هل أهلال عيدك ليش ماجيت

[الروح]

العيد يحمل لنا نكبةً جديدة
وهذه القصيدة تحكي حالنا اليوم
منقولة

هل أهلال عيدك ليش ماجيت
طلع للباب عنك يسأل البيت

طلع وأدموع أمك لازمه الباب
وأنه ودمعي وحسرتي عليه مريت

صفنة موت ثق تاخذني مرات
من أذكر وعد بي انته ماجيت

أطشر ذكرياتك وأقفل البال
وعلى عالم صور لن ريح طبيت

أبعثرهن صورتك جي خاطر أنساك
ويمر صوت أشتبعثر مو ألتميت

يكسرة خاطري .. المشتم هوه الموت
أشفت من دنيتك وبساع ضحيت

أدري الوطن كعبه براسك يعيش
يالبراسي قلق وأظنون سويت

صوت أمك يمرني بوكت الغروب
ها مهدي عدل .. ها لاتظن ميت

هسه وليدي يمي ويرضع أحساس
توة بحضني نام .. وتوني لوليت

هذا وليدي يمي وصوته مسموع
شلون بساع يمشي ... وأنه ربيت

انه الضحيت اله ومساهرة الليل
وجبت عمري اعتلك .. وشموع طفيت

أنه التانيت صوته يصيح ... يــمــه
بكثر هزات وكتي بمهده هزيت

كبر مهدي علم ويكابح الريح
وشلت راسي بوكفته وبيه رفيت

وعكس أمك أكلك ماجنت هيج
جبل جنت انه اشوفك ماهتزيت

طول بطول جنت تفوت وياي
رحت عني بعداد الموته ضليت

جنت أتمنه أشوفك بأخر أيام
غير الموت بعدك ماتمنيت

يضيج ألموت وأنته رويحتك طير
أعرفك مامتت بسماك عليت

تعال بداعة اليسون العتاب
تعال وشوف بتك خابصه البيت

زغيرة علليتم يالناوي تروح
يالي بطول بنتك ماتهنيت

مو عن غايه أزعلك وأدري العتاب
يأذي المنجرح .. بس لا تأذيت ؟

يسر بخاطري وماردته مفضوح
ردت هواي اضمك مانضميت

كوة أحبس أدموعي وألحبر فاض
وهاي دموع روحي البيهه خطيت

أجيت وروحي تفتر بين الكبور
أريد أوصل لكبرك ماندليت

تدليني عليك بروح الاحياء
يحيّ برواحنه ولاتعتقد ميت

يبسمار عله صدري أدكه الايام
وثابت بالضلوع شما أندكيت

[مصحح المسار]

الأخت الروح اسمحي لي أن أرد عليك
بهذه الأبيات المتواضعة
هل هـــلال عــــــيدي وانا ملــــچوم
لـچن ســــــنة تــــــهاني العيد وديت
صفات البال گــــــوةوفكري مهمـوم
لونت القـــــوافي ودمـــــــعي رديت
اسحبت بسمارجرحي الـگيتة مثلوم
بقاية احـــــشاي زنـــجر ما تـأذيت
لـچن كلـش أذاني اشــــامت يـگوم
علة جرحـــل لبية يسـگف الــبيت
ويلم أعوان كثرة وسهمة مسموم
وتتبعة اناس عمية ويكسب الصيت
وبوحــدة تفـــرق نصــــــــــرة مهزوم
سلاحة ايصير چذبة وصدگة تشتيت
هل اهــــــــــلال عيد اناس مرسوم
مثل عيد القــــــــلوب البيض هنيت
أتبع بالحـــــبر رزقي المــــــــقسوم
أنة بماي الصلاة العـــــمر وضــــــيت
حاكم بالعقل بس آنـــــــي محكوم
اتبعت خرفان خوفي وذيــــب وليت
عجبني الليل خيمة اترجة معصوم
لـچن شمس النهار ابليس عـــليت
لهجت طهر ونظافة اصرخت محموم
لبن ماعون عندي وخمر حــــــطيت
أنة عيدي الفرح سويتة مــــشؤوم
من إيدي شربت المـــــــاي صبيت

وكل عام وأنت بخير
والصحة والسلامة وتقبل
الطاعات والأعمال

[زكي الياسري]

أجيت وروحي تفتر بين الكبور
أريد أوصل لگبــــــرك ماندليت


ساعد الله قلبكِ يا ام جعفر

لقد أسال هذا البيت دموعي و أعادني
الى يوم ٍ بحثت فيهِ كثيييييراً عن قبر حبيبي
في وادي السلام
:(

[كريم السعبري]

[CENTER][/CENTEالاخت ام جعفر السلام عليكم
ايامكم سعيده وكل عام وانتم بخير
اختي الغاليه ما اكثر الثكاله وما اكثر الفقراء المعوزين الى كلمة حنان الى شئ
يسد رمق الجوع ونحن كآهل الكهف لاعلم ولا خبرو
اختي الغاليه هذه لااعتبرها قصيده بل كتله من حزن
اسعدك الله في حياتك
ابو احمد السعبريR]

[الروح]

