شاركونا في (ابوذيات ولائية) مساحة متجددة

[سفينة البحار]

السلام عليكم ورحمة الله وبركاته
سنتخذُ من هذه الصفحات مدونة ولائية للأبوذيات
أتمنى من الجميع أن يتحفونا بما عندهم موفقين

:::
شيعة احنه يسامع منولينه
ويضل شباج حيدر منوه لينه
الكرامه البينه كلهه من ولينه
ولينه المرتضى حامي الحمية
**********************
مسرات وفرح هلت علينه
وبيهه على الخلك كلهه علينه
بامر الله النبي توج علينه
امير الكون حماي الحميه
********************
حط ايك على الحك من توالي
ولتوالي الجوهه من توالي
الكلب ردد يحيدر منته والي
الخلك كلهه بامر رب البريه
*******************
مثل نورك على الدنيه ولايه
والك عالكون يا حيدر ولايه
شاهد الك من الله والآيه
الوالي الباري والهادي او وصيه
******************
من الموالين الثابتين
ان شاء الله
تحيــــــــــــــــــــــــــــــــاتي

[كريم السعبري]

سفينة البحار ابدعتم ونعم الابداع
اتمنى لكم التوفيق وفي ميزان حسناتكم
السعبري

[زكي الياسري]

نعم و الله قمة الابداع يا شاعرنا العزيز ..
ثبتنا الله و اياكم على نهج امير المؤمنين عليه السلام

[مصحح المسار]

جميللل جداااااااااً
سفينة البحار

[القلب الاسير]

اجدت وابدعت وفقك الله لكل خير
احسنت اخي الفاضل
تقبل مروري المتواضع مع فائق تقديري
الاقل
احمد رفيش

[ابو ظاهر البركي !]

اللهم صل على محمد وال محمد

موفق سيدي الكريم وابيات رائعه بحق ولي الايمان والمؤمنين ابا الحسن والحسين
عليه السلام



خادمكم
ابو ظاهر البركي

[سفينة البحار]

الى كل من زار متصفحي :
شرفتموني ايما شرف رفع الله قدركم
واعلى منزلتكم .. وجعلكم من الثابتين على حب وولاية امير المؤمنين علي بن ابي طالب ( عليه السلام )
خادمكم الاصغر
تحيـــــــــــــــــــــــاتي

[الروح]

اللهم صل على محمدٍ وآل محمد
بوركت وتباركت روحك الموالية ايها القدير
لقد أجدت وأبدعت في الولاء
أقترح أن يكون الموضوع أبوذيات ولائية متجدد
وسيتم تثبيته فإن وافقتم على المقترح
سنغير العنوان الى أبوذيات ولائية متجدد بحبِ آل محمد
ودي وتقديري

[سفينة البحار]

يشرفني ان يكون هذا الموضوع مفتوح لابداعات الشعراء
واشكركم على ما منحتمونيه من اطراء
زاد الله توفيقكم
تحيــــــــــــــــاتي

[زكي الياسري]

موضوع يستحق الثناء و التثبيت


انه الحرف الكتب لحسين هاوي
عكس الي نِكر بالنـــــــار هاوي
أخط خجلان بين فحــــول هاوي
حروف الحب وداد و شاعــريـة

[مصحح المسار]

أضم صوتي علصوتك واليحب منـجاه
بذكر أل النبي ماأعظـــــــــمة منـجاه
يجي بوكت الحشر تعرف منـو منجاه
علي ساقي البشر يوم البلية

فكرة جميلة وستزهر في حب محمد وآل محمد

[سفينة البحار]

حيدر جاه لاكن جاه من جاه
ولكلمن واله يوم الحشر منجاه
ابد مارد خفيف ايدين من جاه
الشفاعة انريد يا حامي الحميه

[زكي الياسري]

تركـــت الخلق طرا في هواكا ... وايتمت العيـــــال لكي اراكا


عَليّ يارب چثيــره اْهمــوم طَرّن
لَوَنْ صابن صخـــر جلمـود طَرّن
إلك يــا رب تركـــت النـاس طـُرَاً
وفديت الدين بدمـــــــــاي الزكيه


