ذكرى من الحسين / الرادود السيد حيدر الكيشوان

[زكي الياسري]

عملنا الاول مع الصديق و الرادود الحُسيني المُبدع السيد حيدر الكيشوان

قصيدة تحكي بلسان حال الرباب تخاطب ولدها الرضيع عبد الله ابن الامام الحسين الشهيد عليهم السلام
التوزيع و الهندسة الصوتية للمبدع السيد عقيل الميالي .. في ستوديوهات الانوار الفاطمية / النجف الاشرف

من هنا (http://youtu.be/ShIJEPQtx7Y)

او من هنا
http://youtu.be/ShIJEPQtx7Y




-------------------------------------------------------------------------





و هنا كلمات القصيدة
ظنيتك ذكرى من حسين .... يا عبد الله
و فاركَتك بدموع العيـــن .... يا عبد الله
ضاعن تالي ...... كل آمالي ...... يبني الغالي
يا عبد الله
1
يعبد الله يسلوة شوكَــــي للملكَــه
ينسمة ود عِشَـكَهه حضنيِّ الدافي
يوليدي ابوجودك غابَـت الحـِــركَه
يبسمة فرحة جانت تِعتلي إشفـافي
حِسَبت إحساب لتضن يَبني للفركَه
أمل تِكبَر حِلم وسـط الحشــا غافي
مهدك شاهِد عالآمــــــــآل .... يا عبد الله
ياما سافر بيهِ البَــــــــــال .... يا عبد الله
شكَد هزيتك ...... شكَد ناغيتك ...... تِكبر ريتك
يا عبد الله
2
أمل كل عمري يبني جنت اشوفَـنّـك
وذكرى امن الحبيب الآخِــر اسنيني
و لا فد يــــوم دلاّلي شِـبــَــع مِنـّــك
بليالي الشوكَـ اناغيـك و تِنــــاغينـي
وكَلبي ينقبض لو أبتعِــد عَـنـّــــــــك
طبيب الروح انتَ الـّـــــي تِـداوينـي
ساكن بأعماق الوجــدان .... يا عبد الله
ترويلي اكَليبي العطشان .... يا عبد الله
روحي احتارت .. دنيه ودارت.. ويلي وجارت
يا عبد الله
3
ألم يوليدي من أذكــر عطــش جبدك
ابحَر صيف الطفـــوف اشلون احملنه
ودمعي الي ترك خدي و حِضَن خَدّك
وسف ما سَد عطش روحـك يالمجنــه
خذاني شلون سهم المــــوت من عندك
يردني الموت الك يوليـــــــدي اْريدنه
شِلـّي ابهالروح ابلياك ........ يا عبد الله
يا ريت ايدفنوني وياك ........ يا عبد الله
سهم الجاني ..... ريته جاني ..... وكَص شرياني
يا عبد الله
4
وطن أحزان روحي صارت ابموتك
بي ساكن عذابي و همّــي و آهـاتي
بيه اسمع ييمه ابكل وكـــت صوتــك
لحن يعزف نغم ضيمـــي و عذابـاتي
و انادي بعالي صوتي مروتك مروتك
تعال و عود اليه وشِــد جراحـــــــاتي
دلاّلي الفكَدك مفطــــور ....... يا عبد الله
و الروح ابعالم مهجور ........ يا عبد الله
بيني وبينك ... عيني وعينك ... ويني او وينك
يا عبد الله
5
أخاف الليل انامه و ما غمـض جفني
لأن كل مَرّه للطف ترجـع أحـــلامي
و أشوفك منذبح يا هَـلـــــولد يبنـــي
و افز مرعوبه و اذكر نحرك الدامي
و اضل أنحب ييمه و الظهــر محني
و صور عاشور كلهه اتصير كَِدّامي
يمك تاخذني الاحلام ........... يا عبد الله
ما نامَن ليلي ما نام ........... يا عبــد الله
و بآهآتي ...... و بحسراتي ...... تــل مأسآتي
يا عبد الله

[وجدي الجاف]

سلمتَ شاعرنا الكريم
كلمات رائعة وصوت ولحن شجيان
بوركتم أجمعين
تحياتي

[زكي الياسري]

حياكم الله مولاي الغالي
نسأل الله تعالى ان يتقبل منا هذا القليل بحق الاطهار عليهم السلام
سررت بمروركم العطر استاذ وجدي

[نورالنجف]

اللهم صل على محمد وآل محمد
شكرآ لكم أخي الفاضل
وفقكم الله

[الروح]

فعلاً رائعة وقد أدى أداء جيد السيد حيدر
بورك وبوركتم في موازين اعمالكم ان شاء الله
إمتناني لكم سيدنا لهذا المجهود الولائي
ودي وتقديري