حلمي ازورك .. اهداء الى كل من لم يوفق لزيارة سيد الشهداء هذا العام

[شاعرة الحسين]

بسم الله الرحمن الرحيم
اللهم صل على محمد و آل محمد

هذه القصيدة اهديها كما سبق و ذكرت الى كل من لم يوفق هذا العام لزيارة قبر المولى ابي عبد الله عليه الصلاة و السلام ( و للأسف انا اولهم ) و اسأل الله ان يرزقهم زيارته عاجلا ..

حلمي ازورك

حلمي ازورك يا امامي و بيك اطوف
ليش حسرة بكلبي شوفـة كربـلــة

تدري لو شفت الضريح من الحنين
نار تسعـــر بــية بس متحــملـة

ما شفت راحة بفراقك يا حسين
هذا كلبي ارتاح يوم ؟انتَ اسألة

تجوي جمرة فركتك آآيا حسين
ريت بس ترحم دموعي السايلة

اكسر الخاطر و حقك يا إمام
هذا وضعي و تكدر انت تبدلة

ادري ما يرضيك بالحسرات اموت
عالـزيـارة و بيـك اظـل متأمــلة

ادري ما يرضيك ظهري المحني دوم
و تدري بس شمة ضريحك تعدلـة

ادري ما يرضيك نسمات التفوت
بيهة اتـوسل سـلامي توصـلة

علكت مشكلتي وي سرب الطيور
و كلـت يم بابك ادز المشـكـلة

شعجب تتركني و الي ما تستجيب
و ادري بالمقصود ميرد سائلـة

راح ادز كلبي الك وية الطيور
لَوَن ما تقبلني بلكت تقـبلـة


راح ادز كلبي الك وية الطيور
لَوَن ما تقبلني بلكت تقـبلـة

// شاعرة الحسين
1434//

[كريم السعبري]

شاعرة الحسين كل التوفيق لك
قصيده روعه اتمنى جزائك من الحسين يرزقك زيارته
السعبري

[شاعرة الحسين]

يااا رب
اشكرك كثيرا على المرور و الأمنية المحببة لي استاذنا الكريم ..

[عبدالله خلف العتابي]

شاعرة الحسين المبدعه حقا
اتمنى ان يرزقك الله ريارة الحسين
في الدنيا وشفاعته في الاخره
اخوك الاصغر
عبدالله العتابي

[شاعرة الحسين]

مشكور اخي عبد الله

حياك الله و بارك فيك ..