أبو إمحمّد حبيبي ( لولادة المجتبى عليه السلام )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


أبو إمحمّد حبيبي ( لولادة المجتبى عليه السلام )
ــــــــــــــــــــــــــــــــــــــــــــــــــ ـــــــــــــــــــــــــــ
حبيبـــــي حبيبـــي === أبو إمحمّد حبيبي
سطع نوره عليّه === وأهنّيهــا الزﭼيّه
ببو إمحمّد حبيبي
ــــــ
ببو إمحمّد أهنّي اليوم حيدر
بدر يضوي البريّه إو نور آزهر
لُطف سمّاه باري الكون شُبّر
فرح طه النبي إو من شافه كبّر
نصيبــــي نصيبــــي === حلو إو طيب نصيبي
فرح يملي البريّه === وأهنّيهـــا الزﭼيّه
ببو إمحمّد حبيبي
ـــــ
نزل جبريل بِسْمَه إو صاح يَحْمَد
حسن سميّه يضوي الكون فرقد
أبوه المُرتضى الكرار والجَد
إنتَ يامحمّد نور سرمد
طبيبـي طبيبـــي === إذا أمرض طبيبي
أبو النفس الأبيّه === وأهنّيهــــا الزﭼيّه
ببو إمحمّد حبيبي
ـــــــ
خليفة حيدره إو وارث علومه
هَل عُطره إو ﺑﮔﻪ فوّاح دومه
فرح هالكون وإنزالت غيومه
من شاف الحسن موسوم يومه
لهيبـــي لهيبـــــي === طُفَه إبيومه لهيبي
أغيض الناصبيّه === وأهنّيها الزﭼيّه
ببو إمحمّد حبيبي
ـــــ
إمام الخير هَلْ نوره علينه
نبعة حيدره إو يشبه نبينه
تهانينا نودّيها المدينه
لبو الزهره إو إلَه نرفع إدينه
مُجيبـــي مُجيبـــي === أبو القاسم مُجيبي
عطاياه النديّـــــه === وأهنّيها الزﭼيّه
ببو إمحمّد حبيبي
ـــــ
كريم البيت سمّوه إبعطاءه
كُل محتاج ما ينسَه نداءه
سخاء المُجتبى يسطع ضياءه
يلاﮔــي البي ﺳﮔـــم عنده شفاءه
مغيبــــي مغيبــــي === لظل حتّى مغيبي
أحب وأرفع إديّه === وأهنّيهـا الزﭼيّه
ببو إمحمّد حبيبي
ــــــــ
حَسَن ﻋﺷﮔﻪ يعيش إوياي عمري
ذكره لو يمر يرتاح صدري
مِلَك ﮔلبي الحسن يطفيه جمري
يشفعلي إمامي إبيوم حشري
نحيبي نحيبي === يِهَدّيلي نحيبي
يِحِن ربّي عليّه === وأهنّيها الزﭼيّه
ببو إمحمّد حبيبي
ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld1xu69691.mp3.html


(http://www.facebook.com/photo.php?fbid=456022224419469&set=o.171070826275895&type=1&relevant_count=1&ref=nf)

[شاعرة الحسين]

خليفة حيدره إو وارث علومه
هَل عُطره إو ﺑﮔﻪ فوّاح دومه
احسنت ايها الموالي المبدع احسن الله تعالى لك الجزاء
دعواتي لك بالتوفيق يا حسيني

[ابو ياسر الكعبي]

جابر النجفي
مازلت مؤيدا ومسددا بولاء امير المؤمنين
في ميزان اعمالك يوم تخف الموازين

[عاشقة زينب ع]

احسنتم وبوركتم

سجلها الله في موازين حسناتكم

وفقكم الله

[جابر النجفي]

خليفة حيدره إو وارث علومه
هَل عُطره إو ﺑﮔﻪ فوّاح دومه
احسنت ايها الموالي المبدع احسن الله تعالى لك الجزاء
دعواتي لك بالتوفيق يا حسيني

ــــــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه شاعرة الحسين
اشكر مروركِ الطيب واسعد الله ايامكِ

[جابر النجفي]

جابر النجفي
مازلت مؤيدا ومسددا بولاء امير المؤمنين
في ميزان اعمالك يوم تخف الموازين
ـــــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ الطيب ابو ياسر الكعبي
اشكرك وفقك الله واسعد ايامك وكل عام وانت بخير

[جابر النجفي]

احسنتم وبوركتم

سجلها الله في موازين حسناتكم

وفقكم الله


ــــــــــــــــــــــــــــــــــــــــــــــــــ ــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه عاشقة الحوراء
أشكركِ واسعد الله ايامكِ