الشاعر حسين الساعدي!أنه ابن العراق وامي بغداد

[منذر الساعدي]

أنه ابن العراق
وامي بغدادhttp://ashaq-basimyat.net/vb/images/icons/rose.gif


أنه أبن العراق وامي بغداد
العرب كل العرب تتنخه بيه

دار العز وطنه ودار الأمجاد
اتسَمت بِسم حَماي الحَميه

جريح اني نعم بس واكف اعناد
وشوكه ابعين كل الناصبيه !

حركوا بيتنه وكالوا صفه ارماد
رجع أحله وبنيته ابهاي اديه

العراق ابخير بس اشويه ينراد
صبر ونغربل المو صافي مَيه

هويتنه العراق العرب واِكراد
الشرف يتشرف ابهاي الهويه

والغيره الورثناهه إمن الاجداد
اجتنه ابزود طَف الغاضريه

أكُود الناس كلها وعيب أنكاد
وللطيبين أدز روحي هَديه

البصره والرمادي روح بغداد
تفرح كون شافتهم سويه!!

وِاشكد خَططوا بس كلشي ما فاد
بقينه اخوة ونبذنه الطائفيه



http://ashaq-basimyat.net/vb/images/icons/rose.gif
حسين الساعدي


راق لي