قبر زينب

[الشاعر الغريب]

بسم الله الرحمن الرحيم

اللهم صل على محمد وال محمد وعجل فرجهم وفرجنا بهم ياكريم

ابيات كتبتها وقلبي مليء بالحزن والالم

صدر القصيده < نصاري > والعجز < تجليبه >



اريد احجي بحزن والنار بحشاي *** واريد الصوت احبابي يسمعونه

راح اكتب شعر والمفرده ادموع *** بلجي اوياي باللوعــــــات يقرونه

اكتب عالزمان الراح والجاي *** وكلامي اللي اكوله الكــــــل يعرفونه

قبر زينب يخوتي ابين عدوان *** ومثل حسين هم قــــــل الينصرونه

فتاوي اهل الرذيله امحضره اليوم *** الجره بسامره نيتـــــهم يعيدونه

قبل زينب تحشم بالكفلهه *** انتفض عباس نار الغيره بعيــــــــــــونه

وهسه المن تنادي والمن اتصيح *** تخاف اعله الضريح من اليعادونه

عليه ردت اميه امبدله الثوب *** بأسم الدين ثـــــــوب الدم يلبسونه

وجمعو كل نذل مجرم وذباح *** يردون القبر زينـــــــــــــــب يفجرونه

حسافه ابعيد عنه ودربه مسدود *** ونواصب هالوكت همه اليحطونه

كل ارواحنه يازينب اوياج *** نفديهه الضريـــــــــــــــــــــحج لو يخلونه

ودربج لو يفتحونه يزينب *** تهب الشــــــــــيعه يم قبرج يحرسونه

وهاذي ارواحنه تصبحلج السور *** لو هذا الدرب مره يفتـــــــــــحونه

ونسوي اصدورنه درع ويطك نار *** ونرعبهه النواصب من يشوفونه

ظلينه بأمل والمهدي ننخاه *** بدمعات الحزن كلهم ينــــــــــدبونه

[عبدالله خلف العتابي]

ياشاعرنا المبدع
الغريب

اتمنه اصيرن ماي بين الحضرتين
وتشربني كل يوم زوار الحسين
بقلمي لسيدي الحسين(ع)
العتابي

[الشاعر الغريب]

اخي الشاعر المبدع عبدالله العتابي

اشكرك على كل شيء بارك الله بك وبقلمك وارد على بيتك واقول

اتمنه اصيرن ماي بيد اليوزعون

واشتم عطر الحسين من اليشربون