وينك يراعي الزود ( قصيدة دارمي )

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

وينك يراعي الزود ( قصيدة دارمي )
ــــــــــــــــــــــــــــــــــــــــــــــــــ ـــــــ
وينك يراعي الزود ياساﮔــي الماي === أطفالك إيصيحون هسّه اﻟﮔمر جاي
ــــــــــــــــــــــــــــــــــــــــــــــــــ ـــــــ
أطفالك إيصيحون هسّه يجي الجــــود == عمنه الأبي هيهات يتركنه أبو الزود
لازم يجي إو نتناه ولزينب إيعـــــود == واني أسمع الأطفال والحيره ويّاي
ــــــ
واني أسمع الأطفال تصرخ يبو الجاه == هـــــــذا العطش ﭼتــــال وإﺑﮔلبي الآه
والحيره تملي الروح أنخه يربّاه == صبّرنـــي يامعبود بمصيبتي هاي
ـــــ
صبّرني يامعبود بمصيبتي اليــــــــوم == أطفالي كُلها إتصيح عطشانه وإتحوم
وإنتَ يماي العين متوسّد الحــــوم == عني غبت عباس ياروحي وإدواي
ـــــ
عني غبت عباس فارﮔت الحسين == لا رايــــه لا ﭼفين عندك ولا عين
تيهنه جودك راح ما ندري لاوين == تنسانـــي ياعباس ما ظن يعيناي
ــــ
تنساني ياعباس ما ظن يغالــــي == وصّاك أبو الحملات حيدر يوالي
تكفلني يامهيوب تضوي الليالي == وأﺑﮔﻪ أشوفك دوم يامرهم إحشاي
ــــ
وأﺑﮔﻪ أشوفك دوم يمّي يمهيــــــــوب == يوم الرحت للماي ﮔلبي بده إيذوب
ما ظن بعد أﻟﮔاك والشفته مكتـــــوب == من إنتَ عنّي إمشيت لازمني الداي
ـــــ
من إنتَ عني إمشيت زادت حسرتي == روحـــي مشت ويّاك وأحبس دمعتي
بعدك تظل للدوم ﺗﭼــوي جمرتي == يابو الوفه المغوار ياضيها دنياي
ــــ
يابو الوفه المغوار ريت المنيّــــــه == تاخذني وأمشي إوياك ما ظل سبيّه
لكن حكمني البين وأﺻﻓﮓ بديّـه == ﻓﮔدك يروح الروح آلمني بعضاي
ــــــــــــــــــــــــــــــــــــــــــــــــــ ــــــــــــــ
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dldyja99165.mp3.html (http://www.facebook.com/l.php?u=http%3A%2F%2Fwww.wlidk.net%2Fdldyja99165.m p3.html&h=1AQHkQU-bAQFL2Y_tpEOtYUAVW1VxYiL7bJViwS3sf6YNVQ&s=1)