اذا رُمت النجاة فزر حسيناً ... غداً تلقى الإله قـــرير عينِ



يمـــن تبغـى النجـاة احسيـــن منجاه
يحضره ابگبره ابو الاحـرار من جاه
وجيه ابمحشــر الثقليــــــــن من جاه
إله الكـون جــــــــــــــــاه ابن الزچيه


تحياتي لكم يا مبدعين

[صادق العارضي]

الله (http://www.imshiaa.com/vb)م صل على محمد (http://www.imshiaa.com/vb) وآل محمد (http://www.imshiaa.com/vb)
الله الله الله لهذا الابداع
سلمت الايادي وان شاء الله في ميزان اعمالكم

[صادق العارضي]

الله (http://www.imshiaa.com/vb)م صل على محمد (http://www.imshiaa.com/vb) وآل محمد (http://www.imshiaa.com/vb)

ان سمحتم لي بهذه المشاركة المنقولة
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه

يبو اليمه وحگ مسلم وهاني
احبك لاتظن حبك وهاني
بالمحشر سعيد انه وهاني
شفيعي انته يبن سيد البريه
مع خالص دعواتي للجميع بالتوفيق

[مصحح المسار]

أحروف مدحك يا علي بغيرك أبد مــاجن
بطران يكتب للشعر غزل بحرف مــاجن
غرگـان تيه بالعشـگ وافكارة بي ماجن
علي خليه عشـگ وشاعرية

[زكي الياسري]

أبوذيات عاشورائية
مع التحية لجميع المبدعين



و جرها
شهر عاشور لدمــوعــــــي وجرها
على الحُبهم جزه الشِرعــه وجرها
صدگ زينب شمر شدهـــا وجــرها
بحبل بت فاطمة و حامـي الحمية ؟
1 وجّرها اي اشعلها
2 و أجرها اي مودتهم اجر الرسالة
3 و جرها اي سحبها

ورضها
وصل ضعن النبـــي للطـــف ورضها
دهر قر بالجــــــرة الفاطـــم ورضها
صدگ داس العدو اضلوعه ورضها
إبنها احسين برض الغاضــــــــــرية
1 ارضها
2 رضّيها بالاقرار بالذنب
3 رض ضلوعه

وسكنه
يريت الگه صعيـد الهــــــــم وَسكنه
لعل بيهِ الدمع يرضـــــــــــى وسكنه
صدگ زينب يضربوهـــــــه وَسكنه
تِصيح الغوث بالنبــــــــــرة الشجية
1 اسكن فيه
2 اسكنه من تسكين الدمع اي انهائه
3 سكينة بنت الحسين عليهما السلام

وجبهه
الكفر و الحـگ لهـــم جبهه وجبهه
و ابو اليمـــه التـــزم هدمـه وجبهه
صـــدگ صابـــوا چبد منــه وجبهه
سبط طه النبـــي خيــــــــر البرية ؟
1 جبهة الكفر و الحق
2 مجابهة
3 جبينه

[سفينة البحار]

الك يقظة مشاعرنه وطفنه
على كبرك يا مه لبينه وطفنه
جسمك صار قبلتنه وطفنه
علم عزنه ارتفع بالغاضريه

[مصحح المسار]

يحسين أيام البشر طفلكم
أنوار دنيـانة وضــــوة طفلكم
من يوم حرملة غالة طفلكم
الدمع سـچاب لدماء الزكية

[قوافي الأيثار]

موفقين بحق سيد الشهداء بارك الله فيكم وبأقلامكم الحسينية الواعية
انا كتبت هذه الابوذية كمحاولة وهي لاترقى الى ما تنتجه ابداعاتكم المتجددة

انشدك يا هلال البين هل ييت
كلي بياوجه على الكون هلييت
اصدلك والدمع جمرات هلييت
واندب يا شهيد الغاضريه

[سفينة البحار]

عميه الدهر عينه من جفه النه
كاس وجان يشرب من جف النه
بقه عالنهر نايم من جفلنه
وصفيت ميسره عكبه وسبيه

