حرقوا خيمنه يحسين ( نزله )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حرقوا خيمنه يحسين ( نزله )
ــــــــــــــــــــــــــــــــــــــــــــــــ
حرﮔــــوا خيمنه يحسين === واويلاه
يوم العفتنــــــــــــه يحسين === واويلاه
ــــــــــــــــــــــــــــــــــــــــــــ
خويه يحسين يبن حيدر علي الغالي
ﮔلبي محتار ﺑﭼت حتى السمه الحالي
غابت أنوار جفتني إو ما ﺑﮔﻪ والي
واني ظليت وحيده إو نار تبرالي
راحوا أهلنه يحسين === واويلاه
يوم العفتنــــــــــــه يحسين === واويــــلاه
ــــــ
ذوّب الروح ألم منهو اليداويها
ظلت إبنوح على ﻓﮔدك يواليها
إنهض إو شوف عَسَه إتطيب إو تحاﭼيها
إسمع الآه يخويه من بواﭼيها
يسعر ألمنه يحسين === واويلاه
يوم العفتنــــــــــــه يحسين === واويــــلاه
ــــ
خويه يحسين ﻋﺷﮓ يمشي إبشراييني
ﻋﺷﮔك الدوم أحسّه من تحاﭼيني
يلعشت نور ملاها روحي وإسنيني
واﻟﻌﺷﮓ راح بعد منهو اليداويني
ضايع حلمنه يحسين === واويلاه
يوم العفتنــــــــــــه يحسين === واويـــلاه
ـــــــ
دمعة العين تصب نار إبوسط روحي
ﺗﭼوي هالنار فؤادي إو تلهب إجروحي
واني ظليت وسط همّي إو عظم نوحي
وإنت ياريت يخويه تسمعه البوحي
أشرح وضعنه يحسين === واويلاه
يوم العفتنــــــــــــه يحسين === واويـــلاه
ــــــ
ريت العيون عمت ما شافت إجروحك
ريت الأرواح مضت فدوه لجل روحك
أدري يمهيوب لجلنه ياشهم نوحك
أدري يمولاي إلي إتريده يظل بوحك
غابت شمسنه يحسين === واويلاه
يوم العفتنــــــــــــه يحسين === واويـــلاه
ـــــ
خويه الأطفال عطش يسري غده بيها
راح عباس هذاك اﻟﭼان يرويها
خافت النار تشب تمشي ﺗﭼــوّيها
ﮔوم يحسين خلص صبري يواليها
غايب ﮔمرنه يحسين === واويلاه
يوم العفتنــــــــــــه يحسين === واويـــلاه
ــــ
خويه الأصوات تراﻓﮔني إو تناديني
وين الحسين طفل يصرخ يَضَي عيني
وين الحسين أريده إبزود يحميني
حايره إشلون أجاوب ياعمد ديني
لاهب جمرنه يحسين === واويلاه
يوم العفتنــــــــــــه يحسين === واويــــلاه
ـــــ
خويه يانور مله الدنيه يضوّيني
راسك الصار عجب نوره يباريني
وأسمع الصوت يزينب من يحاﭼيني
ﺻﺑرﭺ اليوم يزينب هُوّ يشفيني
تدري إبأمرنه يحسين === واويلاه
يوم العفتنــــــــــــه يحسين === واويـــلاه
ــــ
خويه الأحزان ملت ﮔﻟبي إو عله جمره
ريت هاليوم تجيني أمّي الزهره
تحزن إوياي تشوفك ﺗﺳﭼب العبره
تمسح إجروح جبينك أمّك الحرّه
تعرف صبرنه يحسين === واويلاه
يوم العفتنه يحسيــــن === واويلاه
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld3ki98102.mp3.html (http://www.facebook.com/l.php?u=http%3A%2F%2Fwww.wlidk.net%2Fdld3ki98102.m p3.html&h=KAQHl1RjEAQHJKra8D3bxkxZ1bnUcKvoINTktYujlJtVRyA&s=1)





(http://www.facebook.com/photo.php?fbid=499485746739783&set=o.171070826275895&type=1&relevant_count=1&ref=nf)

[سفينة البحار]

النجفي
احسنت واجدت
جعلها الله في ميزان اعمالك
لك دوام التوفيق
تحيــــــــــــــــــــــــــــــــــــــــــاتي

[وسام القاسمي]

احسنتم وبارك الله فبكم

[قاسم حتروش]

أحسنتم أستاذ جابر النجفي
جعلها الله في ميزان أعمالكم
وعظم الله لنا ولكم الأجر

[جابر النجفي]

النجفي
احسنت واجدت
جعلها الله في ميزان اعمالك
لك دوام التوفيق
تحيــــــــــــــــــــــــــــــــــــــــــاتي


ـــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت سفينة البحار
اشكركِ وعظم الله اجوركِ

[جابر النجفي]

احسنتم وبارك الله فبكم
ـــــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخ وسام القاسمي
اشكرك وعظم الله اجورك