رأيات الحــزن يا شيعه عـلكوهه

[اياد الفرح]

رأيات الحــزن يا شيعه عـلكوهه
وزينب باللطم والنـوح واسـوهه
........
واسوهه أبلطمكم والبجي عالحسين
واسوهه ابمصايبهه اومصاب البين
تـــدروهــه وحيــدة بلا أهـل ماشين
اوذكروهه ابأخوهه الفاكـد الجــفين
ابمجالسكم لبــو السجــاد ذكــروهه
........
أجه شهــرالحزن والنــوح والعبره
شهــر ثــار الإمـام الحجة ينتـضره
يا جــرح المحـرم جـرحـك اشكبـره
جرح زينب يا جرح الجــرح يبـره
مظلــومة محــرومة انتو تــدروهه
.........
زينــب هــالشهر يـا شيـعه سـابيهه
وخيــمته الـشــمر نيــران شب بيهه
والارجــاس بـلا غــيــره تصد ليـهه
وعبــاس الــكــفــل أخــته يــخـليهه
مــا بيــن الكــفــر بعـــده يسلـبـوهه
.........
يسلبــوهه ويشبــون الخيــم بالنــار
ويشتموهه ويسبون الوصي الكـرار
عمت عينه الزمان إلـي عليهم جـار
بجه ألوح المصايبهه العرش منهار
بعـد عيــن الكــفــل ضلو يضربوهه
......
يضربــوهه وتحشم بالـكـمر عباس
تكلـه يا أبــو الغيـرة أوأبوالنوماس
هـم تـرضه يـواليـنه الخـدر ينـداس
يبو فــاضل يكـافـلني يبو الإحساس
هـانـلـكم أخـتـكـم مــن تـعــوفــوهه
.......
تعــوفـوهه غـريبة بلا فكر لا رأي
ما بين العســاكر والأجــانب هـاي
أختـكم لا خـدر لا حـامي لا حـماي
ولا واحـد يـروي العـايـله بالمــاي
وانـتم عالثرة نــومه وتـشـوفوهه
.......
الخادم
إياد الفرح

[الروح]

الله الله يالها من تذكرة ومواساة تفتت قلب الصم الصياخيد
بوركتم أيها القدير وأنتم تترجمون الولاء حروفاً غمرت بماء العقيدة
تقديري العميق

[رآحيل]

ماشاء الله من الأبداع كان هنا"
جزاكم الله خيراً أستاذنا العزيز
تحية

[سديم الفجر]

مأجورين ووفقكم الله لروعة ما تخطون في آل البيت
جزاكم الله خير الجزاء
ممتنين

[اياد الفرح]

عظم الله اجوركم جميعا

[ابوتكتم الخير]

أحسنت
أياد الفرح
عظم الله أجوركم
تشفع لك زينب

[الناقد]

الشاعر اياد الفرج ...عظم الله (http://www.imshiaa.com/vb) أجوركم في هذه الأيام
أيام عاشوراء الحسين (http://www.imshiaa.com/vb) علي (http://www.imshiaa.com/vb)ه السلام
وتقبل منكم هذا المشاعر الولائية الكريمة
دعواتي