دمعة حميده

[عدنان منعم]

دمعة حميده .لمسلم تريده
ياعمي مسلم .راح.ياعمي مسلم راح.دمعة حميده
.................................................. ...
على جروف الجرح تنشد حمـــــيده اليـوم
عن مسلم يبو الســــــــــــجاد ماكـو علــوم
احس فوك الكلب طير المنـــــــــــايا يحوم
واحس صرح الابوي يا عمي هل مهـــدوم
مسلم تركني.بهجره فجعني.ياعمي مسلم راح
.................................................. .....
خاويت اليتــــــــــــــم من اول سنــــــيني
وتعود عالدمــع جفن الذي بعيــــــــــــني
بعد ياهو اليدللــــــــــــــــــني ويبـــاريني
شلون تعوفـــــــــــــــــني ونارك تجويني
حالي تهدم .هل دمعي من دم.ياعمي مسلم راح
..............................................
اه يحسين يتمــــــــــــــــني الدهر يحسين
تواسيني علا مسلم دمعـــــــــــتي البلعين
وين ارحل بعـــــــــد فركاك ارحل وين
ونار الغاضريه تســـــــــــــتعر صوبين
بعدك يتيمه.شوف الهضينه.ياعمي مسلم راح

لاترحل علــــــــيك الزهره يامـــــــسلم
تدريني زغـــــــــيره وبعدك اتــــــــهدم
سبيه شلون تقــــــــــــــبل والدمع من دم
ترضاها اســـــــــــيره وبعد اتيـــــــــــتم
بالغاضريه .بعدك سبيه.ياعمي مسلم راح
..................................................
مرمي من القصر ردتك تجي لحـــسين
يوم الطف عليه من حاوطت صوبــين
وحيد اليوم يابويه وبلايه معــــــــــين
وابو فاضل صريع مكطع الجــــــــفين
لوعة مصابك .تجرح احبابك.ياعمي مسلم راح
.................................................. ...
اكطع ظنتـــــــــــــي وطولك فلا شوفه
وصارت ســــــلوتي وي الوالد طيوفه
اكصدنه انه وعلي وللمــــوت مااعوفه
لوعة كربله لو لوعة الـــــــــــــكوفه
شاهد وضعنه.هالطف فجعنه.ياعمي مسلم راح

خادم الحسين عدنان منعم

[الروح]

السلام على مسلم ابن عقيل وعلى يتيمته
بوركت الأيادي ايها القدير
جزاكم الله خير الجزاء
مأجورين

[سفينة البحار]

رائعة هذه الكلمات
التي اسبلت الدموع لقلب حميدة المفجوع
بمصاب السفير مسلم بن عقيل
لك دعائي بدوام الموفقية

[ابوتكتم الخير]

عظم الله لكم الأجر
في ميزان حسناتك
ودي

[قاسم حتروش]

عظم الله لنا ولكم الأجر
جعلها الله في ميزان حسناتكم