[زكي الياسري]

لكت دمعـــي على خــدي وسيله

و اناشد كـــــل اليمـرنـي وسيله

اذا تملك يجار الهَـــــــــم وسيله

توصلني لصعيد الغاضـــــــــرية




يناس اجمــــــار بالدلال وجـرن

وبيابي العين صبّن ضيم وجرن

يناس اشعملن الإيــــــام وجرن
خذني ابعيد عن حامـــي الحمية




تحياتي لكل المبدعين


استاذ عمار ابوذيتك في قمة الابداع
حييتم جميعاً ان شاء الله


و عظم الله اجوركم في شهر الاحزان

[ابو ظاهر البركي !]

يبو فاضل دصت شوفك ترى من؟
اخلي عللخيم عكبك ترى من؟
المنايه علينه شو جنهه ترامن
بقت زينب تدير الغاضريه


عظم الله لنا ولكم الاجر ايها المبدعون



تلميذكم
ابو ظاهر البركي

[سفينة البحار]

السلام على اهل الابداع

الدنيه بيا وكت ينطق عدلهه
ودم حسين للكفه عدلهه
الميت منتصر يو لا عدلهه
ذبح سيف العدل دم الضحيه
ِ

[زكي الياسري]

الله عليك يا ابو ظاهر
و سفينة البحار
سحرتني ابياتكم البديعة و الله

أبو ظاهر بهــرنه ابنــــور بيتاه
و سفينتنه بحرها الگلب بي تاه
بيت ايشع حنين وشوگ بيت آه
قوافي ابيات شعّـــــــت شاعرية


تحياتي و اعتزازي

[مصحح المسار]

مجالس شيعة حية الي وصلهة
دنيــــــــة وديـــــن يترتب وصلهة
مو لطم اوبجــي منبعهة وصلهة
نصر احسين بالتقوة الرضية

[ابو ظاهر البركي !]

من اهد السقيفه انوو لقتلاك
ولاناصر ابد ماكو لقتلاك
امك هلأجت بالطف لقتلاك
تكول ويه ابني ذوله انصار اليه


تاج راسي الياسري
جزاكم الله خير الجزاء

تلميذكم
البركي

[سفينة البحار]

السلام على جبل الصبر ( زينب )

يدهري الكلب بالحسرات وجر
صفه المرفوع حاله النصب والجر
بجيدي الاثر من الدفع والجر
وبمتني اثر لسياط اميه

[زكي الياسري]

الله الله يا مولاي .. مبدع و الله


يدهري ضيم إنته اتصب وناصب
دمع من عيـن أحزانــــي وناصب
على طولك مياتـم هَـــــم وناصب
شمت بيه و علن حربه عليّـــــه

[زكي الياسري]

أناشد جيت أهل الـــــــراي وَشر
بزينب حاط جيـش الجــور وَشر
عليهه اومه ابچُفوف الحِقِد وَشر
أبو فاضل دره ابهـــاي القضية ؟

[مصحح المسار]

المحب دنياه هد نفسة وشرهة
غرايز متــــــــعة شبعهة وشرهة
ومحب الآل كشــــــفهة وشرهة
جراحاتة اودمعتة الحسينية

[سفينة البحار]

لون سال الدمع يحسين من دم
على مصابك وطول العمر مندم
بيك الدين يا مهيوب من دم
بدمك من نزف بالغاضرية

[زكي الياسري]

يمن دمعك لبو اليمــــــة تجاره
العليه ايزيد بعنــــــــاده تجاره
ابشرَك هاي والله انجح تجاره
ربحها اتشوفه ما بعـــد المنيه

عظـَّم الله اجوركم في شهر الآهآت

[سفينة البحار]

انا الما رايد بدمعاتي شهراه
عليه الحزن سيفه دوم شهراه
محرم صار يا مولاي شهر اه
بي نذكر ذبيح الغاضرية

[زكي الياسري]

