إلى الشعراء الكرام....الإعلان عن مسابقة (شاعر الحسين)عليه السلام

[الناقد]

بسم الله الرحمن الرحيم ...وصلّى الله على محمدٍ وآلِه الطيبين الطاهرين.....

عظّم الله أجور المؤمنين الموالين في مشارق الأرض ومغاربها ....في هذه الأيام ، التي هي من أشدّ الأيام على قلوب محبّي أهل البيت عليهم السلام....ففيها سال دمٌ من أنقى الدماء...على ثرى كربلاء... دم الحسين سيد الشهداء ....قُتِل ظمأناً مع أهله وأصحابه من قبل شرّ أهل الأرض...ولا زال دمه وظمأه شمسا حريةٍ ما غربا يوماً....


أخوتي الشعراء ....شعراء الأنا ...وشعراء أهل البيت ...الذين لم يجفّ نبع موالاتهم أبدا ....أود الإعلان عن مسابقة (شاعر الحسين) ، للشعر الشعبي ، علما أن المسابقة في العام المنصرم قد أعلنت عنها الأخت العزيزة أم جعفر ، وفاز بلقب شاعر الحسين فيها الشاعر القدير (ابو ياسر الكعبي) والذي نفتقده كثيرا بسبب ظروف خاصة ، ونتمنى عودته إلى بيته الأنا، بيت شعراء أهل البيت جميعا....


شروط المسابقة:
1.يجب ان تكون القصيدة (إلقائية لا منبرية) من الشعر العمودي أو الحر، ولا تزيد على خمسة وعشرين بيتا اذا كانت من الشعر العمودي ، ولا تزيد على خمسة وثلاثين شطرا اذا كانت من الشعر الحر.
2.على القصيدة ان تكون خاصة بالامام الحسين عليه السلام، وما يتصل به من أحداث جرت في كربلاء.
3.على القصيدة أن تكون مستوفية شروط الكتابة على وفق بحور الشعر الشعبي...وما عداه تكون القصيدة خارج المنافسة.
4.ستكون هناك لجنة مختصة من نقاد يحكمون بين النصوص، ويكون قرارهم هو النهائي.
5.توضع القصائد كمشاركة في نفس الموضوع، ويكتب أعلاها قصيدة خاصة بمسابقة شاعر الحسين.
6.المسابقة تبدأ من لحظة الإعلان عنها، أي 15/محرم وإلى 6/صفر...وسيتم الإعلان عن القصائد الفائزة في يوم 10/صفر.


الجوائز:
-الفائز الأول سيتم منحه لقب (شاعر الحسين)، ومبلغ عشرين دولار، أو ما يقابل قيمتها رصيد شحن موبايل.
-الفائز الثاني سيتم منحه لقب (شاعر الحسين)، ومبلغ عشرة دولار، أو ما يقابل قيمتها رصيد شحن موبايل.
نتمنى من الأخوة الشعراء المشاركة الفعالة ، لإحياء هذه المنافسة الشريفة في حب الحسين عليه السلام بغض النظر عن النتائج ، إنما المهم المساهمة بنشر قضية الحسين عليه السلام بأسمى الشعائر، وهو الشعر.
أتمنى للجميع التوفيق والسداد في نشر فضائل آل محمد عليهم السلام...ومن الله العون.

[نجف الخير]

السلام عليكم

بارك الله فيكم استاذنا الناقد العزيز على تواصلكم المثمر والى المزيد من خدمة اهل البيت عليهم السلام

اشكر جميع الشعراء الكرام مسبقا على مشاركاتهم الطيبة واتمنى لهم الموفقية والنجاح

دمتم بود

[الروح]

دكتور بوركت الايادي لهذا الجهد القيم
ونتمنى ان نرى الاسماء تلمع في سماء الشعر
انه لشرف ان يشارك الادباء بروائعهم في حب الحسين
ود واحترام

[سفينة البحار]

بوركت مساعيكم وجهودكم المبذولة
في سبيل اعلاء كلمة
يا حســــــــــــــــــــــــــــــــــــــــــــين
لكم مني دعاء بدوام التوفيق
ولنا عودة ان شاء الله

[المتجرد الأول]

