وينك علي

[عدنان منعم]

اه ياعلي .غيرك شلي
وينك علي .مات الولي
.........................................
ياحيدر يتامه تـــــــنوح اجاها العــــــــيد ياحيدر
ظلت لافرح لاثوب يبــــــــويه ويوجـــع المنظر
عوز ولوعة امفــــــارك والمـــــــحروم مايكدر وانه زينب يتيــــــمه اليوم لغـــيابك انه مااكدر
ياكل هلي.غيرك شلي.وينك علي.مات الولي
.............................................
قاسي ومانصف دهري وعليه مرادف الطكات
ماظل من عمر زينب لوعات وصـــفه لجمات
عافتني الزجيه بنوح وحــــــــيدر زيد الاهات
شملنه وماظن يلتم وفرحنه مايرد هيــــــــهات
عاود الي.غيرك شلي.وينك علي .مات الولي
................................................
اليتيم عليك متـعود وانه الفاجــــــــــــــده الوالد
علي حيدر تركنه وراح ومحرابه اليظل شاهد
وحروبك ونت بلوعه وســـــــــفرك للابد خالد
يالهامك جبل مولاي عجيبه يــــــطبرك الحاقد
وين الولي .غيرك شلي.وينك علي.مات الولي
...........................................
هظم وهمومي مانتــــــعد وانه الفاكده لروحي
مثل صحره وتركها الماي هاذي حالة جروحي
وتحشمني جروح الروح تكلي عالمـــشه نوحي
فاركني علي الكرار وعليه دم هل نزف موحي
بس هم الي.غيرك شلي.وينك علي.مات الولي
...................................
معقوله بطل خيــــــــــــــبر غافي واللحد داره
وكلبي ياعلي جـــــــــــــمره وابد لاماطفت ناره
اصبر روحي بمصابك وعقلي خلصت اعذاره
يبو الحملات ماانساك ويظل رمضـــان تذكاره
دمعي ايهلي.غيرك شلي.وينك علي مات الولي
..............................................
شلون اتحملك كبرك وانته الفـــــارس الانزع
بصلاة الباري ياحيدر تدري وصايرالمصرع
تدري يطبرك بلحظه لفرضـــك ماردت تكطع
من دمك ردت مولاي اروع ملـــــحمه تصنع
ارجع علي.غيرك شلي.وينك علي.غيرك شلي
خادم الحسين.عدنان منعم

[الروح]

بوركتم لهذه القصيدة الموفقة
جزاكم الله خير الجزاء أستاذنا
تقديري

[ابوتكتم الخير]

عدنان منعم المبدع
موفق ومسدد قصيدة رائعه
يشفع لك الأمام يوم الورود
عظم الله لك الأجر

[قاسم حتروش]

عظم الله لنا ولكم الأجر بذكرى أستشهاد سيد الموحدين وأمام المتقين وقائد الغر المحجلين أسد الله الغالب مولاي علي بن أبي طالب (ع)