اشك زينب نبية .. !

[أماه يا زهراء]

اللهم صل على محمد وال محمد وعجل فرجهم والعن اعدائهم الى يوم الدين


الله ايساعدچ مولاتي عالصار مثلچ يا مرة التحمل اذية
امس للموت زفيتي العراريس و وراهم دمعچ انطش واهلية
انتي ابلاية شك فردوس عالكَاع لان دمعات عينچ كوثرية
دمعتچ طفرت لخد السماوات چوت وجه السمة وصارت ثرية
غريبة كربلة مولاتي سموچ لان طبعچ بالتوارث رافضية
ما دنكَتي راسچ للظلم يوم لان راسچ علم للهاشمية
يومية الوكت يزرع جرح بيچ لحد ما صرتي لجروحة الهوية
انتي وية الحزن عشرة نبي ودين من كسر الضلع للغاضرية
لميتي الحرم واطفال الخيام وصرتي الراعية لاجمل رعية
اطفال المخيم چانو ورود وحضنچ صار الهم مزهرية
معروف الصبر لابد الة احدود مثلچ ماكو هاكَد قابلية
يم صبرچ وكَف خجلان ايوب ودنكَـ يم إباء الفاطمية
التاريخ يمچ يوكَف اجلال وبالاستعداد ياخذلج تحية
وياخذلج تحية ايريد عباس بس اچفوف ماعندة وخطية
شطر روحة الفرات وصارلة اچفوف و وكَف بثنينهن ياخذ تحية
زينب ياهي مثلچ شافت الضيم وصارت للمواجع مرجعية
من انكسر كَـلبچ يوم الطفوف چن توة انكسر ضلع الزچية
يعركَـ ضلچ من اتشوفة الاجناب شلون المثلچ انجرت سبية
على راس الرمح ضل صافن حسين صفنة راسة وحدهة قضية
ويعاين عَـلي مهضوم عباس ويكَـلة حسين بس رجعلي ادية
اسويهم غنم واعيونك اتشوف واطبـكَـهة الثرية اعلة الثرية
زرعتي ابكربلة صبرچ ينابيع وخضـّــر طوس ماي ابكل ثنية
دمعتچ وية سكنة اينزلن سيوف ذو الفقّار لو طبكَـن سوية
قدمتي الحسين لله قربان وكلمتي الـــ الله ابصافي نية
اشوفچ كاظمية ابساعة الغيض لاكن بالمزامط حيدرية
صدى صوتچ لهسة ابمجلس الشام يقرة الفاتحة ابقصر ال امية
وعبرتچ طبعت اعلة الباب نيشان يموت الباب بس اتعيش هية
وصفنتچ نزلت ابسد الحياطين وعليهة ادموع عينچ حُسَينية
اشكن بيچ يا مولاتي مجبور واستغفر الباري من العلية
بعد طه نـبـــي ما ممكن ايصير واشكن بيچ يا زينب نبية

دمتـم موالــيين ..

[عبدالله خلف العتابي]

السلام عليكم
اماه يازهراء
صدقتي ورب الكعبه لم تتحمل اي امراه منذ خلقنا الله
الم وعذاب ومنعت حتى من البكاء فما عسانا ان نقول
في حق سيدة العالمين يااختي مهما قلنا وكتبنا هو سوى
قطره او ذره او حتى لاشىء وفقك الله لكل خير ايها المبدعه
حقا وبدون مجامله
تلميذك واخوك
الصغير دوما
عبدالله العتابي

[أماه يا زهراء]

وعليـكم السلام والرحمهـ .

معذرةٍ ولكن القصيـده ليست لي انما راقت

لي كما راقت لك .. وتبقى استاذنا .. " خلف عبدالله العتابي "

اخي الفاضل يسعدني تواجدك الزينبي

شكراً لحضـــورك .. مع امنياتي لك بالتوفيق بحياتك العمليه والعلميه ..

[جعفر المندلاوي]

يا اختي ..
هذه زينب ~ وما أدراكِ ما زينب ~
ومَن ؛ مثل كعبة الحزن ، ودنيا الصبر، وبحر التحمّل ~
وهل سيجود الزمان بمثلها ، لا أظن ~
فهي مَن أشبهت ، أباً مثل عليّ ، وأمّا مثل فاطمة ~
السلام عليك سيدتي يا أم الرزايا ~

ولك الشكر - اختنا - مدرار على هذا النقل الطيب ~
تحيتي لك وشكرا

[اهات الحوراء]

السلاام على أم المصائب زينب رووحي فداها


أحسنتي أختي العزيزة

[أماه يا زهراء]

اهلآ بك, اختي الزينبية " آهات الحوراء "
شكرآ لتواجدك, دمت بخير..