نزلة زينب وابيها ع عن العباس ع .... احمد رفيش

[القلب الاسير]

طب عليهم ..... يحيدر ...... طب عليهم
بوية بالحمومه جفيلي شرد اكلك من نزل
صاح انه العباس وارث صيتي من خير العمل
احمي عن حسين بالطف واحمي اسوار الاهل
اني صورة بعين زينب واني مفتاح الامل
طب عليهم الكمر .... معتني صوب النهر
هد زلهم ......... يحيدر .......... طب عليهم
ياعقيله هاشم احجي من رجع صوب الخيم
امري يالحوراء كلي وعاين بوجهي ابتسم
جودي يمج يالعقيله ويمج جفوف وعلم
كتله ماي اتريد اختك والنهر كله انهدم
برز عباس الشهم .... والنهر رد بي يلم
من بجيهم ..... يحيدر ..... طب عليهم
كلي يالحوراء زينب شوفي اخوج وصولته
ورد يطوف الجيش كله وعالي رفت رايته
واني اشوف السيف يصهل والركاب الحنته
والنهر عطشان خايف دمه فاض بجربته
مابقت كل الزلم .... بيها ضل يهدم هدم
مارحمهم يحيدر ..... طب عليهم
طشر صفوف ال اميه ومثلك انت كرها كر
عالطفوف يصول سيفه ولاوه بي كل الدهر
الشهم بجفوفه يرسم عالنهر احلى الصور
والشبل من رد عليا فارس بهيئة كمر
وسيفه بيهم من حوه .... اختنك حتى الهوة
وشل اديهم .... يحيدر ..... طب عليهم
...............................................
بيده شال الماي بويه براحه شده من الجروف
كلها فرت منه طاحت والبقت شلاها خوف
شال سيفه وصاح هذا هو صكار السيوف
بويه مو بس سيفه سولف سولفن حتى الجفوف
من نزل للمشرعه ....السيف بيهم شبعه
وهده بيهم ...... يحيدر ..............طب عليهم
الاقل
احمد رفيش

[وسام القاسمي]

بارك الله فيكم وجعلة الله في ميزان حسناتكم

[رضا الله غايتي]

جزاك الله خيرا
كلمات جميله

[القلب الاسير]

وشكري الجزيل لمروركم القيم احبتي
الاقل
احمد رفيش

[صادق العارضي]

الله (http://www.imshiaa.com/vb)م صل على محمد (http://www.imshiaa.com/vb) وال محمد (http://www.imshiaa.com/vb)
الشاعر المبدع احمد بارك الله بك
قصيدة رائعة

[القلب الاسير]

جل احترامي وفائق مناي لمروركم القيم
الاقل
احمد رفيش