القاموس العربي العالمي

[ابو محمد الاسدي]

اخي الكريم انا لم اسمع بهذه الكلمة من قبل لكن اذا ما وضعتها بجمله

ساعطيك معناها ان شاء الله

تحياتي
اخوي اذا عطيتك جملة صارت معروفة
هههههههههههههههههههه

[ابو محمد الاسدي]

مساعدة؟؟؟؟؟؟
هي شيء ملحق وليس اساسي
يمكن وضحت؟

[ابو محمد الاسدي]

طيب سؤال اخر
شنو معنى كلمة
خرنوب ؟؟؟؟؟؟

[طيار عراقي]

يعني طلعت تعرف معناتها واني عبالي متعرف

لان الموضوع نفسر للناس الي ميعرفون المعنى ههههه


الخرنوب على ما اضن نوع من انواع النبات

تحياتي

[ابو محمد الاسدي]

يعني طلعت تعرف معناتها واني عبالي متعرف

لان الموضوع نفسر للناس الي ميعرفون المعنى ههههه


الخرنوب على ما اضن نوع من انواع النبات

تحياتي
الخرنوب فعلا نوع من انواع النبات
اخسنت

[ابو محمد الاسدي]

سؤال اخر
شنو معنى كلمة ؟؟؟؟
(((((هنبوش))))))))

[عطر الجنآن]

سؤال اخر
شنو معنى كلمة ؟؟؟؟
(((((هنبوش))))))))




صراحه مااعرف و اول مره اسمع بالكلمة


بس حسيت معناتها


بخيل
يمكن:p

[ابو محمد الاسدي]

صراحه مااعرف و اول مره اسمع بالكلمة


بس حسيت معناتها


بخيل
يمكن:p

لا يا مشرفنا العام
هي ليست كذلك
.
.
للتوضيح
هي
كلمة عراقية بصراوية
لمرحلة من مراحل نضوج نوع من انواع الثمار

[ابو محمد الاسدي]

شنو السالفة ما في احد يبغى يجاوب
الهنبوش
هو

كلمة عراقية بصراوية
لمرحلة من مراحل نضوج التمر
وهو اول مراحل اصفراره
اي تحوله من الاخضر الى الاصفر

[ابو محمد الاسدي]

سؤال اخر
.
.
ما معنى كلمة
.
.
شوباش

[نورالنجف]

تسزذا أهل الخليج ماذا تعني هذهِ الكلمة ؟!

[ايمان احمد]

يعني ايه رقي . صوبا .

[طيار عراقي]

يعني ايه رقي . صوبا .

السـلام عليكـم ورحمـة الله وبركاته

اختي العزيزه الرقي او كما نقوله بالعراقي الرگي هو ما يطلق هليه اهل الخليج بالجح واهل مصر يسموه البطيخ الاحمر

للتوضيح اكثر هو خضار بحجم الكره تقريباً داخل احمر كثير المياه يحوي على حبوب سوداء

اما الصوبا ايتها الفاضله فهي المدفئه بانواعها الثلاثه الغازيه والنفطيه والكهربائيه


اتمنى ان اكون قد وفقت في ترجمة الكلمات وايصال المعلومه

تحياتي

[بهار]

للتوضيح اكثر هو خضار بحجم الكره تقريباً داخل احمر كثير المياه يحوي على حبوب سوداء
تعريف حلووو
عشرة من عشرة ^^

[عطر الجنآن]

ابو محمد

مادري والله كلمة غريبة هه

ترجمها اليها

عجزناا :p


نور النجف


هههههههههههههههههههههههههههه

الكلمة كتبتيها غلط هع

هي صحيح في النطق يقولها تشبه الا كتبتيها

الكلمة هي

تسذا

و معناتها كذا

بِ لهجة اهل الرياض و القصيم هه

:) ;)

[نورالنجف]

هي صحيح في النطق يقولها تشبه الا كتبتيها

الكلمة هي

تسذا

و معناتها كذا


هههههه .. مشــكورة خيتو للتوضيــح ..

