ضلــــــع إو مهشــــــوم

[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


ضلـــــع إو مهشــــــوم
ـــــــــــــــــــــــــــــــــــــــــــ
دنيانه إغيــــوم === ضِلْع إو مهشوم
حزنوا إبهليوم === أحمد مهمــــوم
بنت المختار === نالوها أشرار
دنيـــانــــــه إغيــــــــــــوم
ــــــــــــــــــــــــــــــــــــــــــــ
دنيانه مظلمه اليوم == تواسي حيدر المالوم
لظه بحشاه ما يبــــــــرد == على الزهره جُرح ﻣﻟﭼــوم
إذا زرته إو لزمت الباب == تحـــس آهات من مهموم
تمُر وإتنادي ياشيعــــــه == على الزهره الحزن للدوم
حيدر مجـــروح == هَمّه المَيْــــــروح
يمليها الـــروح == ﺘﺑﭼــي إو بالنوح
شافت أخطـــار == نالوها أشــــــرار
دنيــــانـــــه إغيـــــــــــــوم
ــــــــ
على الزهره الحزن ما مات == نظــل بالحسره والآهات
شفيعتنه لفاها الضيــــــــم == بعد أحمد تصب دمعات
نسوها إو أنكروها اﻟﮔـوم == أبد ما عدهم الطيبات
نسوا حيدر حليف الحق == قـــرآن إو نطق آيات
نكـــــروا تقــــواه == كُبرت بلـــواه
حيــــــدر بـــــالآه == حقّه إو هالتاه
والزهره إبنــــــار == نالوها أشـرار
دنيــــانـــــه إغيــــــــوم
ـــــــــــ
ضلع أم الحسن كسروه == والهـــادي النبي آذوه
وصيته ما رعتها النـــاس == بعد عينه الوصي نكروه
طمع بيهم كره وأحقــاد == من بعده علي إيعيفوه
والزهره تنال الضيــــــم == أبوها الهادي وإيعرفوه
صَوّبهــــا البين == أم الحسنييـــــن
هدمــــــوا للدين == ذوله الباغيـــــن
هجموا عالـــدار == نالوها أشـــــرار
دنيانــــــــه إغيــــــــــوم
ــــــــــــ
يشيعي من تزور إحسين == تواسي فاطمه البلعيــــن
وإهناك الحساب إيصير == تشــــوفك ترفع الأيدين
شفاعه إتنال بيها الخير == من عدها إو تُوَفّي الدين
وإبجاه البتول إتصير == بالجنه إو مع الطيبين
وإتشوف الحور == بالجنه إتــــــدور
وإيمسك نــــور == تفرح مســـــرور
وإيمسهم عـــار == نالوها أشـــــرار
دنيانــــه إغيــــــــوم
ـــــــــــ
على أم الحسن دمعـــــي == يصب وأطْفي ضوه شمعي
وأناطر طلعة الموعـود == من صوته يصل سمعي
يقبلني أصير إوياه == للباري أنَه أدعــــي
واخذ ثار زهرتنه == بالتربه أمُر وأسعي
بالتربه إنطـوف == وإنْحَنّي إﭼفـــوف
بالعين إنشـوف == شوفة ملهـــــوف
نهتف ياثـــــار == نالوها أشـــــــرار
دنيانـــــه إغيــــــــوم
ــــــــــ
عزّوا المصطفه المختار == عـــــزّوا المرتضه الكرار
مصيبة فاطمه إبهليوم == دفنهـا إبليل أبو الأبرار
زينب ساهمه وإتشوف == مشوا كلهم بقت بالـــدار
زغيره إو فاﮔده إلأمها == يتيمه واﻟﮔلب محتــــــار
وبهذا الليــــل == إنْهَد الحيــــــــل
نادت ياويــــل == وإدموع إتسيــل
بيها الهم سار == نالوها أشـــــرار
دنيانــــه إغيـــــــوم
ــــــــــــــــــــــــــــــــــــــــــــــــــ ــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldp6i00332.mp3.html (http://www.facebook.com/l.php?u=http%3A%2F%2Fwww.wlidk.net%2Fdldp6i00332.m p3.html&h=JAQHRQL5oAQFNAq08E-fo8diEn3KOPMJg78rVLlH8qazNiQ&s=1)