت الكرام سلام الله عليهم