الى اول شهيده على ايدي الطغاة كريم السعبري

[كريم السعبري]

قطعه من العرش نزلهه رب الكون ............ ورسم عزته وجلاله في محياهه

بعد عنهه التشابه في صدئ الاسماء .......... وعله كوكب الزهره الزهره سماهه

واسمهه فاطمه هم اله غايه بهاي ......... فطم شيعتهه من النار نجاهه

وباجر من تتطب للجنه متأكدين ....... بعزه أحنه نروح ونطب وياهه

ولو عدهه مصايب تشكي بيهه اهناك ......... للي بكطعت الجفين أذاهه

وعله اسهام النعش تبجي بقة للحين .......... مشه وراح العزيز وضيع أرباهه

الحسن نور الهدية ودرب للأيمان ........ و من عنده البشر تفتهم تقواهه

وعلئ طيحة المحسن من وكع بالباب ....... وبسمار بصدرهه بألم دماهه

وعلئ كسر الضلع وحسين منه اضلوع ........ وعله بتهه العقيله الصعب بلواهه

وعلئ صحبه وحرم واطفال عطشانين ......... و زينب لليسر ألمهه ممشاهه

وطبرت علي ودم السال بالمحراب ..... والتربه الشريفه بدمهه رواهه

يا خير النسه يا أشرف النسوان ..... وابوج اعضم رجل وبكل كلب جاهه

بعمر الورد رحتي صدك ندري بهاي .......... بسم منج ادروس احنهه العرفناهه

عمر 18 بس عقل كوم اعوام ......... ومن عندج نصايح لسه نقراهه

قسم يم الحسن ما ينسي ذكراج ......... ولزم بالدموع يصير محياهه

واذ كبرج يحره تاه عند الناس ......... كبتج بالكلب احنه بنيناهه

نندلج نحسج وين متصيرين ........ حبج بالنفوس القيم علاهه

عيوني فدوه لج وعيون كل الناس .............. للمثلج اذ ينذكر طرواهه

[عبدالله خلف العتابي]

شاعرنا وسيدنا ومعلمنا
العزيز والغالي
السيد كريم السعبري
لايسعني الا ان انحني امام بوح قلمك المعطاء
وانا صامت لااتكلم بل لا استطيع ان اجد كلمات
رائعه مثل كلماتك شاعرنا المبدع سوى هذا الدارمي
كتبته بقلمي لمولاتي الزهراء(ع)
عالرمح راس حسين وزينب تنظره
صار الرمح والراس فاطمه الزهره

تلميذك دوما
عبدالله العتابي

[كريم السعبري]

احسنت ياقمة الابداع الاخ العتابي
وفقك الله ايها الرائع
خادمك السعبري

[كريم السعبري]

احبتي فيها حرفين درجت سهوا
ارجو المعذره
السعبري

[الشاعر الغريب]

الاخ الموالي واستاذي المحترم

الشاعر السعبري

بارك الله بك وبكلماتك الولائيه الصادقه ننتظر منك المزيد ويشرفنا ذلك وانا اصغر خادم في هذا المنتدى المبارك

[كريم السعبري]

الاخ الشاعر الغريب بكنيته
القريب الى كل انسان
مرورك عذب فمنه ارتويت
شكرا لكم هذا المرور
السعبري