الى مولاي الأمام الصادق عليه السلام

[الشاعر خالد العلمي]

صوتنه بيك ارتفع …. للقنع والما قنع
يامام الجعفريه
*******************************************
من وصل عـــــهد الخلافه ....... يمّك الـــــدين ابتشر
ظهرت اعلومه اعله ناسه.........والفقه بيــــــدك ظهر
من بعد تحــــــريف اميّه ...... ..دكت اجراس الخطر
ونتفــــض عرك الهواشم ........بيك والجور احتضر
ظهرت اعلوم الحقيقه ...... والمحب حدد طريقه
ياامام الجعفريه
******************************************
اسست بســــمك مدارس ...... للعـــلم والمعرفه
باب علمــــــــك ما قفلته ..... دوم بابك ما جفه
منّه اخذ حتى المخـــالف ...... ما يهمك موقفه
المـــــهم دين الله عندك ....... يعله والكل تعرفه
علخلك علمك توزع .... ونته صرت بهايه منبع
******************************************
وحنه من علمـــــك اخذنه ..... ..منهـــــج وبي نفتخر
وصار اسمـــنه الجعفريه ....... وهذا بي اعظم نصر
واليــــــخالفـــــــــنه نكلّه ...... مذهبـــــــك منّــه يدر
راجع اصل الدين عندك ...... وبـــد ماتلــــــكه عذر
كل اصل صابك ذهوله ...... منبع الصادق اصوله
******************************************
منّـــــك أتعلـــــــمنه آيه ........عاشت ويانه العمر
من يصير السيف عاجز ..... بالقلم نكتــــب نصر
بالقــــــلم مولاي وحدك ...... حاربت راس الكفر
من عجز خصمك يذلك ....... سمّك بسيف الغدر
هذا ظنهم بالنهايه ..... تموت وتموت الولايه
******************************************
انته يلصـــــادق قضيّه ...... مو عواطف ونتهت
منهــــجك منهج عقائد ..... بيــــه هالأمه اهتدت
انته عــــايش بالظمائر ....وبسمك الشيــعه علت
ماتهمنه الدنيـــه بعدك .....حتى لو عنّــــه جفت
هذا عهد الجعفريه ...... ما نساوم علقضيّه

خادم اهل البيت خالد العلمي

[ابوتكتم الخير]

مبدع العلمي الشاعر
قصيدة رائعة
كلملت صادقة كتبت في صحيفة أعملك
ودي