الناقد
نسأل الله أن يوفق الجميع كما وفقكم لهذه المسابقه
ونتمنى أن تكون المشاركة جدية من شعراء الأنا
وجدية كذلك من المشرفين
موفقين

[سديم الفجر]

السلام عليكم وعظم الله اجوركم
وبارك الله بسعيكم
ان شاء الله نرى قصائد الشعراء الافاضل تزهو في المنتدى
موفقين دكتور

[عازفه الليل]

تسلم الايادي

[امير الاعسم]

السلام عليـكم ورحمة الله وبركاته
اين ارسللكم القصيدة وهل يكنني ان اشارك بقصيدة والدي فانا هنا اكتب عن لسانه

[الناقد]

السلام عليـكم ورحمة الله وبركاته
اين ارسللكم القصيدة وهل يكنني ان اشارك بقصيدة والدي فانا هنا اكتب عن لسانه

الأخ العزيز أمير الأعسم ...
يجب ان يشارك الوالد باسمه في المسابقة ....أو ان تنزل القصيدة باسمه عن طريق عضويتك ...
وتوضع القصائد هنا في نفس الموضوع ...
تقديري

[كريم السعبري]

اليحب حسين يتوفق اكيد
وفائز الحبك يبن حيدرعلي

[امير الاعسم]

السلام عليكم ورحمة الله وبركاته
هذه قصيدة والدي محمد الاعسم ا تمنى ان تعجبكم

أريد الطم على صدري ****** واذب ادمايه من عنده
على اللي صابة المثلث ***** ومن ظهرة طلع چبده

*************************************
اريد الطم علي صدري ****** بجور وصدري يتألم
علي مصابك يبو السجاد ****** وانصب بالگلب مأتم
واصبن دمع صب السيل ****** من عيوني يهمل دم
وجفني الدمع لو شح بي ****** بالدم گلبي اليرفده


اريد الطم علي صدري ****** وادگن حيل مو بهداي
وحشم كل اهل بيتي ******* تشارك باللطــــم وياي
علي البالطف گضه ضامي *** يويلي وما سگوه الماي
ومن شدة ضماه يلوج ******* وماصح ماي اليبرده

**************************************
اريد الطم على صدري ****** وخلي الي يصير ايصير
واشيلن قامتي بيمناي ********* وطبر هامتي تطبير
على الي طاح بارض الطف ******و جثته موذره توذير
ولا سالم الضل بيهه ******* كتر وتعرفه من عن عنده


آريد الطم علي صدري ******* واصيح احاه الويل الويل
والزم للظهر زنجيل ********* ودگ شعندي قوه وحيل
علي اللي جثته بالميدان ****** وبصدره تدوس الخيل
ما أترك بجسمي مچان ****** من الضرب ما جلده
***********************************
أريد الطم علي صدري ****** وخلي اللي يلوم يلوم
بثوب الحزن لاتوشح ******* وسود اصبغ شعندي هدوم
علي اللي منذبح عطشان ****** اريد اعلن حزن للدوم
يضل طول العمر دايم *********** ماتنهي ابد مده
*************************************
اريد الطم على صدري ****** وانوح بروح مهضومة
اصيح الله اكبر حيل ******** طاح حسين بالحومه
ومثله گبله لا ما صار ******* ولا مايصح مثل يومه
ماصار وابد مايصير ********** لا گبله ولا بعده
**********************************
أريد الطم على صدري ****** وعلي كل فرح ممنوع
واصيح بوجه كل الناس ***** مو بيدي الگلب مصدوع
چا داري بمسرة اتعيش ****** وبيت ام الحسن مفجوع
بهذا جزه نجازي شلون ********* امه فاطمه وجده

**********************************
أريد الطم علي صدري ****** وخلي اللي يگول يگول
وما يبطل دمع عيني ****** يضل طول الوكت مهمول
عله اللي ما نهضله معين ***** وبسيوف الغدر مچتول
وغدت تتفاخر بچتله ******** العن الدين مرتده


أريد الطم علي صدري ******** وگولوهه علي مجنون
اصيرن عابس الثاني ******** بحب حسين هم مفتون
اليحب محبوب حي ويا ****** وحبيبي مگطع ومدفون
وروحي تحوم يمه بشوگ ******** وهو متوسد بلحده

