امشونه يم الحسن اندك بابه

[اياد الفرح]

أمشونه يم الحــسن اندك بابه يكــرم أضيوفه ويفـرح أحبابه
....
العلــي هــاي ألليله مولود أنولد وللسمــوات السبع نــوره صعـد
ونــــزل جــبرائيـل ويــردد بعــد كعــد يم مهده ويهــز بيده المهد
الله سماه الحــسن هـــذه الــولـد والــمـــلائــك فصــلتــله ثيـــابه
......
يالحنانك فــاطمي وجـف الحنان والـــدك حيدر عـلي ملك الزمان
كــان يا ما كــان ما قبـل المكان يلي كـــأئن مــن كيـانه كل كيان
الخلق والكـــون والسبع المثان والأئــمة كــلهـم مـــــن أصلابه
......
هــذه ابــن حيدر عــلي يسمونه مـــا يخيب الكــاصده أتعرفــونه
مــن الكرم لا مــا فرغ ماعــونه ينطي حتــى الجانو أيكــرهــونه
أيحبهم الله ألـصــدك يحبــــونـه وينــكـتبله حــب حـسن بكتــابه
.....
يـوكف الكون وينـادي يا حسن هذه حسن الله في حسنك حسن
يا عبــير الجنة يا عطر الـوسن بنور وجك كــل كـواكـب يختفن
يحبك الإحساس والـسر والعلن والجنان الســاجده عــلى عتابه
....
اسأل اورايد من المهدي الجواب اعتذر مولاي أنت أبو المصاب
جينه أبــابك حسـن ما شفنه باب ولا مناير شفـنه مــاشفنه قـبـاب
وشفنه اثاره ضريحك بس تراب وفدوة روحي تروح فوك ترابه
.....
الخادم
إياد الفرح

[كريم السعبري]

نعم تروح روحي فدوه فوك ترابه
مبدع وموفق يا اياد الفرج في ميزان
حسناتك
السعبري

[ابوتكتم الخير]

أياد الفرح الشاعر
أحسنت على هذه الكلمات الولائيه
كتبت في صحيفة أعمالك
متباركين