في سفينة الحسين - ان شاء الله -

[سفينة البحار]

ونحن نستقبل شهر الدمع والاحزان لمصاب ابي عبد الله الحسين
ترتفع رايات الحزن وينتشر السواد ... لينشر الدمع على وجنات الموالين

بالآهات نرفع راية احزان ... الموالي يخط ( حسين ) بدمع عينه
ويستقبل مصايب شهر عاشور ... بلطمه على الصدر .. صرخة ونينه
حاء الحزن بسمك صاحت اليوم ... الدنيه لمصرعك صارت حزينه
يل مبجي الحجر والوحش والطير ... دمعنه لبس مصابك راهنينه
ايام الحزن كل يوم عاشور ... طول العام درسك بي قرينه
يل ذكرك فرض من اشرب الماي ...يريت وياك متنه ولا روينه
سلام الله على كلبك والكلب نار ... وسلام الله على صرخاته وانينه
وسلام الله على زينب والدمع سيل ... العلى دين النبي ظلت امينه
ما باعت خدرهه بشربة الماي ... بت راعي المكارم عارفينه
وسلام الله على بو فاضل والزنود ... سلام الله على يسراه ويمينه
سلام لجوده جاب الماي للناس ... وسلام لغيرته على اخته على دينه
( محمد ) هذا طفك كل سنه يعود ... وقميص حسين كل طف ناشرينه
( محمد ) شيل ايدك وادعي لله ... وحشم المنتظر خلي يجينه
مالت وامتلت كوملهه مولاي ... يوسف خلصن وعدن سنينه
مالت وامتلت وانته ادرى بالحال ... الايادي هواي ما بيهه الامينه
مالت وامتلت صفيهه مولاي ... نحس احنه بشركهه تشربكينه
مالت وامتلت شيعتك مولاي ... خاف نطيح كوم النه اشترينه
صيح حسين وانظر دمع العيون ... العلامه الآه والونه وبجينه
مجموره لمصابك كل الكلوب ... ( حسين ) انت الشفيع الذاخرينه
يل حبك سفينه اللي ركب فاز ... اخذنه وياك يا اوسع سفينه

تحيـــــــــــــــــــــــــــــــــــــــــــــــ ـــــــاتي

[صادق العارضي]

اللهم صل على محمد وال محمد
في ميزان اعمالكم

[سفينة البحار]

شكرا لمروركم الكريم
ايها الاخ العزيز
صادق العارضي

[ابو ظاهر البركي !]

الله اكبر

سيدي الجليل
وفقكم الله وحشركم مع خدام الحسين عليه السلام


استاذي الفاضل ....؛
اقف اجلالا امام كلماتكم الولائيه
فطوبى لكم خدام الحسين


يل حبك سفينه اللي ركب فاز ... اخذنه وياك يا اوسع سفينه

اتذكر بيت ابوذيه قلته عندما كنا نطبخ في الموكب
وحلم احد الخدام باننا مجموعون في سفينة واسعه
فبكينا وسقطت ادمعنا في قدر القيمه


فقلت
دمعنه وي طبخنه من ركبنه
وحلمنه بالسفينه من ركبه
صار العجب عدنه من ركبنه؟
اثاري حسين اجه وامه الزجيه


ياسفينة النجاة



تلميذكم البركي

[الروح]

يل ذكرك فرض من اشرب الماي ...يريت وياك متنه ولا روينه

أحسنتم اي والله لقد أجدت وأحسنت
بوركت الأيادي ايها القدير
ودي وعميق امتناني

[فضّه]

اللهم صل على محمد وآل محمد وعجل فرجهم الشريف


ياااااااااحسين

كلمات عذبه بعذوبة حب الحسين


احسنت احسنت احسنت واجدت جعلها الله في ميزان حسناتك ان شاء الله

[سفينة البحار]

ابو ظاهر البركي
كبير علي ان اكون من تلاميذكم
ولكنكم هكذا متواضعون
رفع الله قدركم وزاد شرفكم

[سفينة البحار]

الروح
شكرا لمروركم المعطر بالدعاء
وفقنا الله واياكم لخدمة محمد وآله الاطهار
تحيـــــــــــــــــــــــــــــــــــــــــــــــ ـــــــــــــــاتي

[سفينة البحار]

فضة
اسعدني مرورك ودعائك
رزقنا الله واياكم شفاعة الحسين
تحيـــــــــــــــــــــــــــــــــــــــــــــــ اتي