أريد الطم على صدري ********* والطم عالوجه و الراس
واصيحن وين ابو الشيمة ******* راعي الفضل والنوماس
يوسفة غاب اخو زينب ********* مرمي عله النهر عباس
وكل چف من گمر عدنان ****** طاح انفصل عن زنده
***********************************
أريد الطم علي صدري ******** واتذكر رضيع ينوح
يفرفح من لهيب ضماه ******** وكل لحظه تعيفه الروح
جابه حسين لجل الماي ********* رد بي للخيم مذبوح
يفطمه حرمله بنبله ********* ومن شخصه فرغ مهده

أريد الطم علي صدري ***** علي البالطف دنه المحتوم
جسمه بالدمه مرمل ******* ومن الماي ضل محروم
واضل بس اندب بأسمه ******* واويلي علي المظلوم
شعملت كربله بحاله ******* واخوته وصحبته وولده

[مصحح المسار]

قصيدة متواضعة في حضرة الحُسين (( عليه السلام ))
يحرم ُالحرف منها تحت تراب قبته وراية عزاءه السوداء
(( من نحرالحُسين))...قصيدة خاصة بمسابقة شاعرالحُسين
*******************

من نحر الحُسيــن انخطــــت الأحكام *** وبماي الكفيــــل اتوضت الأيــام
شرايع دين ســــجدت بالطفوف تنوح *** تِحنت من دمائة اوحنت الاسلام
كتاب الله يـُسمع علرماح أصــــــوات *** آذان الصــلاح أو هديت الأقوام
بيارغ جـــود زحفت طــــبت الميدان *** ولبيرغ مصـابة وزعتهة اخــتام
تراب الـــگاع سجل للنـــبض مــالوم *** مايلام لو صــلة علجنازة اوگـام
وحُمرة اتفيض من دمل طهر نيشـان *** بصمة علســماء بطــلت الأعوام
وقائع شـــوف خيال العـــمر ملـچوم *** بس قلة بحـــياض الموت تهتـــام
نصرمرصودوافعال الخلـگ قطرات *** وهذر لاقوال سيل ايوگـع الهـــام
وصل الدين وي دنية العهد مكـــتوب *** صحائف حررتهة وكتبت الأزلام
صليل اسيوف وي جيش الصدگ موعود
صــــــفاء الروح قــــوة اتثــــــــبت اقدام
منابر كــــربلة رجز المـــعارك دوم *** رياض اوللشهادة تفوح بالانــــسام
اجت ولحضـــــرتك إبلمـــت موالين *** جموع اتـــحدرت ماتنحسب أرقام
تواعـــــدهة الزمن جدم ابجدم تاريخ *** ونواصب سلطة بس اتوقع اعــدام
اجتــــك والدمـــوع تلالـي والرايات *** علة دربك تـــرفرف رحمة وانعام
قـــوافل علطريق تفـــوج تـگبل ليك *** وحدهة المصير ومـدرك الأفـــهام
ضيوف علضيوف وخدمة امعزبين *** بمزاد أهلل فضــل بيه الربح أكوام
وريد الكون شريان الأرض توجيـه *** بمنـــازل تضحية روتــهة بالإلـهام
خــرايط تنطوي تتفتح الصـــــوبين *** عباس اوحُسين الوجـــهة والإحرام
اونساء اتحجبت لبس الــسواد ايلوح *** يم گــــبتل العقيلة اوحـــرگ الخيام
كرامــات اومعــاجز طـــلبة وانذور *** وايادي تنــــرْفع تتــــيقن الإكـــرام
يــا أرض الحُسين أقـداس ومـوالات *** ابن حيدر علي محراب ما ينــضام
تظل كعبت طواف اوذخر للصعـــبات *** تـــأر الله سكــــت ْ كلـــل اقـــــزام
تقابل هيـــــــبتك يحــــــسين تتحداك *** خلود ادماك كسّر ســـيف الاصنام
عبيـــدالله ويــــزيد بســـفر مــــلعون *** وسفرك بالصلاة علة النبي قـــوام
عاشوراء مدار الجاذبـــية اوطيـــف *** لايوم أو كيومك ماضي او جــــدام


