عدوانك مدوخينهه

[الشاعر الغريب]

بسم الله الرحمن الرحيم

اللهم صل على محمد وال محمد وعجل فرجهم وفرجنا بهم ياكريم

القصيده بعنوان عدوانك مدوخينهه واسالكم الدعاء

كل العده ياسيدي **** بحبك تره مدوخيهه

**********************

عدنه نهج حسين اعظم مدرسه

يبقه اسمه بكل قداسه انقدسه

امحبته وسط الكلب متأسسه

الماعرف هاذي المحبه انحسسه

منعوف يوم محبته **** بلون الوفه ملونيهه

****************
احنه من مســــــلم تعلمنه الفداء

والكمر عباس علمنـــــــه الوفاء

كلهه ترخص لجلك ارواح ودماء

يبقه رغمن عالعده ايرف اللواء

والرايه مرفوعه تظل **** بارواحنه نفديهه

****************
الموت لجل حسين احله من الشهد

ولو ينسفونه ويــــــفجرونه الجسد

تصير كل ارواحنـــــه طير السعد

ايغرد بنور الشهــــــــاده للابد

هالموته تحله والذبح **** كل السعاده بيهه

**************
انصير مشروع الفده للطاهرين

كطره كطره بالدمه تنادي حسين

بحبك الغالي ترانه امجننين

وبالصبر نحرك جميع الناصبين

بمحبتك وي خدمتك **** هاذي العده عاميهه

**************
احنه عشاكك نظل طول المده

ومن اجل نهج الولايه احنه فده

وداعنك يحسين منهاب العده

ندري كل واحد كتابه وموعده

تشهد الك هي الدمه **** بحاضرهه وبماضيهه

**************

داخت العدوان كلهه وما ندوخ

نرسم بهاذي الدمه لوحة شموخ

قسم مانرضه بمذله ولا رضوخ

بالعزيمه انخلي عدوانك تدوخ

اندوخهه بايمان وعمل **** والرايتك نفديهه

****************

[عبدالله خلف العتابي]

الله الله ياغريب قمة الروعه
والابداع موفق انشاء الله
تقبل مروري ياغريب
صغيرك
العتابي

[الشاعر الغريب]

اخي عبدالله

انت الوحيد الذي يرد ويتواصل واعتقد انك لاحظت ذلك

فاين الشعراء الحسينيون!!!!

لا اعرف كيف اقدم لك اشكر والتقدير

[محطة فرح]

احنه عشاكك نظل طول المده

ومن اجل نهج الولايه احنه فده

وداعنك يحسين منهاب العده

ندري كل واحد كتابه وموعده

دمتَ اخي ودام قملكَ المبدع
كلمات رااائعه جدا
وفقك الله لكل خير بمحمد وآل محمد
تحياتي

[الشاعر الغريب]

والله يامحطة فرح يشرفني مرورك وافتخر به

وما يدهشني عدم رد اخوتي الشعراء على الدارميات التي كتبتها

اعتذر واكرر شكري