قوافي الأيثار
04-01-2013, 02:00 PM
دمع الحزن لمصيبتك = آه يالرضا اتفجر
ونيران فــگدك بالــگلب = يا سيدي تسعر
يا حجة الديّان = لكل الخلــگ سلطان
_______________
يا سيدي لمصيبتك مخنوگـــه انفاسي
مهموم اجيتك وانتحب واللطم على راسي
بدار الغرب عمرك خلص يا اعز كل ناسي
ما راعى قدرك يالرضا الطاغيه العباسي
وجدك رسول الله = هذا الخطب آذاه
_________________
مثل الحسن يبن النبي غدراً يسمونك
وانته إمام وطاعتك وجبت يعرفونك
ومن قبل عن كل شيعتك رادوا يبعدونك
ݘــنك درت درت صوب النبي يا سيدي عيونك
وتــگله يا جدي = بيه الاجل يحدي
________________
يا بحر طافح بالكرم يل ما تسد بابك
روض الجنان بمرقدك وترابها اترابك
وآنه الك روحي سرت وتقبل اعتابك
زاير اجيتك يالرضا هالليله بمصابك
وادموعي اجريها = وامك اواسيها
________________
هالليله دمعات الحزن يالرضا نجريها
وننصب مآتم سيدي وامك نعزيها
مهمومه اجتك والضلع مكسور ياذيها
زادتها لوعات وقهر هالزمره ندريها
زمرة بني العباس = بشمر وحرب تنقاس
_________________
نفس الجريمه اتمثلت والمجرم اتنوع
من غاب هادينه النبي الادوار تتوزع
لكن يظل يا سيدي طف كربله الابشع
جدك طريح عله الترب واطفاله تتروع
يالرضا من ذبحوه = بخيولهم داسوه
________________
بالغربه گــبرك مرتفع والله رفع قدره
وزيارتك بيها الشرف يا ثامن العتره
كلمن يزورك تحضره يا سيدي بــگبره
اقسم عليك بفاطمه يا مهجة الزهره
زاير تسجلني = وبـــگبري تحضرني
________________
ونســـألكم الدعاء
عمار جبار خضير – 2013
ونيران فــگدك بالــگلب = يا سيدي تسعر
يا حجة الديّان = لكل الخلــگ سلطان
_______________
يا سيدي لمصيبتك مخنوگـــه انفاسي
مهموم اجيتك وانتحب واللطم على راسي
بدار الغرب عمرك خلص يا اعز كل ناسي
ما راعى قدرك يالرضا الطاغيه العباسي
وجدك رسول الله = هذا الخطب آذاه
_________________
مثل الحسن يبن النبي غدراً يسمونك
وانته إمام وطاعتك وجبت يعرفونك
ومن قبل عن كل شيعتك رادوا يبعدونك
ݘــنك درت درت صوب النبي يا سيدي عيونك
وتــگله يا جدي = بيه الاجل يحدي
________________
يا بحر طافح بالكرم يل ما تسد بابك
روض الجنان بمرقدك وترابها اترابك
وآنه الك روحي سرت وتقبل اعتابك
زاير اجيتك يالرضا هالليله بمصابك
وادموعي اجريها = وامك اواسيها
________________
هالليله دمعات الحزن يالرضا نجريها
وننصب مآتم سيدي وامك نعزيها
مهمومه اجتك والضلع مكسور ياذيها
زادتها لوعات وقهر هالزمره ندريها
زمرة بني العباس = بشمر وحرب تنقاس
_________________
نفس الجريمه اتمثلت والمجرم اتنوع
من غاب هادينه النبي الادوار تتوزع
لكن يظل يا سيدي طف كربله الابشع
جدك طريح عله الترب واطفاله تتروع
يالرضا من ذبحوه = بخيولهم داسوه
________________
بالغربه گــبرك مرتفع والله رفع قدره
وزيارتك بيها الشرف يا ثامن العتره
كلمن يزورك تحضره يا سيدي بــگبره
اقسم عليك بفاطمه يا مهجة الزهره
زاير تسجلني = وبـــگبري تحضرني
________________
ونســـألكم الدعاء
عمار جبار خضير – 2013