خادم الحسين – مصحح المسار
أبو عبدالله الخفاجي
22/محرم 1434هـ/ 7/12/2012

[ابوتكتم الخير]

أسأل الله بحق الحسين أن يوفقكم لكل خير
شكرا لهذه الجهود

[سفينة البحار]

بسمه تعالى


( جفن الصبر )

قصيدة خاصة بمسابقة (( شاعر الحسين ع ))


زينب بالصبر ترست جفنهه

وطيور افراحهه بعدن جفنهه

ليل – 11 – من غمض جفنهه

اشافت بت علي وبت الزجية

.................................

غمض جفن الصبر ليل – 11 – لحظات وشافت من بعيد الكمر كاملهه

عاف على النهر جفين . راية . وجود وأجه بلا نور خاف عيون اميه تعاين لظلهه

اجه وجاب الدمع وي جيته ابو النوماس واحزان النهار بليله كملهه

مطرت عالوجن غيمة عذاب سنين وآيات العذاب الحزن رتلهه

صاحت يالكمر مو آنه زينب كون ومو انته الكمر عباس كافلهه

مو آنه وديعة حيدر الكرار ومو انته الكدت بيدك محاملهه

نايم عالنهر يا خويه وآنه هنا وحيده والهضم للروح شاغلهه

حرت مابين نار البلخيم وبين نار البلكلب والدهر شاعلهه

حرت مابين طفله بين حافر خيل وطفله بالمخيم والنار تسعه الهه

حرت مابين خيل اتدوس ابو السجاد وخيل اتدوس وردة وعلي شاتلهه

مابيهم رحم لا غيره لا نوماس لا عدهم حميه الحقد حاملهه

تمنيتك عدل وتردهه يا عباس جارت آل اميه بكل عمايلهه

تمنيتك عدل وآنه ادري يابو الزود ادري بجف يمينك غضب زلزلهه

كلبت الجيش ادري بساعدك صوبين وغيمة غضب روحك حمم جابلهه

فرت ما تفر فريتهه بيمناك ودارت ماتدور الموت دار الهه

طحنت جيوشهم بيمينك ويسراك ليمينك صاح ملك الموت عفيه الهه

وكفت الزلم كلهم سره على الموت وعاليهه صبح من صحت سافلهه

اني انا العباس نفخة صور نشرت ارواحهه من ابدانهه تسلهه

مثلت القيامه جفوفك الميزان سيفك للتميل بعدله عدلهه

النوه يشرد اجاك اختلط عنده الراي لاراي وفكر لا عقل ظل الهه

قل يدرككم العباس انته الموت وهاي الآيه الله هنانه نزلهه

باجر ضعني يطلع ريت باجر غاب ويريت الموت روحي وياك شاملهه

باجر عنك امشي ويايه بس الخوف وتدري الحرم من يحدي بمحاملهه

اليحديهه الشمر ذباح اخوي حسين اسالك بالله هاي الحاله تقبلهه

اودعك بالحلم مابيه حيل وداع وادير العين عنك يا مدللهه

انعاك بدموعي واصبر لفركاك ولو حسرة مصابك ما تحملهه

دموع الحزن فوك الوجن ياريت

وياراني الصبر ما يوم ياريت

باجر ضعني يطلع كون ياريت

اموت ولا اودعك يالشفيه

[زكي الياسري]

قصيدة خاصة بمسابقة شاعر الحسين عليه السلام
التزمت فيها بقافية للصدر و العجز .. و هي محاولة لمجاراة ابداع اخوتي الاعزاء الذين سبقوني ..
و جائزتي في كل الاحوال ان شاء الله دعائكم لي و قبولكم لما جاء فيها من حروف الولاء

أهديكم ثوابها و إلى أمواتكم و أموات شيعة أمير المؤمنين المنسيين و أسألكم الدُعاء
من الله تعالى ان يرزقنا و إياكم في الدنيا زيارة الحسين و في الاخرة شفاعته ان شاء الله تعالى