السلام على رملة و ولدها القاسم ابن الحسن

يمن للحسن بوصافـــه وشبهه
جمر فكَدك حركَـ روحي وشبهه
تعال وشوف حال امـك وشبهه
شمع فرحة زفافــــــك جار بيه

[ابوتكتم الخير]

خيمنه


صحت عباس من بعدك خيمنه


بلهيـب النار مـن وجـت خيمنه


فزعنـه إعليك بالحومه خيـمنه


ونصيح بصوت أنهض يل الرجيه

[مصحح المسار]

أبو ذية ولاء للحسين تنظفه ممن يدعي ويرائي بالولاء
وهو متسلط متحزب فاسد سارق للحقوق وهارب من
الواجبات تجاه الله والوطن وطن أهل البيت وكربـــــــلاء
*******************
اليرائي احسين ردّ جدمة وشلهة
أخذ خيـــــرالبلد ينطـــي وشلهة
إل جهنم موعدة صوغة وشـلهة
واحنة اروح وي حامي الحمية

[سفينة البحار]

الى مولاي ابو الفضل العباس

كص الروس للعباس عاده
وموقف حيدر الكرار عاده
لبو فاضل خسر من يوم عاده
سقاي الحشر والغاضرية

[زكي الياسري]

تحياتي و اشتياقي للمبدعين الافاضل


يمن بس اليـــــــود أهلك يطاهه
الجنه و حيـف من ضدك يطـاهه
تعال وشـوف بــت بتــّـــــك يطه

زينـب لســـــــــــه بيـد الناصبيه

[ابو ياسر الكعبي]

فلنجدد الولاء لأهل بيت العصمة والطهارة
"


عیون الثار دم تـجدح تراباك


وکِلنه اعیون یالغایب تراباك


فِـدْوه ارواحنه المَقْدَم تراباك


یسیف البـاري یافـارس نَبیَّه


الكعبي

[سفينة البحار]

نورك نور الاكوان من لاح
ونجم فضلك بعيد وابد منلاح
ركبنه احنه بسفينه حسين ملاح
مانغرك وحك جده وابيه


لكل المبدعين تل من الود والورد

[ابو ياسر الكعبي]

الحزن فنّـي وفنـون الفـرح مولاي

وگـلبـي ابنـایـرات الهظــم مولاي

إذا مــو بـاب جـودك أدگ مولاي

یـابـاب التدگــه إچفـوف إدیّـــه

ولمن فتحوا لنا هذه المساحة

دُوَلٌ من المسك ومُدُن من البيلسان

[ابو ياسر الكعبي]

مـخاليب الغصص روحي مَتَـنـها
وشيوخ الجور عن باطل مَتَـنـها
الزهره إمن السياط إسْـوَد مَتَـنـها
وسْـوَد الفضه الـمتن الزجيّه
"
الكعبي

[ابو ظاهر البركي !]

يبويه جفوف يدي ويدمك
تدوف دموع عيني ويدمك
رقيه انه العزيزه ويدمك
يقدمونه ويراسك زاد اليه

ابو ظاهرالبركي

[ابو ياسر الكعبي]

البركي ابا ظاهر
كنت جميلا
ومازلت جميلاً
ودمتَ جميل

[سفينة البحار]

انا الماشاف كل أحد خيالاي
وعليه برايته يظلل خي الاي
راحت بيهم وردت خيالاي
من أحباب دلالي خليه[[/B]

[سفينة البحار]

الى مولاتنا الزهراء في ذكرى ولادتها العطرة

يمن حبهه سكن بالكلب والها
عن كل حب ومنهه الروح والها
فاء والف طاء وميم والها
الدرع يوم القيامة تصير هيه

[بلورة الذوق]

الزهـره أنـوار تتماطر سماها

ورثت من رسول الله سماها
البـاري من سِمه العَلیا سَماها

فاطـم بت مُـحَمَّـد والزکیَّه

[سفينة البحار]

الى امير القلوب ( علي بن ابي طالب ) عليه السلام

حيدر جاه لكن جاه من جاه
ولكلمن واله يوم الحشر منجاه
ابد مارد خفيف ايدين من جاه
الشفاعة نريد يا حامي الحميه