[ملامح طفولة]

تعريف حلووو
عشرة من عشرة ^^

حلوة بهار هههه
الك 11 من 10 خخخ

[ايمان احمد]

شكرا اخو طيار

نحنا نقول للبطيخ حبحب مو جح يقولوها اهل الرياض

[ابو محمد الاسدي]

ابو محمد

مادري والله كلمة غريبة هه

ترجمها اليها

عجزناا :p

:);)


الشوباش
هو
المكسرات
الكرزات
مع الجكليت
والحامض حلو
والشامية
تجمع سوية وتقدم للخطار ايام العيد
او تنثر على راس العروس
او القادم من الحج
وتسمى ايضا
الواهلية
و
النثار

[عطر الجنآن]

شكرا اخو طيار

نحنا نقول للبطيخ حبحب مو جح يقولوها اهل الرياض




ايمآآن أنتين من وين ..؟؟!

حبحب سمعت يقوولوهآآ أهل مكة مآدري المدينه ...

أحنآآ نقووووول جح هع

[عطر الجنآن]

سؤاااااااااااال



وشو يعني كلمة

" جطل مادري شطل "



الصراحة الكلمة مافهمتها عدل :o

[زخات مطر]

سؤاااااااااااال



وشو يعني كلمة

" جطل مادري شطل "



الصراحة الكلمة مافهمتها عدل :o





ههههههههههه سجود
معناه شوكة الي تستخدم بالاكل
http://www.iraqna1.com/vb/storeimg/Iraqna1_1345186713_834.jpg

[عطر الجنآن]

هههههههههههههههههههههههههههه


اهاااااا


تضحك الكلمة الصراحة :D


وش دخل الجطل بالشوكة


مايناسب ابدددد ههههع

[ابو محمد الاسدي]

ما معنى كلمة
(سطل)

[س البغدادي]

يعني ...جدرية جبيرة نخلي بيهة المي
مو هيج

[س البغدادي]

يعني ...جدرية جبيرة نخلي بيهة المي
مو هيج

[طيار عراقي]

سطل = وعاء طولي الشكل يستخدم في العديد من الاشياء وبأحجام مختلفه

[ابو محمد الاسدي]

احسنتم
س البغداداي
و
طيار عراقي
.
.
سؤال اخر
ما معنى
جووين

[رسل السلام]

اعتقد حسب ماسمعت بيت الطين هههههه الجوين يعني زينين او قوييين اعتقد هذا الجواب

[س البغدادي]

سامع بيهة ..
بس ما اتفطن عليه

[طيار عراقي]

شنهي بويه عدكم شي يديد لا له

شو مامش كلمات عراقيه يديده ههههههههه

[فداء الزهراء ع]

السلام عليكم ورحمة الله

اشكرك اخي الكريم
على هذه المبادرة النافعة والموضوع الحلو والطريف والفكاهي

صراحةً آني اول مرة اطالع هذا الموضوع وقرأت ردود بعض الصفحات .. ولي عودة
وبالمناسبة هي كل الناس بالدول العربية لما يتكلموا عامي ما ينفهم اكثر كلامهم ..

تحياتي لكم .. الله يوفقكم

[منتظر العسكري]

ارجو من السيد كوكل ترجمة هذه الجملة العربية:

جيجان جان جايجي بالجبايش

[منتظر العسكري]

الى من باعوا ضيوفهم الى عربان داعش اهدي هذ المقطع:

ابد ما مامش مستحة ولاعيب واعيون البشر وكحه و حيل صلفات

يديدة اعلى العرب يا حيف, تبيع الضيف للعربان وسفة بخمس ليرات

[طيار عراقي]

السلام عليكم ورحمة الله

اشكرك اخي الكريم
على هذه المبادرة النافعة والموضوع الحلو والطريف والفكاهي

صراحةً آني اول مرة اطالع هذا الموضوع وقرأت ردود بعض الصفحات .. ولي عودة
وبالمناسبة هي كل الناس بالدول العربية لما يتكلموا عامي ما ينفهم اكثر كلامهم ..

تحياتي لكم .. الله يوفقكم


اهلاً وسهلاً بكم

حياكم الله وبأنتظار مساهماتكم في الموضوع

تحياتي وتقديري

[طيار عراقي]

ارجو من السيد كوكل ترجمة هذه الجملة العربية:

جيجان جان جايجي بالجبايش

شخص اسمه چيچان (چان - كان ) (چايچي - بياع الشاي ) بالچبايش وهي منطقه في محافظة العماره

تحياتي لك ايها الطيب

[فداء الزهراء ع]

الچبايش وهي منطقه في محافظة العماره



تصحيح :

أخي الكريم (طيار عراقي)
الجبايش قضاء بمحافظة الناصرية


وشكراً لكم

[منتظر العسكري]

اعط معاني الكامات التالية :