حبال الوَجَع


فور يادمع الحـزن وانــــــــزل رثاء
على احسين البي گلـُب طـــه انفجع

صير للمذبوح مصــداق العـَـــــزاء
عَلى المثلِ احسيـن مريـــود الجَزَع

هذا سلوة فاطمة فخر النســـــــــاء
وارث الكرار ميـــــــــــــزان الوَرَع

هذا مبلغ اعلى غايات العَــــــــــلاء
وقر بذنه البلمناقـــــــــــب ما سمع

هالجفن محظــــوظ لو صاغ الولاء
ولمُصاب الصـار برض الطـف دِمَع

***

هاي يا دمعي القصيده لكـربــــــلاء
إخضع وشد حيـل بحبـــــال الوجـَـع

لكن ابكل دمعة حط جـذوة إبـــــــاء

تثگب ابكـــــــــل بيرغ اجرام ارتفع


***

حسين مصدر للمكـــــارم و النقـــاء
چذب كلمن گـال ثائـِـــــــــر عن طمَع


سمع دين الله اشتكه امـن الادعيــاء
شال سيفه بساع والنصـره فـِـــــزع

حسين قرآن انتفـض بســـــم الفِـداء
على ايزيد البلشــرع شـــذ و ابتــدع

حسين خرّب خطط شام الطلقــــــاء
صحّه كل غافل ابدنيــــــــــاه انخدع


حسين عبّد درُب كـل الشُهــــــــــداء
حسين للطاغوت مـا ذل وخضـــــــع

يعني مو للشيعــــــة بـس هلإنتمــاء
حسين نور البــــاري علعالــــم سطع

حسين قانون ونـــــزل مــن السمــاء
للأرض من عنده كـــــل شعـب انتفَـع

حسين ثورة ابكـــل معـانـي الكبريـاء
بيهه حتى الهنـــدي صـــدّگ واقتنـَـع

***

حسين لوحة انرسمــت ابلون الدماء
و ابمعانيها اتضح معنـــى الشـــــرَع

حسين روضة وبيهه مـزروع السناء
بيهه كوثر .. عنفـُــــــــوان و دم نِبَع

حسين عـاد ابدمّه تشييــــــــــد البناء
بعد ما بمْعاول الظالــــــــــــــم وگـــَع

حسين صرخة رفـُض مسموعه ونداء
للأبد هيهات للـــــــــــــــــذل و الجشع

علي صَـح قالع البــاب ابلا مِـــــــراء
بعد ما كل واحـــد ابربعــــــــــه رجـع

لكن احسين ابمقاييـــــــــــس العَـطاء
بيده باب ابليس و أعـوانــــــــه انقلع

حسين خالف كـل قوانيـــــــــن الفناء
شما دِمَــــــس ليل الظلم شـــع و لمَع

زكي الياسري النجفي
الثاني من شهر صفر 1434 هـ

[*أحمد الكعبي*]

إرتـفع راسك شـمس مابين الرماح ...
وجرت فوك الشـمس دمعة فاطمه
تنوح بالطف, تبجي إعليك الرياح ...
وبغبار الغاضريه إملـثِّمه
وصوت جبرائيل بالأكوان صاح ...
وعالوجه دمعة محمد ساجمه
ومن كبل لتطيح جسم الكون طاح...
والعرش خر إعله نـحرك وارتـمه
ومن نزف دمّك وفوك الترب ساح ...
كبل دمّك نزف كل دم السمه
طاح سور امخيّمك عالبُعد لاح...
وكبله رب الكون طاح امـخيِّمه
منطبع نـحرك عله ضلوع الجراح ...
والضلوع إعله الضلوع امـهشِّمه
ألف واربع مِيْت عام امن الكفاح ...
تطوف مكه ومكه بيك امحزِّمه
الكعبه صارت كربله وعزمك سلاح ...
والنبي شخصك يبضعة فاطمه
وصار قرآنك رؤس إعله الرماح ...
والوحي جرحك اليتفايض دمه
ياعزيز الله وحُرمْتك تستباح ..
وهي أشد من الحرام إمْحرّمه
آنه لمّن اذكرك ارجو السماح..
شما أطب صحنك أعيش الملحمه
وآنه مو بيدي امْن أضجّن بالنياح ..
هي روحي اعله النياحه امعلّمه
عفّرت خدّي ابترب بيه استراح
خدّك المتعفّر بفيض الدمه
انته صورة هل أتى والإنشراح ...
وسرّك امن البسمله وللخاتـمه
وموسى من علمك أخذ عِلم الألواح ...
نزل نورك عالكليم وكلِّمه
الكل نبي مُرسَل صرت سر النجاح ...
امن الله مَنْزِلْتك عليه متقدّمه
شما يدور الزمن وشما إجه , وراح...
يتبع الشخصك وشـخصك يـِحْكـُمـه

