قوافي الأيثار
23-10-2012, 10:50 AM
وين اليواسي بدمعته = طه النبي والزهره
ويعزي حيدر والحسن = والمنذبح من نحره
للباقر انهل الدمع = ونعزي طه المنفجع
بخامس سليل العتره
------
للكعبه يل رايد تحج = وطوف وسط الزحمه
هاك اخذ من عيني الدمع = وصله لنبّي الرحمه
وبالباقر احمل تعزيه = للمصطفه وضلع امه
ومن توصل الـگـبره انحي = عله اتراب گــبره وشمه
انه الطواف ادموعي = والحرم نار ضلوعي
والمسعه اشواط الحزن = بين النوايب والمحن
والقبله امست گبره
------
هالعتره ما شافت ابد = غير الظلم والاكدار
بسّم وسيوف الباشطه = گضو عمرهم احرار
اضلاع تبـگــه مهشمه = وطبرة علي حامي الجار
هاي المظالم يالنبي = تتنطر ليّــــوم الثار
يالهادي تدري بإمتك = غدرت يطه بعترتك
واحنه على هذا المنوال = عشناهه من حال وحال
أي والذي بيك اسره
------
هليله باقرنه انفـگـد = وهد العوالم فـــگــده
وبالنوح والهم والحزن = تنحب شريعة جده
مسموم ياويلي گضه = وبالسم تهرش چبده
وبمصيبته الدين انثلم = وجبريل ينحب عنده
بحر العلم والمعرفه = امصابه بيش انوصفه
لاجله الشريعه تنتحب = تحتاجه وغيابه صعب
وهيه التلوذ بكتره
------
وينه اليّصب من الحزن =نار الغضه بدمعاته
وبارض البقيع الطاهره = يوگف يبث حسراته
ويعزي جعفر مهجته = وينطي العليل آهاته
ويم گبره ذاك المنهدم = يسچب عليه عبراته
هليله ودع شيعته = والسم يوذر چبدته
من زغره دمعه هامله = وعايش مصايب كربله
وعاش ابمراره وحسره
------
من زغره عايش بالـگدر = ظل الإمام الباقر
وشاف المصيبه الراتبه = بارض الطفوف وعاصر
شاف الحسين ومحنته = لا من معين وناصر
ودموعه من ذاك الوگت = فوگ الوجن تتناثر
باحزان گلبه التستعّر = هموم خلص هالعمر
كل الذي صار وجره = محفور وسط الذاكره
والذكريات المـــرّه
-------
هذا البقّر بطن العلم = والامه هو احياهه
وراية محمد من ورث = ما قصر وعلاهه
نفسه الشريفه الطاهره = رب العرش صفاهه
وارث صفاته الطاهره = من حيدره ومن طه
لو گال حدثني أبي = مآخذ اجازه من النبي
ولجابر الانصاري = وصه حبيب الباري
لو شفته قبل ثغره
------
نار الحزن ما تنتطفي =ومن تنطفي نسجرهه
حزناً على آل النبي = ونوحاً على باقرهه
والنفس منك لو نست = بحسينهم ذكرهه
وخلي بضميرك فاطمه = وبالدمعه هاي انصرهه
هذا الحزن الهم وقف = والدمع بحره ما يجف
والدمع لعنه قائمه = ألكل الفئات الظالمه
وهالدمع اصبح ثوره
------
عمار جبار خضير
2008
ويعزي حيدر والحسن = والمنذبح من نحره
للباقر انهل الدمع = ونعزي طه المنفجع
بخامس سليل العتره
------
للكعبه يل رايد تحج = وطوف وسط الزحمه
هاك اخذ من عيني الدمع = وصله لنبّي الرحمه
وبالباقر احمل تعزيه = للمصطفه وضلع امه
ومن توصل الـگـبره انحي = عله اتراب گــبره وشمه
انه الطواف ادموعي = والحرم نار ضلوعي
والمسعه اشواط الحزن = بين النوايب والمحن
والقبله امست گبره
------
هالعتره ما شافت ابد = غير الظلم والاكدار
بسّم وسيوف الباشطه = گضو عمرهم احرار
اضلاع تبـگــه مهشمه = وطبرة علي حامي الجار
هاي المظالم يالنبي = تتنطر ليّــــوم الثار
يالهادي تدري بإمتك = غدرت يطه بعترتك
واحنه على هذا المنوال = عشناهه من حال وحال
أي والذي بيك اسره
------
هليله باقرنه انفـگـد = وهد العوالم فـــگــده
وبالنوح والهم والحزن = تنحب شريعة جده
مسموم ياويلي گضه = وبالسم تهرش چبده
وبمصيبته الدين انثلم = وجبريل ينحب عنده
بحر العلم والمعرفه = امصابه بيش انوصفه
لاجله الشريعه تنتحب = تحتاجه وغيابه صعب
وهيه التلوذ بكتره
------
وينه اليّصب من الحزن =نار الغضه بدمعاته
وبارض البقيع الطاهره = يوگف يبث حسراته
ويعزي جعفر مهجته = وينطي العليل آهاته
ويم گبره ذاك المنهدم = يسچب عليه عبراته
هليله ودع شيعته = والسم يوذر چبدته
من زغره دمعه هامله = وعايش مصايب كربله
وعاش ابمراره وحسره
------
من زغره عايش بالـگدر = ظل الإمام الباقر
وشاف المصيبه الراتبه = بارض الطفوف وعاصر
شاف الحسين ومحنته = لا من معين وناصر
ودموعه من ذاك الوگت = فوگ الوجن تتناثر
باحزان گلبه التستعّر = هموم خلص هالعمر
كل الذي صار وجره = محفور وسط الذاكره
والذكريات المـــرّه
-------
هذا البقّر بطن العلم = والامه هو احياهه
وراية محمد من ورث = ما قصر وعلاهه
نفسه الشريفه الطاهره = رب العرش صفاهه
وارث صفاته الطاهره = من حيدره ومن طه
لو گال حدثني أبي = مآخذ اجازه من النبي
ولجابر الانصاري = وصه حبيب الباري
لو شفته قبل ثغره
------
نار الحزن ما تنتطفي =ومن تنطفي نسجرهه
حزناً على آل النبي = ونوحاً على باقرهه
والنفس منك لو نست = بحسينهم ذكرهه
وخلي بضميرك فاطمه = وبالدمعه هاي انصرهه
هذا الحزن الهم وقف = والدمع بحره ما يجف
والدمع لعنه قائمه = ألكل الفئات الظالمه
وهالدمع اصبح ثوره
------
عمار جبار خضير
2008