جمع ادموعك اذا تبجيهه

[اياد الفرح]

جــمع أدمــوعـك اذا تبجــيهه واذكر حسـين السبط وجريهه
والله لو تدري الدموع أشبيهه منــك الزهــراء ثــق تشريهه
.......
بيــوم هــوله كــل نفع مـا ينتــفع
تحضــر أم حسيــن وبذاك الجمع
تــمــيز البـاجـي لبنهه المنـفــجع
منــك الزهـرة تجـي تــشري دمع
لكـن بيــا حــال مكســـورة ضـلع
تــشري عينــك والدمــوع البيهه
.......
انت مــوبس دمعك عــيونك تبـيع
وتفدي عمرك للشفيع ابن الشفيع
وتسكي جـبد البـثرة مكطع صريع
لا تضن اجــر الدمـع هــذه يضـيع
دمعك يروي عطش ابني الرضيع
ونـــار خيـــمة زيـنــب أيطـفيــهه
.......
مثــل دمعــك هــذه دم زينب بجت
وكــل مصــايبهه عليهه أترادفـت
طــاحت اجفــوف الكفــل وتسلبت
تنضـرب بسيــاط ضلت من مشت
طلعــت بـلا خـدر عـالـتل اوكفــت
صـــاحت وياهو اليجي يحــاميهه
......
أبجي لحسين البجتله ارض وسمه
وفاضت عيـون العرش لجله بدمه
ابجي أعيــونــك هــديه ألـفــاطمه
مايعــوفـــك عــلي حمامي ألحــمه
تدري دمعــك صار داء الكــل عمه
وكـــل علل أوجـــاعك أيشـــــافيهه
......
يا مصـــايب بجت عيـــون المصاب
هــذه دم حسيـــن ســـايل عالتراب
وخـــته زينب شـــافت اللون العذاب
جــم روايـــة بالــدمع وشجم كتاب
ذخـــر دمعك هاذ فــي يوم الحساب
جــمع أدمـــوعــــــك اذا تبجــــيهه
........
الخادم
اياد الفرح
2012

[البدري14]

اياد الفرح
----
الله الله
احسنت وتقبل الله اعمالك على هذه المعلقة
اجرك على الزهراء لا تنسانا من الدعاء
تقبل مروري بود

[فـــاتي]

بوركت مولاي
سطور رائعه
دمت بهذا العطاء

[اياد الفرح]

الشكر الجزيل للمرور الاكثر من رائع

[سفينة البحار]

نفعنا الله واياكم بالدموع الجارية لمصاب العترة الطاهرة
واثابكم عن كل حرف جنة
وحشرنا الله واياكم مع محمد وآله الاطهار
دام فيك هذا الابداع
تحيــــــــــــــــــــــــــــــــــــــــــاتي