احـمد الكعبي

[جعفر المندلاوي]

قصيدة خاصة بمسابقة شاعر الحسين (http://www.imshiaa.com/vb/../vb) علي (http://www.imshiaa.com/vb/../vb)ه السلام

ندم إبليس






بامر الله لأجل آدم بتكوينه ========= يسـجد كل مَلَك والجان للطينة

خضع كل الخلق وتنفذ المرسوم ======= بس ابليس عاند واشرك بدينه

لان ما عرف سر آدم وسر النور ==== واعمى القلب كِلمن مِثله من حِينه

ولَوَن يدري الحُسين بغرة الصلصال === ولاجله الكون يجري بأمر بارينه

جان اتعذر وظل ساجد الـ هاليوم ====== وما شال الجبين ورفع إيدينه

اشلون ينظر إحسين وما يهيل تراب ==ا== فوك الراس وتلطم حيل كفينه

وجا قدم التوبة ويطلب الغفران ====== ربي بجاه ابن الزهرة او ونينه

دخيلك ما اريد اخذل حبيب الله ====== بيوم يصيح (هل من ناصر) يعينه

شقدم شعتذر والواعية اسمعها ===== وآني على الكفر ما انصر حسينه

ذليل الما نصر دين الله يوم الطف ===== ويخسر بالحشر لو عابد سنينه

آنه لو أدري نور إحسين قبل الطين === أجيته أزحوف يمه وبِسِت رجلينه

آنه لو ادري نور احسين هذا البيه ===== اصيرن خادم وبس ذمة يبرينه

واقدم اعتذاري وانتظر شيكول ====== واطلب بس طلب بالخدمة خلِينه

ولون ادري الحسين بوجه آدم لاح ===== انادي للهدى ،، يحسين دلينه

آنه لو اعبد الله الف بعد الاف ====== ما ينفع ،، وحب احسين ما بينه

لاجل حسين حتى السما تدمع عين === وتبجي الكاع باجوائه وميادينه

والافلاك تصرخ ،، وبصرير الريح ==== نسمع هالعويل بصوت يذوينه

وهدير من البحر ينسمع عالي الصوت == ينادي حسين ، يا لبيك ،، لبينه

وبجت كل الجبال والشجر والهور == وحتى الوحش بالبرّ صام يٌومِيَنه

إذن هذا الحسين وشآنه أعظم شآن === عزيز واكرم الطلبات ينطينه

إذن اكبر خطيئة على الارض سويت === وبعين الحسد للنار ردينه

أه وألف وسفة وما صرت لحسين == درع يوم الطفوف وارد نبلينه

آه والف وسفة وما حضرت الطف == جا جبت الفرات ومايه لسكينه

آه والف وسفة ما شفت عباس ===== جان انطيت روحي بدل جفينه

آه او الف وسفة اشلون اكبر طاح === وما امسح تراب الفوك خدينه

آه والف وسفة الطفل من ينصاب ==== بسهمك حرملة ملعون نادينه

كل الكون من قسوتك صاح الآه == شنو ذنب الرضيع انقطع ودجينه

آه والف وسفة على التلال إتصيح == زينب : يبو فاضل كوم ذلينه

آه والف وسفة حسين لمن صاح === ما شلت الرمح وسيوف سليّنه

آه والف وسفة ولا بعد عاشور ==== نخدم بالمواكب ولا الك جينه

جان الشرف عندي واخدم الزوار === واكحل العين بسخام الجدر وينه

لكن للاسف بالخاطئة اتعديت ======= والدنيا بهواها بغنج تغرينه

الا فالعن امية وكل بني سفيان ===== وكلمن للخبيثة انتمى ويبلينه

آنه كلش بري من كل عدو للآل ===== وبنار السعير بحشر يرمينه

يكفي ظلم يكفي قهر يكفي دموع == بعد ماظل صبر إظهر يمهدينه

---------------------------------------

بقــلم : جعفــر ملا عبـد المـندلاوي

4صفر 1434هـ/ 18-12-2012

---------------------------------------

[منذر الساعدي]