الأخت الروح اسمحي لي أن أرد عليك
بهذه الأبيات المتواضعة
هل هـــلال عــــــيدي وانا ملــــچوم
لـچن ســــــنة تــــــهاني العيد وديت
صفات البال گــــــوةوفكري مهمـوم
لونت القـــــوافي ودمـــــــعي رديت
اسحبت بسمارجرحي الـگيتة مثلوم
بقاية احـــــشاي زنـــجر ما تـأذيت
لـچن كلـش أذاني اشــــامت يـگوم
علة جرحـــل لبية يسـگف الــبيت
ويلم أعوان كثرة وسهمة مسموم
وتتبعة اناس عمية ويكسب الصيت
وبوحــدة تفـــرق نصــــــــــرة مهزوم
سلاحة ايصير چذبة وصدگة تشتيت
هل اهــــــــــلال عيد اناس مرسوم
مثل عيد القــــــــلوب البيض هنيت
أتبع بالحـــــبر رزقي المــــــــقسوم
أنة بماي الصلاة العـــــمر وضــــــيت
حاكم بالعقل بس آنـــــــي محكوم
اتبعت خرفان خوفي وذيــــب وليت
عجبني الليل خيمة اترجة معصوم
لـچن شمس النهار ابليس عـــليت
لهجت طهر ونظافة اصرخت محموم
لبن ماعون عندي وخمر حــــــطيت
أنة عيدي الفرح سويتة مــــشؤوم
من إيدي شربت المـــــــاي صبيت

وكل عام وأنت بخير
والصحة والسلامة وتقبل
الطاعات والأعمال

أبيات زادت بعض الأنين أنينا
القدير الشاعر مصحح المسار
رائع هذا الرد بكل تفاصيلهِ المؤلمة
وقاكم الله شرّ الفراق
وكل عام وأنتم بألف خير
ودي وتقديري

[الروح]

أجيت وروحي تفتر بين الكبور

أريد أوصل لگبــــــرك ماندليت


ساعد الله قلبكِ يا ام جعفر

لقد أسال هذا البيت دموعي و أعادني
الى يوم ٍ بحثت فيهِ كثيييييراً عن قبر حبيبي
في وادي السلام
:(

وساعد الله قلبكَ أيُها الطُهر :(
كلنا نُسقى من هذا الكأس
سبحان ربك الدائم
لا أراني الله بكم مكروه
تقديري

[الروح]

[CENTER][/CENTEالاخت ام جعفر السلام عليكم
ايامكم سعيده وكل عام وانتم بخير
اختي الغاليه ما اكثر الثكاله وما اكثر الفقراء المعوزين الى كلمة حنان الى شئ
يسد رمق الجوع ونحن كآهل الكهف لاعلم ولا خبرو
اختي الغاليه هذه لااعتبرها قصيده بل كتله من حزن
اسعدك الله في حياتك
ابو احمد السعبريR]

وعليكم السلام والرحمة
وأسعد الله أيامكم بحلول عيد الفطر
نعم ما أكثرهم لكن ربما لانشعر بآلآمهم إلا إذا عانيناها :(
فعلاً هذهِ كتله من الحزن ناغت ألمي فنقلتها لكم
شكراً لطيب مرورك سيد أبو أحمد
ممتنة منك جداً

[ابو ظاهر البركي !]

لاتنسين زينب من اجه العيد
اهي فكدت اعز مخلوق بالكون
تحلت بالصبر وتعايد الجاي
تخاف من اليتامه عليها يبجون
تجي روجت بجاها الحد الرموش
وحبس تحبس دمعها بنص العيون


الهمكم الله الصبر اختي ام جعفر
وجزاكم خيرا لصبركم

اعذريني اخيتي
خرجت هذه الابيات مع الدمع

[جودت الانصاري]

هل هلال عيدك وانت ما جيت
وبقت بيبانه ترابي ,,,, ,الخطاطير
نشدنه عليك زوار المحطات
وعفنالك خبر عند ,,,,,,,,, النواطير
ومن ايسنه من جيتك بهلعيد
قشمرنه خواطرنه ,,,,,,,, بمعاذير
وصبّرنه الرمش بكواغد العيد
وكلناله يجينه بعيد ,,,,,,,, الجبير

تقبلي سيدتي هذه الكلمات المتواضعة
وهي تنحني لجلالة حزنك الشفيف
ولو اطلقت العنان لجعلتها لوحة حزن بمداد من الدمع
ولكني كما يقولون ,, تواعدنه بدرب نضحك , وفاركنه البجي من سنييييييييين
وقد سمعت ذات يوم من احد خطبائنا الاجلاء ,, كراهة استدرار الدموع
الا في آل بيت الرحمه محمد وعترته الطاهره
فنحن الوحيدون في العالم الذين يتوجهون الى المقابر في الاعياد
احترامي وشكرا لحسن الاختيار

[ابوتكتم الخير]

الروح
ثلاث حروف بعد الألف واللام
تحمل هموم لاتعد ولاتحصا وهذه القصيدة المنقولة تثبت ذلك
أجيت وروحي تفتر بين الكبور
أريد أوصل لكبرك ماندليت
هيام مابعده هيام
رحم الله والديك ونسأل الله أن يلهمك الصبر