هوسة
جولة
عرد
زور
برداغ
عنبكي
زناد
تتن
قوطي
سوجر

تفكة
ورور
ريل
حرمس
احريشي
زقنبوط
كلاوجي
دماغ سز
واهلية
قربازي
اسليمة
طاسة
لولوة
لمبة
مس
جمجمة
جفجير
جراقية
خاشوكة
دوكة
جمالة
عوازة
لالة
استكان
خاشوكة
سكملي
قنفة
كرويته
دولكة
فاتية
لكن
غضارة
مغلية
تمن
تولة
باين باغ
باشكيرة
جماغ
امصلبخ
كشتير
خاولي
مخلبص
زوري
مسموطة
مهروثة
شيلان الزهرة
سيّاح
طابك
سدانة
بيدر
بلم
.........................


القائمة تطول وتطول واكتفي بهذا الحد بالمناسبة لا اعتقد ان الكثير من العراقيين يعرفوا هذه الكلمات العراقية

[rafedy]

ماهو معني
انيوزيش مان ييبش
ايدام
انا اعرفهن بس اشوف كوكلن شنونه
:D

[منتظر العسكري]

جواب:


انيوزيش مان ييبش
ايدام
انا اعرفهن بس اشوف كوكلن شنونه



ليش تيوز جا شنهي خايبة غمة ..........؟ عيب اذا ما تيبيش, تره الزلمة ما يرضاش,صخام بوشهج يل غمة

ها اغاتي اشلوني , مو احسن من كوكل

[س البغدادي]

أطكك طك ،،،
يعني شنو

[منتظر العسكري]

أطكك طك ،،،
يعني شنو




يعني :

افشخك فشخ

هسه ترجم لنا المعنى

[س البغدادي]

افشخك فشخ........،،
يعني جانت عايزة والتمت ،،،
هي الاولى بالكوة دبرناها ،،،هاي المرة افشخك فشخ ،،،
هاي اشلون انحلها ،،،،،
هههههههههه
تحية لكم اخي العزيز العسكري ،،،

[منتظر العسكري]

زين راح انطيك كلمة اسهل :

اردمك ردم

ههههههههههههههه
تحية لك اخي العزيز س البغدادي
اخوك ص الناصري
ههههه

[س البغدادي]

أردمك ردم ،،،
هاي خوش أطلابه ،،،،
ههههه
اخوك س البغدادي

[منتظر العسكري]

اعط معان الكلنلات التالية :

ليش ادردم تره موخوش الدردمة

[س البغدادي]

يعني لا تحجي هواي ،،تره الحجي الهواي موزين ،،،
بعد اخ ص ناصرية ،،
شو عندك من سالفة ،،،
هههههههه

[منتظر العسكري]

تره الدردمة موزينة تخلف وراه طركاعة وياما وياما دردموا اهواي وادم وتاليها الطراكيع نزلت على الروس

بالمناسبة ما اقصد الروس جماعة بوتين

[ام هاني]

ترا الكلام الهواي يوكعك بمشاكل كثيرة ودوخ بيها الراس اعتقد إهاي الترجمه الفوريه هههههه

[أنين البقيع]

يًعُطٌيًڳّ أِلًفِ أُلًفِ 6ـأًفُيٌهَ

مًوٌضًوَعً رَأِأٌأِئعً

وِجِهُوًدُ أِرُۇۈۉع

نُنَتُظِرّ مَزِيًدَڳُ

بِشّوُۇۈۉوّقِ

[طيار عراقي]

منورين اخواني واخواتي


تحياتي لكم

[ام هاني]

هلا بالطيار شنو جا هيا وليه ههههخخ

[أنين البقيع]

مشكور اخي بارك الله فيك واذا تحتاجون اي مساعدة اني حاضرة بكل وقت
والقاموس مهم لباقي الاعضاء الي من غير دول
بالتوفيق ان شاء الله

[طيار عراقي]

هلا بالطيار شنو جا هيا وليه ههههخخ

هلا ام هاني شلونچ خالتي

چا هي وليه

الوليه هي اجتماع اكثر من شخص ضد شخص واحد

اي نزاع غير متكافئ

لذا چا هي وليه تعني يعني شنو اكثر من واخد علينا ^^

[طيار عراقي]

مشكور اخي بارك الله فيك واذا تحتاجون اي مساعدة اني حاضرة بكل وقت
والقاموس مهم لباقي الاعضاء الي من غير دول
بالتوفيق ان شاء الله

مشكوره اختي متقصرين

تحياتي