عندما سألت الحسين
http://www.ashaq-basimyat.net/vb/images/icons/rose.gif

اَكتبت لحسين القصيده
والكَلب هاج ابنحيبه

وبالدمع اَسمه رسمته
وفاحت اَحروفه العجيبه

كتله مشتاق ارد اشوفك
لكن الغربه مصيبه

كال سلم من بعيد
وأنتَ بديار الغريبه

راح تسمع رد سلامك
والهوى صوتي يجيبه

وراح تنظرني واَنظرك
نظرة الحُب الحَبيبه
http://www.husseny.com/vb/images/smilies/1%20%2827%29.gifhttp://www.husseny.com/vb/images/smilies/1%20%2827%29.gifhttp://www.husseny.com/vb/images/smilies/1%20%2827%29.gifhttp://www.husseny.com/vb/images/smilies/1%20%2827%29.gifhttp://www.husseny.com/vb/images/smilies/1%20%2827%29.gifhttp://www.husseny.com/vb/images/smilies/1%20%2827%29.gif
http://www.ashaq-basimyat.net/vb/images/icons/rose.gifhttp://www.ashaq-basimyat.net/vb/images/icons/rose.gifhttp://www.ashaq-basimyat.net/vb/images/icons/rose.gif
كتله عندي طلب يمك
كون لتخيب ظنوني!

كال اطلب واني اعرفك
انتَ من اليخدِموني

كتله أسمي فدوه لأسمك
وانه بأسمك يسموني

وين الكه قبر امك!
ضايع وزادت شجوني

كال يا شاعر سؤالك
فتح شَلال اَبعيوني

أمي مظلومه يشاعر
وبفَكَدهه حَزِنوني

اَمي شيعناهه سكته
ابليلة الظلمه السكوني

وبضلع مكسور ماتت
حين شفته انخطف لوني

وأرد اسألَنك يشاعر
تعرف اَشكد يحبوني!

ليش شو محد حضرني
ابيوم موتي أيشيعوني

عالأرض أيام جسمي
بالشمس بس ما اجوني

ترضى اَتغسل ابدمي!
ابدمع ظَنتي اتغَسلوني

واني ابن حيدر وليكم
من طحت ما دفنتوني!

كتله فدوه يبو اليمه
اشهل سؤال الخطف لوني

كال ادري بَجت عينك
وادري هسه اتناصروني

ردت اَبجيك ابسؤالي
يل سؤالك هَد شجوني

َمن اَذكرت ضلع الزجيه
ظَلمت الجنه بعيوني

اظلمت
الجنه
ابعيوني


بقلم
خادم الحسين
حسين الساعدي

[الناقد]

أشكر الشعراء الكرام الذين وضعوا قصائدهم من أجل المشاركة في مسابقة شاعر الحسين عليه السلام....
وسيكتب لهم أجر ذلك ان شاء الله ...
وسيبقى الباب مفتوحا حتى الثانية عشر من هذه الليلة (ليلة السابع من صفر)...لاستقبال قصائد الشعراء ... بعدها لا تدخل القصائد الموضوعة المنافسة ....
وللتذكير سيكون اعلان النتائج في ليلة الحادي عشر من صفر
بالتوفيق لجميع الشعراء

[ابو ياسر الكعبي]

وفّقت سیدی ایها الناقد العزیز ووفق الله الذین کتبوا للحسین حبا بالحسین .......
عظم الله اجور الجمیع

[الناقد]

الاخوة الاعزاء ....الشعراء الكرام...السلام علي (http://www.imshiaa.com/vb)كم
غدا مساء ان شاء الله (http://www.imshiaa.com/vb) ستعلن نتائج المسابقة ...
وتأجل الاعلان الى يوم غد لطلب اللجنة المحكمة ...
فنستميحكم عذرا...
دعواتي للجميع بالتوفيق